پاکستان د ۱۹۷۱م کال، په همدې ورځو کې په دوو برخو ووېشل شو؛ پاکستان او بنګله دېش. له پېړیو راهیسې د یو ځای اوسېدلي دغه واحد وجود وېش د انګریزانو د هغه ناوړه پلان له مخې وشو چې غوښتل یې د هند نیمه وچه په ډېرو ایالتونو ووېشي. دوی غوښتل په دې توګه د خپلو اجنټانو د حاکمولو له لارې پر دغو ایالتونو اسانه، ارزانه او له لرې لارې کنټرول ولري. دا کار وروسته له هغې وشو چې انګلستان په ۱۹۴۷م کال کې له سیمې څخه د وتلو پرېکړه وکړه. شریر انګلیس په دې ډول د هغو قومونو او مذهبونو تر منځ جګړې ته لمن ووهله چې پېړۍ پېړۍ یې له یو بل سره سوله‌ایز او ارام ژوند کړی و. د دې لپاره چې انګریزان خپله د وېش پروژه د بېلا بېلو مذهبونو او قومونو پر خلکو تحمیل کړي، دا پلان یې په سیمه‌ییزه توګه د هغو واکمنانو او مشرانو له لورې پلی کړ، چې د هند نیمې وچې خلکو ته د اتلو رهبرانو په توګه ور پېژندل شوي وو او کمپاین ورته شوی و. دا کسان په حقیقت کې د انګریزي استعمار زېږنده او په ټوله معنا انګلیس ته ژمن وو؛ ډېرو یې د انګلیس په ښوونځيو او پوهنتونونو کې زده‌کړې کړې وې او هلته را لوی شوي وو. د دغه وېش پروسه انګلستان، امریکا او چین سپانسر کړه؛ درې واړه تل له اسلامي امت او د دغه امت له یووالي څخه وېرېدل.

اې د هند نیمې وچې؛ هند، پاکستان او بنګله دېش مسلمانانو!

الله سبحانه وتعالی فرمایي:

 (إِنَّ هَذِهِ أُمَّتُكُمْ أُمَّةً وَاحِدَةً وَأَنَا رَبُّكُمْ فَاعْبُدُونِ)

ژباړه: «دغه ستاسو امت په حقیقت کې یو امت دی او زه ستاسو رب یم، نو تاسو يوازې زما عبادت وکړئ.» [انبیأ: ۹۲]

الله سبحانه وتعالی فرمايي:

(إِنَّمَا الْمُؤْمِنُونَ إِخْوَةٌ فَأَصْلِحُوا بَيْنَ أَخَوَيْكُمْ وَاتَّقُوا اللَّهَ لَعَلَّكُمْ تُرْحَمُونَ)

ژباړه: «مؤمنان یو له بل سره وروڼه دي، نو د خپلو وروڼو په منځ کې مناسبات سم کړئ او له الله تعالی څخه ووېرېږئ، هیله ده چې پر تاسو رحم وکړای شي.» [حجرات: ۱۰]

تاسو له هغه امت څخه ياست چې د خیر (ښېګڼې) امت دی؛ لکه خالق تعالی چې فرمايي:

 (كُنْتُمْ خَيْرَ أُمَّةٍ أُخْرِجَتْ لِلنَّاسِ...)

ژباړه: «تاسو په نړۍ کې هغه غوره امت ياست چې د انسانانو د لارښوونې او اصلاح لپاره راوتلي ياست...» [آل عمران: ۱۱۰]

ستر اسلام تاسو سره یو ځای کړي ياست، ستاسو تر منځ یې قومي او قبیلوي خنډونه له منځه وړي، یو موټی کړي یې ياست. ستاسو تر منځ یو پر بل فضیلت او غوره‌والی یوازې د تقوا له مخې دی. رسول الله صلي الله علیه وسلم فرمايي:

«يَا أَيُّهَا النَّاسُ أَلَا إِنَّ رَبَّكُمْ وَاحِدٌ وَإِنَّ أَبَاكُمْ وَاحِدٌ أَلَا لَا فَضْلَ لِعَرَبِيٍّ عَلَى أَعْجَمِيٍّ وَلَا لِعَجَمِيٍّ عَلَى عَرَبِيٍّ وَلَا لِأَحْمَرَ عَلَى أَسْوَدَ وَلَا أَسْوَدَ عَلَى أَحْمَرَ إِلَّا بِالتَّقْوَى»

