مطبوعاتي اعلامیه

د اسلام له نظره په هند کې د حجاب مسئله

د هند کارناتاکا فدرالي محکمې د ۲۰۲۲م، د مارچ په ۱۵مه، پرېکړه وکړه چې د کالج چارواکو له لوري باید د ښوونځي په یونیفورم کې نجونو ته د ټيکري یا حجاب اجازه ورنکړل شي او د دوی په نظر دا له شخصي ازادۍ او دین څخه سرغړونه نه ده. په داسې حال کې چې د کالج ۹ تنه ښځينه محصلینې د حجاب په اغوستلو ټینګار کوي. دری کسیزې محکمې ویلي چې حجاب د اسلام مهمه برخه نه شي بلل کېدای او د محکمې د حکم لپاره یې د قرآن له ایتونو څخه یادونه کړې ده، له همدې امله ۹ تنو پرېکړه وکړه چې خپله قضیه د هېواد سترې محکمې ته وړاندې کړي.

د سترې محکمې د ۱۲۹ مخونو حکم د بېلابېلو دلایلو له امله مشهور شوی دی. دې حکم د کرناتاکا سترې محکمې هغه هڅه په ډاګه کړه چې غواړي د BJP له لوري د خپلو پیروانو لپاره د دین حدود غوره کړي. دا حکم د هېواد د سترې محکمې له لوري غوره شوی، ترڅو د تثبیت آزمون څخه ناوړه ګټه واخلي، ځکه چې دا په لومړي ځل په ۱۹۵۴م، کې کارول شوی و، ترڅو د دولت قانون پر یو دیني موقف غالب کړي. په داسې حال کې چې دا حکم په ګاونډ کیرالا کې د فدرالي سترې محکمې له لوري د بل حکم سره په بشپړ ډول مخالف دی، چې په ۲۰۱۶م کې یې په یوه بله قضیه کې پریکړه کړې وه، چې حجاب د اسلام یوه مهمه برخه بلل کېږي. دې اقدام ته د واکمن BJP له لوري د هندو سخت دریځو د خوښولو لپاره د یو بل اکثریت اقدام په توګه کتل کیږي او احتمال به یې په راتلونکي کې د هند په نورو ادارو او ایالتونو کې وده ومومي. دغه مراسم د هندو سخت دریځو له لوري ولمانځل شول، چې د BJP رهبرانو هم پکې ګډون درلود، دریځ یې په ښکاره توګه له حجاب څخه کرکه وه، چې په هند او ټوله نړۍ کې د مسلمانانو د خپګان لامل شو.

دا حکم باید په هند او نړۍ کې د مسلمانانو لپاره د حیرانتیا وړ نه وي، ځکه دا د اسلام او کفر تر منځ د نړیوالې مبارزې یوه دوره ده. موږ نه یوازې په هغو هېوادونو کې چې د ډیموکراسۍ مختلف ډولونه لري د داسې اقداماتو شاهدان یو، بلکې په اسلامي نړۍ کې هم مسلمانان له ورته ستونزو سره مخامخ دي. د دې موضوع په اړه موږ څو ټکو ته غواړو اشاره وکړو:

1.      په قرآن او سنتو کې ثابته شوې ده، چې حجاب او پرده له بلوغ وروسته پر مؤمنو ښځو فرض ده، له همدې امله د هغوی نه مراعاتول د الله سبحانه وتعالی له حکم څخه سرغړونه ده او د الله سبحانه وتعالی د حکم په توګه یې باید دفاع وشي، چې په حقیقت کې یوه سمه دفاع ده، مګر د بیان آزادۍ په توګه یې دفاع کول ناسم دي، چې د مطلوبې ارادې او مطلوبو پایلو سربېره یې باید مخنیوی وشي. مسلمانان باید په یاد ولري چې د دې مکلفیت مراعاتول د محکمې پر حکم اغېز نه پرې باسي، دا د الله سبحانه وتعالی په نزد هېڅ اعتبار نه لري او مسلمانان باید دغه فرض په کلکه مراعات کړي.

2.      مسلمانان باید د نړۍ د ډیموکراسۍ پر دروغجنو ادعاوو پوه شي، ځکه ډیموکراسي غواړي پر سیکولریزم دین وساتي. د سیکولریزم له لوري غوره شوي ارزښتونه له تاوتریخوالي سره مل دي، چې په عامه ژوند کې د الله سبحانه وتعالی د قانون پلي کولو پر وړاندې خنډونه جوړوي لکه د شرابو مخنیوی، قمار، زنا، سود او داسې نور او په اسلامي خاورو کې یې مخنیوی کوي. ډیموکراسي غواړي چې د محدودیتونو او غیرقانوني قوانینو په اړه په ټاکل شوي مقننه کې پریکړه وکړي، پرته له دې چې د الله سبحانه وتعالی امر په پام کې ونیسي. د غیر اسلامي خاورو اوسیدونکي په مسلسله توګه پر ډیموکراسۍ خپل باور له لاسه ورکوي، ځکه چې دوی یې د ناوړه ګټه اخیستنې او فساد شاهدان دي، چې د دوی حقونه او معیشت له منځه وړي. مسلمانان باید پوه شي چې په ایماندارۍ او لوړ احساس سره د الله سبحانه وتعالی د قانون پلي کول نړۍ ته سوله او سوکالي راوړي.

