د حزب التحریرـ ولایه تانزانیا دری فعالان (استاد رمضان موشي کاکوسو، وزیر سلیمان مکالیا جاندا او عمر سالوم بمبو) له دوو کالونو زیات وخت کېږي، چې له ضمانت او محکمې پرته په زندان کې ساتل کېږي. په ورته حالت کې د نورو توقیف شویو کسانو په ګډون د اومشو سازمان علما هم له اوو کالونو څخه ډېر وخت کېږي، چې په زندانونو کې دي. همدا راز نور (مسلمانان او غیر مسلمانان) له ورته برخلیک سره لاس او ګرېوان دي. حزب التحریرـ ولایه تانزانیا غواړي چې د دوی د حقونو د دفاع لپاره د کمپاین خبر ورکړي.

کمپاین به په رسمي توګه د ۲۰۲۰م د جون له ۱۹مې څخه د ۲۰۲۰م د جولای تر ۱۹مې پورې دوام وکړي. دغه کمپاین لاندې برخې لري:

۱ـ د کمپاین موخې:

الف ـ عمومي موخه

د لاندې موضوعاتو پر وړاندې خبرې کول او لاریونونه:

• زندانیان پرته له محکمې نیول کېږي
• مشکوک کسان د ضمانت له حق څخه بې برخې دي
• د شواهدو د تر لاسه کولو لپاره نامعلوم وخت
• د اختطاف شتون
• ترهګریز عمل

ب ـ ځانګړې موخه

• موږ خپل غږ پورته کوو، تر څو زموږ د فعالانو قضیه د مناسبې او یوازې د قانوني پروسې پر اساس واورېدل شي، ضمانت ورکړل شي یا هم خوشي شي.

۲ـ د کمپاین ساحې:

• ·        په بېلا بېلو سیمو کې عامه اسلامي خبرې کول.

• ·        د ټولنیزو شبکو لکه: ټويټر، فسبوک، وټسپ، وېبپاڼو او داسې نورو له لارې د مقالو لیکل، ژوندي پروګرامونه وړاندې کول، ویډیویي کلېپونه او داسې نور.

• ·        په نورو رسنیو لکه ټلویزیونونو، راډیو ګانو، ورځپاڼو ټینګار کول، چې دغه کمپاین تر خپل پوښښ لاندې راولي او په پراخه توګه یې خپور کړي.

• د دې کمپاین عامول او د بشپړ ګډون لپاره د نورو کسانو خوځښت رامنځته کول لکه: وکیلان، روڼ اندي کسان، د بشري حقونو فعالان، مسلمان عالمان، د جوماتونو امامان، مسلمان مبلغین، مسلمان ښوونکي، ژورنالیستان، سیاستوال، مفکران او نور عام وګړي.

• د مدني ټولنو خوځښت رامنځته کول، په ځانګړې توګه هغه کسان چې د بشري حقونو لپاره کار کوي، تر څو په دې کمپاین کې ګډون وکړي او عام یې کړي.

۳. د کمپانی شعار

«د قانون له مخې له محکمې پرته توقیف، له ضمانت څخه محرومیت او د شواهدو د تر لاسه کولو لپاره نامعلوم وخت ظلم دی»

موږ هيله لرو چې د ټولنې هر وګړی په بشپړه توګه په دې ستر کمپاین کې ګډون وکړي، ځکه چې اجنډا یې هر څوک په دیني یا بشر دوستانه اړخ کې رانغاړي.

مسعود مسلم

د حزب التحریرـ ولایه تانزانیا مطبوعاتي استازی