ژباړه: «اې خلکو؛ ستاسو رب یو دی، او پلار مو هم يو دی (ټول د آدم عليه السلام اولاده ياست)، عرب پر عجم او عجم پر عرب، سپين پر تور او تور پر سپین فضیلت نه لري، مګر په تقوا سره.» [احمد]

اې د هند نیمې وچې مسلمانانو! الله سبحانه وتعالی تاسو په اسلام نازولي ياست؛ د اسلام تر حاکمیت لاندې له پېړیو راهیسې یو ځای وئ او اسلامي هویت مو ترلاسه کړ. نن ورځ د غرب او د غرب د اجنټانو دوکه مه خورئ؛  په منځ کې مو د تفرقې اورونه بلوي او ستاسو په منځ کې د جهل اور ته لمن وهي. ابو داود روایت کوي چې رسول الله صلی الله علیه وسلم فرمايي:

«لَيْسَ مِنَّا مَنْ دَعَا إِلَى عَصَبِيَّةٍ، وَلَيْسَ مِنَّا مَنْ قَاتَلَ عَلَى عَصَبِيَّةٍ، وَلَيْسَ مِنَّا مَنْ مَاتَ عَلَى عَصَبِيَّةٍ»

ژباړه: «هغه څوک له موږ څخه نه دی چې تعصب ته دعوت کوي، هغه څوک له موږ څخه نه دی چې د تعصب لپاره جنګېږي او هغه څوک  له موږ څخه نه دی چې په تعصب کې مري.»

او هغه صلی الله علیه وسلم همداراز موږ ته د قوم پرستۍ په اړه هم خبرداری راکړی چې:

«دَعُوهَا فَإِنَّهَا مُنْتِنَةٌ»

ژباړه: «عصبيت پرېږدئ، ځکه چې بدبویه او خوسا شی دی.» [بخاري او مسلم]

او هغه صلی الله علیه وسلم فرمايي:

«مَنْ تَعَزَّى بِعَزَاءِ الْجَاهِلِيَّةِ فَأَعِضُّوهُ وَلَا تَكْنُوا»

ژباړه: «که څوک پر جاهلیت او قوميت وياړ کوي، هغه ته ووایئ: د پلار تناسلي آله مو په خوله کې ونیسئ او دغه خبره ورته صریحه او له کنایې پرته وکړئ.»

اې د پاکستان او بنګله‌دېش مسلمانانو! الله سبحانه وتعالی فرمايي:

(وَتَعَاوَنُوا عَلَى الْبِرِّ وَالتَّقْوَى وَلَا تَعَاوَنُوا عَلَى الْإِثْمِ وَالْعُدْوَانِ وَاتَّقُوا اللَّهَ إِنَّ اللَّهَ شَدِيدُ الْعِقَابِ)

ژباړه: «... کوم کارونه چې د نیکۍ او تقوا دي، په هغو کې له يو بل سره مرسته وکړئ او کوم کارونه چې د ګناه او تيري وي، په هغو کې د هيچا ملاتړ مه کوئ. له الله تعالی څخه ووېرېږئ، د الله تعالی عذاب ډېر سخت دی.» [مائده: ۲]

له دې څخه کومه تقوا غوره ده چې یو مسلمان له بل مسلمان ورور سره د هر هغه څه تر حاکمیت لاندې یو موټی شي چې الله سبحانه و تعالی نازل کړي دي؟ په حقیقیت کې داسې کسان شته چې تر موږ ټولو غوره دي او په دې کې يې تر موږ سبقت وکړ. د اوس او خزرج د قبیلو له یو ځای کېدو وروسته مهاجرین له انصارو سره یو ځای شول. په داسې حال کې چې د دوی تر منځ دښمنۍ او جګړې وې؛ هېڅ یې نه پرېښودل، هر څه یې سوځول او له کبله یې ډېر خلک وژل شوي. د مسلمانانو ترمنځ همکاري او یووالی له الله سبحانه وتعالی څخه د وېرې او تقوا یوه غوښتنه ده. نو موږ، حزب التحریر تاسو رابولو چې د نبوت پر منهج دویم راشده خلافت، چې رسول الله صلي الله علیه وسلم یې د بیا راتګ زېری ورکړی، په رڼا کې د  توحید تر بیرغ «لا إله إلا الله محمد رسول الله» لاندې سره متحد شئ. موږ تاسو رابولو چې لاسونه راکړئ او د انصارو په څېر وواياست چې کله یې له رسول الله صلی الله علیه وسلم څخه واورېدل «وَلَا يَسْبِقَنَّكُمْ إِلَيْهِ...» «او مه پرېږدئ چې څوک په دې کې سبقت درنه وکړي...». نو ځان ډاډه کړئ چې نور خلک سبقت درنه ونه کړي او تاسو په خپله خاوره کې د خلافت په تاسیسولو کې تر ټولو مخکې شئ. له موږ سره په کار کولو کې مه زړه نا زړه کېږئ، چې د دنیا او آخرت عزت مو په برخه شي.

