(ژباړه)

د ۲۰۲۴م کال، د مارچ په ۱۲مه، د پاکستان او منځني ختیځ لپاره د امریکا د پوځ څانګې، د امریکا مرکزي قومندانۍ (سېنټکام) په ۲۰۲۴۰۳۱۲-۰۱ نمبر مطبوعاتي اعلامیه کې د اردن د شاهي هوايي ځواک په همکارۍ غزې ته د هوا له لارې د بشردوستانه مرستو غورځولو اعلان وکړ. د غزې کړکېچ د زلزلې یا سیلابونو پشان ناورین نه دی؛ بلکې د یهودي دولت له لوري د بې دفاع ملکي خلکو پر وړاندې د سوې ځمکې پالیسۍ یا (scorched earth policy) چې په جګړه کې یو لوری هر هغه څه له منځه وړي چې مقابل لوری یې ګټه ترې اخلي؛ لکه بېخ‌بنسټونه، سرچینې او ...) له مخې ښکاره جګړه ده. دا یوه ويجاړوونکي ټول‌وژنه ده چې د غربي صلیبیانو له لوري یې په بشپړ ډول ملاتړ کیږي. دا یوه ظالمانه محاصره ده؛ مسلمانان په کثافاتو کې فاسد شوي خواړه لټوي او د اوبو د کمښت او لوږې په حالت کې مړه کیږي. دا جګړه په اشغال پیل شوه او له لا ډیر اشغال سره به پای ته ورسېږي. نور بس دي! مسلمان پوځونه باید د فتوحاتو په میاشت، روژې میاشت کې د یهودي دولت د له منځه وړلو لپاره بسيج شي. پرېږئ چې مسلمانان د پاکستان په پوځ کې د خپلو خپلوانو او ملګرو له منځه د نن ورځې محمد بن قاسم راوپورته کړي. پرېږدئ چې په دغې مبارکه میاشت کې د پاکستان پوځ، لکه محمد بن قاسم چې زموږ د نیکونو چغو ته ځواب ویلی و، د غزې د ماشومانو چغو ته ځواب ووایي. الله سبحانه وتعالی فرمايي:

«وَإِنِ اسْتَنْصَرُوكُمْ فِي الدِّينِ فَعَلَيْكُمُ النَّصْرُ» [انفال: ۷۲]

ژباړه: «کله چې څوک د دین لپاره له تاسو نصرت وغواړي، نو پر تاسو فرض ده چې نصرت ورکړئ.»

اې د پاکستان مسلمانانو! د پاکستان حکام او د هغوی چاپلوس شیطانان اوس هم ستاسو په پرلپسې او صادقانه غوښتنو ملنډې وهي چې د غزې د ملاتړ لپاره د پاکستان وسله والو ځواکونو د بسیج لپاره یې ترې کوئ. دا ډارن حکام هماغه کسان دي چې له واشنګټن څخه په یوه تلیفوني اړيکه کې د امریکا د ګټو د ترلاسه کولو لپاره زموږ پوځونه د نړۍ هر کونج ته، که لېرې وي که نیږدې، لېږي. خو خبره چې د غزې شي، وايي غزه ډیره لېرې ده! کله چې مسلمانان ملاتړ ته اړتیا ولري واټن خنډ نه شي کېدای. کله چې خبره د هغه دښمن پر وړاندې، چې پر موږ یې برید کړی او له خپلې خاورې مو وباسي، د جګړې لپاره د الله سبحانه و تعالی د امر وي، نو واټن هیڅ خنډ نه شي کېدی. الله سبحانه وتعالی فرمایي:

«وَاقْتُلُوهُمْ حَيْثُ ثَقِفْتُمُوهُمْ وَأَخْرِجُوهُمْ مِنْ حَيْثُ أَخْرَجُوكُمْ» [بقرة: ۱۹۱]

ژباړه: «له هغوی سره وجنګېږئ، تر دې چې پر هغوی برلاسي شئ او هغوی له هغه ځایه وباسئ چې تاسو یې ترې ایستلي یئ.»

