(ژباړه)

د حزب التحریر ولایه سوډان یوه استازي د ملي امت حزب له مشر امام صادق مهدي سره د ۲۰۱۹ ز کال د جنوري په آتمه لیدنه وکړه. د هیئت مشري په سوډان کې د حزب تحریر د مرکزي اړیکو د کمیټې مشر ناصر رضا ورور په غاړه درلوده او د هیئت نور غړي یې عبارت وو له: د حزب تحریر ولایه سوډان مطبوعاتي دفتر ویاند ابراهیم عثمان (ابو خلیل)، د مرکزي کمېټې غړي هر یو عبدالله حسین، عبدالقادر، عبدالرحمن او محمد مصطفی. دا لیدنه د سیاسي مخورو سره د لیدنو په لړ کې وه چې هغو موضوعاتو ته انعکاس ورکړي چې په سیاسي فضاء اغېزه لري.

په ناسته کې د سوډان د اوسني خوځښت په هکله او دا چې له هغه سره څه وکړو خبرې اترې وشوې. د هیئت مشر واضح کړه چې حزب تحریر له درېیو میاشتو راپدې خوا د سوډان د پلازمېنې خرطوم په ګډون په ډېرو ځایونو کې د (رښتنی بدلون یوه وعده او اړتیا ده) تر نامه لاندې یو لوی کمپاین پیل کړی دی، چې رښتنی بدلون یوازې د نبوت پر منهج د دویم راشده خلافت په راتلو سره رامنځته کېدای شي.

امام له خپل لوري یاد هیئت ته یو لیکلی سند ورکړ چې په هغه کې یې د دې په هکله خپل نظر وړاندې کړی و چې څنګه ټول سوډان ژغورلی شي او په ځواب کې یې د حزب تحریر هیئت نوموړي ته د بدلون د راوستلو په هکله یو لیکلی پیغام ورکړ او د حزب تحریر ځینې نور نشرات چې امام ته نه وو رسېدلي هم ورکړل. د ناستې په پای کې په دې هوکړه وشوه چې د ټولو نوو پرمختګونو په هکله به له یو بل سره اړیکو ته دوام ورکوي.

ابراهیم عثمان (ابو خلیل)

د حزب تحریر ولایه سوډان

مطبوعاتي دفتر ویاند