اې د پاکستان او بنګله‌دېش پوځيانو! تاسو د خپل امت د قوت او محافظت خلک ياست. انصارو ته ځکه د الله سبحانه وتعالی لخوا د انصار نوم ورکړل شو چې دوی د الله سبحانه وتعالی او د هغه د رسول الله صلی الله علیه وسلم مادي ملاتړ وکړ او په مدینه کې یې اسلامي دولت تاسیس کړ؛ دا ستاسو مسولیت هم دی چې د الله سبحانه و تعالی او هغو کسانو مادي ملاتړ وکړئ، چې ستاسو په هیوادونو کې د اسلامي دولت د بیا تاسیس لپاره کار کوي. د هند د نیمې وچې؛ هند، پاکستان او بنګله‌دیش مسلمانان دې ته لېواله دي چې اسلام پرې حاکم شي او یو موټی شي. د اسلام تر حاکمیت لاندې په یووالي او د حزب التحریر په مشرۍ به دوی د راشده خلافت لپاره د ملاتړ یوه پیاوړې نقطه جوړه کړي چې د هند په نیمه وچه کې به بیا ټول مسلمانان سره یو موټي کړي. په دې توګه به دا سیمه د ټولو مستعمره مسلمانو هیوادونو د یووالي لپاره د ملاتړ نقطه وي، چې اوس په ختیځ کې له اندونیزیا تر مراکشه او په لوېدیځ کې تر اندلس پورې د مضرو او زیان رسوونکو حکامو تر حاکمیت لاندې دي.

اې د پوځ سرتېرو، اې د محمد بن قاسم لمسیانو! پوه شئ چې تاسو د خلافت د بیا تاسیس لپاره حزب التحریر ته د نصرت ورکولو وړتیا لرئ. پوه شئ چې د هر ډول ممکنه ننګونو د مقابلې توان لرئ؛ ځکه چې تاسو له مجاهد او مبارز امت څخه ياست. دا امت له هر اړخه دومره وړتیا لري چې یوازې په یو څو کلونو کې به د نړۍ یو مخکښ دولت وي. د خپل رب د رضایت ترلاسه کولو له فرصت څخه ځان مه بې برخې کوئ چې د پخوانیو انصارو په څېر شئ او له هغوی سره یو ځای جنت ته لاړ شئ.

(يَا أَيُّهَا الَّذِينَ آمَنُوا اسْتَجِيبُوا لِلَّهِ وَلِلرَّسُولِ إِذَا دَعَاكُمْ لِمَا يُحْيِيكُمْ وَاعْلَمُوا أَنَّ اللَّهَ يَحُولُ بَيْنَ الْمَرْءِ وَقَلْبِهِ وَأَنَّهُ إِلَيْهِ تُحْشَرُونَ)

ژباړه: «اې هغو کسانو چې ایمان مو راوړی! د الله تعالی او د هغه د رسول صلی الله علیه وسلم بلنې ته لبیک وواياست چې کله رسول صلی الله علیه وسلم تاسو ته د هغه څه په لوري بلنه درکړي چې تاسو ته ژوند بښونکی دی. وپوهېږئ چې الله سبحانه وتعالی د انسان او د هغه د زړه ترمنځ حایل دی. د هماغه لوري ته به تاسو ورغونډ کړای شئ.» [انفال: ۲۴]

انجنیر صلاح الدین عضاضه

د حزب التحریرـ مرکزي مطبوعاتي دفتر مشر