بریتانیا حزب التحریر، د بریتانیا په شمال «بیرمنګام» ښار کې د فلسطین د مبارکې خاورې له مسلمانانو څخه د ملاتړ په موخه «له یهودو پرته منځنی ختیځ، د راتلونکې تګلارې نقشه» تر سرلیک لاندې کنفرانس تر سره کړ، چې دغه کنفرانس لاندې درې بنسټيز پیغامونه درلودل.
لومړی پیغام: د اسراء او معراج د خاورې په اړه و چې اسلامي دولت، فلسطین فتح او له اسلامي خلافت سره یې یوځای کړ، نو د فلسطین مبارکه خاوره د خلافت تر سقوط پورې د اسلامې دولت برخه ګڼل کېدله، چې وروسته صلیبیانو د شام خاورې چې فلسطین هم پکې شامل و اشغال کړې، فلسطین یې یهودو ته تسلیم کړ چې فساد پکې وکړي. دا په داسې حال کې دی چې د فلسطین قضیه په ټولو مسلمانانو پورې اړه لرې او د اسلام قضیه ده.
دویم پیغام: د مسلمانانو چارواکو د خیانت په اړه و، په ځانګړې توګه د ترکیې د هغه خیانت په اړه چې د مسلمانانو او د فلسطین د خلکو پر وړاندې یې کړی و، ځکه دغه حکام له یهودي غاصب دولت څخه د ملاتړ او له نوموړي دولت سره د سیاسي، اقتصادي او نظامي اړیکو د ساتلو لپاره شپه او ورځ هڅه کوي، له دې هم شرمونکې چې د اردوغان او د هغه د سیکولر حزب په ژمنه کې، اردوغان له یهودي دولت سره د مرستې شعارونه ورکول.
خو روستی پیغام: د فلسطین د مبارکې خاورې د قضیې د حل په تړاو د هغو وړاندیز شوو حللارو په اړه و چې د کفارو او غربیانو لخوا یې وړاندیز کېږي، په حقیقت کې د مسلمانانو ذلت او د یهودي دولت تمکین د فلسطین په دې لویې خاورې پورې تړلی دی او یوازینۍ حللاره د هغه ازادول دي، لکه څرنګه چې صلاح الدین ایوبي هغه ازاد کړ او داسې کار له خپلواک او عادل دولت پرته چې هغه د نبوت پر منهج د خلافت دولت دی، شونی نه دی.
له الله سبحانه و تعالی څخه غواړو چې مسلمانانو ته په اسلامي دولت سره عزت ورکړي ترڅو د فلسطین مبارکه خاوره او نورې ټولې اسلامې خاورې ازادې، اسلام پلی او ټولو نړیوالو ته یې ورسوي.

د حزب التحریر مرکزي مطبوعاتي دفتر ویاړي چې د روژې په مبارکه میاشت کې د «اې پروردګاره! ما روژه نیولې – دویمه برخه » تر سرلیک لاندې د الواقیه تلویزیون له تصویرې خپرونو نوې خپرونه چې اسلامي نیکوکاره دعوتګران یې د نړۍ له بېلابېلو برخو د مزکزي مطبوعاتي دفتر د پاڼو لیدونکو او تعقیبوونکو ته وړاندې کوي، ددغې خپرونې لومړۍ برخه د ۱۴۳۸هـ په رمضان کې خپره شوې وه، ، له موږ سره اوسئ
پنځمه برخه
[ایا زموږ د سږکال روژه سمه ده!؟]
الحاج صالح الرازم
حزب التحریر/ د فلسطین مبارکه خاوره
۱۴۳۹هـ، د مبارکې رمضان ۵مه، دوشنبه/ ۲۰۱۸م، د مې ۲۱