کله چې خبره د مسجد الاقصی، د اسرا او معراج سپېڅلې خاورې وي؛ نو واټن او لېرې ‌والی هیڅ خنډ نه شي کېدی. د ایمان او د الله سبحانه و تعالی د اطاعت په مسله کې واتن هېڅ خنډ نه شي کېدی. د هغو کسانو لپاره چې له الله سبحانه وتعالی سره تجارت کوي او د جنت لپاره له خپل سر و مال څخه تېر وي؛ واټن هیڅ خنډ نه دی!

اې د پاکستان مسلمانانو! د پاکستان په وسله وال پوځ کې د خپلو خپلوانو او دوستانو هیڅ پلمه مه منئ. که وایي چې دوی په قومانده عمل کوي، وریاده کړئ چې د مسلمانانو لپاره د الله سبحانه وتعالی له حکم څخه پورته هیڅ حکم نشته. ابن ماجه او احمد روایت کړی چې رسول الله صلی الله علیه وسلم وفرمایل: «مَنْ أَمَرَكُمْ مِنْهُمْ بِمَعْصِيَةِ اللَّهِ فَلَا تُطِيعُوهُ» « که ستاسو له اميرانو څخه چا د الله سبحانه  وتعالی پر معصیت امر وکړ، د هغه اطاعت مه کوئ». که وايي چې د پاکستان فاسد حکام يې مخه نیسي، ترې وغواړئ چې دغه حکام یې له فساد سره له مخې لرې کړي. که وایي چې د عربو حکام به غزې ته دوی د تګ مخه ونیسي، نو د نبوت پر منهج د خلافت د بیا تاسیس غوښتنه ترې وکړئ‎، چې د عجم او عربو ټول جنایتکار حکام به لرې کوي. که وایي چې د رهبرۍ لپاره یې څوک نشته، ورته ووایئ چې حزب التحریر ته خپل نصرت ورکړي. که بل څه وايي، خبر یې کړئ چې الله سبحانه وتعالی ته به ځواب ورکوي او تاسو به د دوی پر وړاندې شاهد اوسئ. بيا هېڅکله هېڅ غوښتنه مه ترې کوئ.

اې د پاکستان د وسله والو ځواکونو مسلمانو! تاسو کمزوري نه یئ، ځکه چې الله سبحانه وتعالی د ځمکې پر مخ تاسو یو تر ټولو ځواکمن پوځ جوړ کړي یئ. تاسو د ځمکې له ملاتړه نه یئ بې برخې، ځکه چې اوس دوه ملیارده مسلمانان راپاڅېدلی او باید تاسو هم ورسره پاڅېږئ. تر ټولو مهمه دا چې تاسو د اسمان له ملاتړه نه يئ بې برخې، ځکه ستاسو ملاتړی الله سبحانه وتعالی دی. د تاریخ پاڼې هغه څوک نه بدلوي چې زړورتیا، عزت او ایمان نه لري. دا کار هغه کسان کولی شي چې په خپلو هڅو کې نه ستړي کېدونکي دي او د الله سبحانه وتعالی پر نصرت پوره ایمان لري. حزب التحریر د خپل امیر، شیخ عطاء بن خلیل ابو الرشته تر مشرۍ لاندې له لسیزو راهیسې تاسو ښه پېژني. په تاسو کې یو محمد بن قاسم نشته، بلکې ډېر زیات دي. د اړتیا وړ کار ترسره کولو او د شرعي مکلفیت پوره کولو لپاره تر بس هم زیات دي. نو ګرانو وروڼو! خپل لاس د شیخ عطاء پر لاسونو کېږدئ او پر مخ لاړ شئ. الله سبحانه وتعالی فرمايي:

«يَا أَيُّهَا الَّذِينَ آمَنُوا ‌إِنْ ‌تَنْصُرُوا اللَّهَ يَنْصُرْكُمْ وَيُثَبِّتْ أَقْدَامَكُمْ» [محمد: ۷]

ژباړه: « اې مومنانو! که الله تعالي ته نصرت ورکړئ، هغه به تاسو ته نصرت درکړي او ستاسو ګامونه به کلک کړي.»

د حزب التحريرـ ولایه پاکستان مطبوعاتي دفتر

۱۴۴۵ هـ.ق کال، د رمضان ۵مه

۲۰۲۴م کال، د مارچ ۱۵مه

ژباړن: محمد حامد