3.      مسلمانان باید پوه شي چې ډیموکراسي، جمهوریتونه، دیکتاتوران او سلطنتونه د وخت په تېریدلو سره په خپل سر په قوانینو کې بدلون راولي، چې د خپلو ټاکنو لپاره ډېری د رایې ورکولو بانکونه د انعام په توګه قانع کوي او هغو لابیانو ته انعام ورکوي، چې د دوی ټاکل شوي واک تمویل کوي، ترڅو د دوی توقعات پوره کړي. سربېره پردې، یوه خپلواکه قضایه قوه کولای شي په خپل سر او انتخاب سره د ورته شرایطو لپاره بېلا بېل حکمونه صادر کړي. د بېلګې په توګه، د هند د اساسي قانون په ۳۷۰مه ماده کې د کشمیر د ځانګړو امتیازونو په اړه د کانګرس په دوره کې د عدلیې له لوري د هغوی د ملاتړ لپاره کار اخیستل شوی و، خو د BJP په دوره کې وځنډول شو. د هغو سرغړونو او فسادونو یادونه نه کوم چې له حساب ورکولو څخه د بې پروایۍ له امله به د قیامت په ورځ د الله سبحانه وتعالی له لوري رامنځ ته کیږي، چې د خلکو واکمن به د حساب تر ټولو لوړ حساب ورکوي. په داسې حال کې چې په اسلام کې د الله سبحانه وتعالی قانون، چې په قرآن او سنتو کې د مفصلو شواهدو په واسطه چمتو شوی، اساسي قانون جوړوي او د فقهې اصول او قوانینو د پلي کولو ځانګړتیاوې لري، چې په هر وخت او هر ځای کې د اعتبار وړ دي او په خلکو کې د لوی امانت په توګه لیدل کیږي، چې د قیامت په ورځ د لوړ حساب ورکولو سره دوی ته خبرداری ورکوي، ترڅو د ناوړه ګټه اخیستنې او فساد څخه ډډه وکړي.

4.      مسلمانان باید پوه شي چې د نړۍ په بېلا بېلو برخو لکه هند، فلسطین، تونس، اردن، انګلستان، فرانسه، امریکا او داسې نورو هېوادونو کې داسې موارد صادر شوي، چې ډېری قوانین او قضايي احکام یې د ملګرو ملتونو د کنوانسیون له لارښوونو سره سم پر مخ وړل کېږي. د ښځو لپاره له هغو قوانینو څخه کار نه اخیستل کېږي، چې الله سبحانه وتعالی روا کړي دي لکه؛ د ميراث حق، نکاح، طلاق، حجاب او داسې نور. د نړۍ په ګوټ ګوټ کې د حکومتونو له لوري برعکس دریځ د غرب پانګوال تسلط څرګند استازیتوب کوي، چې "لیبرالیزم" له ټولو ډولونو سره د "سیکولریزم" په توګه د الله سبحانه وتعالی پر قانون لوړ ګڼي. دا نه یوازې د اسلام، بلکې د ټولو دینونو لپاره ګواښ دی.

5.      مسلمانان باید پوه شي چې د ۱۳۴۲هـ.ق، د رجب په ۲۸مه، د خلافت له ړنګېدو راهیسې د نړۍ پر ځمکه د الله سبحانه وتعالی احکام نه پلي کېږي او مسلمان ملت خپل ډال له لاسه ورکړی دی. سربېره پر دې، د خلافت نظام دا یقیني کوي، چې د ذمیانو (د خلافت په دولت کې غیر مسلمانان) مذهبي عقیدې د شریعت پر اساس وڅاري. که د خلکو په منځ کې د الله سبحانه وتعالی قانون د احمقانو له لوري وګواښل شي، د خلافت دولت به یې د ګواښونو پر وړاندې کافي لګښتونه، لښکرونه او وسلې ونه سپموي.

حزب التحریر د هند او نړۍ واکمنانو ته توصیه او خبرداری ورکوي، چې د مسلمانانو په چارو کې په خپل چلند کې محتاط اوسئ. د خلافت د نظام بېرته راګرځي او د رسول الله صلی الله علیه وسلم زېری تحقق مومي. لکه څنګه چې د قیامت په ورځ حساب او کتاب د لمر په څېر د قوي یقین خبره ده.  موږ د الله سبحانه وتعالی له قانون څخه د هرې سرغړونې د حساب اخیستلو لپاره ژمن یو.

{وَسَيَعْلَمُ الَّذِينَ ظَلَمُوا أَيَّ مُنْقَلَبٍ يَنْقَلِبُونَ}[الشعرا: ۲۲۷]

ژباړه: ...او ظالمانو ته به ډېر ژر معلومه شي چې هغوی له کوم سرنوشت سره مخامخ کېږي.

د حزب التحریرـ مرکزي مطبوعاتي دفتر

۱۴۴۳ هـ.ق، د شعبان ۲۰مه

۲۰۲۲م، د مارچ ۲۳مه

د صدور ګڼه: ۰۲۷/ ۱۴۴۳