Tanzania: Amali kwa Mnasaba wa Kumbukumbu ya Karne Moja ya Kuvunjwa kwa Khilafah

1 Rajab 1442 | Jumamosi, 13 Februari 2021م
Kuwa wa kwanza kutoa maoni!
ukubwa wa font punguza ukubwa wa font zidisha ukubwa wa font

بسم الله الرحمن الرحيم

Tanzania: Amali kwa Mnasaba wa Kumbukumbu ya Karne Moja ya Kuvunjwa kwa Khilafah

Chini ya uongozi wa Amir wa Hizb ut-Tahrir, mwanachuoni mkubwa Ata bin Khalil Abu Al-Rashta, Mwenyezi Mungu amhifadhi, Hizb ut-Tahrir amezindua kampeni pana ya kiulimwenguni kwa mnasaba wa kumbukumbu ya karne moja Hijria ya kuvunjwa kwa Khilafah, 28 Rajab al-Muharram 1442 H / 2021 M, na katika ukurasa huu, tutaangazia amali zilizoandaliwa na Hizb ut-Tahrir / Tanzania ndani ya wigo wa kampeni ya kiulimwengu iliyozinduliwa na Hizb.

Jumamosi, 01 Rajab 1442 H sawia na 13 Februari 2021 M

- Amali za Wiki ya Kwanza ya Mwezi wa Rajab -

Mashababu wa Hizb ut-Tahrir nchini Tanzania mnamo siku ya Jumamosi ya kwanza ya Rajab 1442 Hijria, sawia na 13 Februari 2021 M, waliandaa amali na maandamano baridi katika maeneo kadhaa kutangaza rasmi kampeni ya karne moja ya kuvunjwa kwa Khilafah mnamo Rajab 1342 H sawia na Machi 1924 M.

Kabla ya hapo, mnamo siku ya Ijumaa, 30 Jumada al-Akhira, na kutoka kwenye mimbari za swala ya Ijumaa, waliwahutubia watu katika misikiti anuwai kwa hotuba za hadhara za kupigia debe kampeni hii ya kiulimwengu. Na miongoni mwa maeneo ambayo kampeni hii ilizinduliwa jana: Dar es Salaam, nje ya Msikiti wa Kichangani (Majumini), Msikiti wa Mtoro (Kariakoo), Msikiti wa Idrissa (Kariakoo), Msikiti wa Nuru, Mbandi na Mbagala.

Na huko Zanzibar, misikiti ya Mchanjani na Mbuyuni (Zanzibar mjini) na msikiti wa Qatar Chake Chake (Kisiwa cha Pemba), pamoja na misikiti maarufu katika mikoa ya Mwanza na Tanga. Iliandaa visimamo pamoja na kalima fupi kuwakumbusha Waislamu juu ya uchungu na hali mbaya ambayo Ummah inateseka kwayo kwa sababu ya kukosekana kwa Khilafah, na jinsi Sharia ilivyo faradhisha juu ya Ummah kufanya kazi kuisimamisha tena, na ikawalingania watembee pamoja na Hizb ut-Tahrir, na wafanye kazi pamoja nayo na kuinusuru, kwa sababu ina uwezo wa kihakika wa kuukomboa Ummah kupitia Uislamu.