د حزب التحریر – ولایه افغانستان مطبوعاتي دفتر د کوچني اختر رارسېدو په مناسبت د نړۍ ټولو مسلمانانو ته مبارکي وايي. د رحمت، مغفرت او د دوزخ له اور څخه د خلاصون میاشتې په ختمېدو؛ د ارحم‌الراحمین رب له دربار څخه په ډیرې عاجزۍ غواړو چې د ټولو مسلمانانو روژې، عبادتونه، صدقې او مبارزې یې قبولې کړې وي او د اسلامي امت پر مخ د خیر او برکت، نصرت او بریا دروازې خلاصې کړي.

اختر د مسلمانانو د خوشالۍ ورځې دي؛ خو سږ کال په اسلامي نړۍ کې داسې پېښې شوې چې زموږ پر دغې خوښۍ یې خپل سیوری غوړولی او اسلامي امت يې د خپل تاریخ په یوه له تر ټولو تیاره دورو کې اچولی. په تېرو شپږو میاشتو کې د غزې پر مسلمانانو داسې ترخې پېښې راغلې چې د نړۍ خلکو د لومړي ځل لپاره جنایت او نسل‌وژنه په کتابونو کې نه، بلکې په ژوندۍ بڼه د خپلو ټلویزیونونو له لارې ولیده. له بده مرغه، د غزې له ویجاړۍ او د سلګونه زرو کسانو له وژل کېدو او ټپي کېدو سره، لا هم مړه وجدانونه ژوندي نه شول. وحشي یهود د امریکا، انګلستان، اروپایي اتحادیې او د اسلامي خاورو د خاینو حکامو په مرسته د فلسطین د ښځو او ماشومانو ټول‌وژنې ته دوام ورکوي.

خو د دغې تیاره او غمجنې دورې په زړه کې د هیلو یوه رڼا لیدل کېږي چې د غزې خلکو په خپل صبر او استقامت بله کړې. د غزې خلکو په خپل استقامت او مجاهدت په دغې سخته فتنه کې د نړۍ خلکو ته اسلامي ارزښتونه له سره وروپېژندل او ورته ثابته یې کړه چې کوم قوم اخرت تر دنیا پورته بولي او د الله سبحانه و تعالی رضایت تر رزق او امکاناتو غوره ګڼي؛ تر ټولو پياوړي خلک دي. ومولیدل چې د یهودي دولت ټانکونو او الوتکو د غزې ودانۍ ویجاړې کړې، خو د خلکو فولادي عزم یې مات نه شوی کړی. تاریخ به د هغې مور زړورتیا په یاد لري چې د خپل اولاد پر شهادت یې د اوښکو تویولو او چغو پر ځای، شکر او ویاړ کاوه او نورو ته یې د دغې خوښوونکې پېښې خبر ورکاوه.

له بل لوري، د غزې پېښو وښوده چې امت نور پر هغوی تپل شوې پولې او خرڅ شوي حکام نه غواړي. ومولیدل چې له بېلابېلو خاورو مسلمانو ځوانانو هڅه وکړه چې پلي فلسطین ته لاړ شي. دغه راز د یهودي دولت جنایتونو د غربي استعمارګرو دولتونو، بنسټونو او خوسا ارزښتونو اصلي څېره وښوده او ثابته یې کړه چې غرب په ډیر ژور اخلاقي او ارزښتي ناورین کې دی؛ مګر غرب کله اخلاق او ارزښتونه لري!!

یو ځل بیا له الله سبحانه و تعالی څخه غواړو چې دا اختر د مسلمانانو لپاره د خیر، برکت او نصرت پیلامه کړي چې راتلونکی اختر د دوهم راشده خلافت دولت په سیوري کې او تر لواء او رایة العقاب ﴿لا إله إلا الله محمد رسول الله﴾  بیرغونو لاندې ولمانځو. حزب التحریر د اسلامي امت د نهضت او خلافت د تاسیس له لارې ریښتیني وحدت لپاره د الله سبحانه و تعالی په مرسته او توفیق خپلې سیاسي او فکري مبارزې ته همداسې دوام ورکوي او په دې لار کې د هېڅ ملامتوونکي له ملامتۍ نه وېرېږي.

﴿فَالَّذِينَ آمَنُواْ بِهِ وَعَزَّرُوهُ وَنَصَرُوهُ وَاتَّبَعُواْ النُّورَ الَّذِيَ أُنزِلَ مَعَهُ أُوْلَئِكَ هُمُ الْمُفْلِحُونَ﴾ [الاعراف: ۱۵۷]

ژباړه: «نو چا چې پر هغه (پیغمبر صلي الله علیه وسلم) ایمان راووړ، د هغه حمايت يې وکړ  او نصرت یې ورکړ او له هغه نور (قران) څخه یې پيروي وکړه چې پر هغه (صلي الله علیه وسلم) نازل شوی – همدوی بریالي دي»

د حزب التحریر – ولایه افغانستان مطبوعاتي دفتر