د نړۍ په کچه د تر ټولو ځواکمن مسلمان پوځ لپاره نوی مشر د یوې سترې نهیلۍ پرمهال وټاکل شو. د جنرال باجوه د شپږ کلنې دردناکې دورې په پای ته رسېدو سره مو د ارام ساه واخیسته. د جنرال باجوه دې تګلارې او فکر چې موږ یې له امریکا سره همکارۍ ته اړ ایستلو؛ زموږ د وسله‌والو ځواکونو شهرت او اعتبار خراب او بې ثباتي او نا امني یې خپره کړه. له دې ځای وروسته د پاکستان د پراخ ظرفیت او پوتانشیل په درک کولو سره له امریکا سره د هر ډول همکارۍ له پای ته رسولو پرته، زموږ د وسله والو ځواکونو حیثیت نه شي خوندي کېدای.

اې د پاکستان مسلمانانو! له امریکا سره د هغې همکارۍ د پای ته رسولو غوښتنه وکړئ چې له امله یې اشغال شوی کشمیر هند ته پرېښودل شو. د باجوه تګلارې په کشمیر کې د جهاد ټول ملاتړ له منځه یووړ او په دې سره یې د هند د پوځ او اقتصاد د کمزوري کېدو مخه ونیوله. د جهاد د اسلامي فريضې په پرېښودلو سره هند ازاد پرېښودل شو چې د امريکا د سيال چين پر وړاندې د امريکا د متحد په توګه راپورته شي، په افغانستان کې ژور نفوذ وکړي او په هند کې زموږ د مسلمانو وروڼو، جومات، حجاب او د رسول الله صلی الله عليه وسلم د حرمت پر وړاندې وحشيانه کمپاين پيل کړي.

اې د پاکستان مسلمانانو! له امریکا سره د هغې همکارۍ د پای ته رسولو غوښتنه وکړئ چې له مخې یې د پاکستان پوځ د "ځان ساتلو" سیاست په مخته وړلو سره د هند پر وړاندې کمزوری کوي. د امریکا په امر د باجوه تګلارې "د جګړې لپاره ځای نشته" خیالي افسانې ته وده ورکړه. د امریکا پلان دا دی چې د پاکستان د ځواکمن پوځ ظرفیت د دوی په خبره "مناسبې کچې" ته ټیټ کړي او پوځي او اټومي وړتیاوې یې کمې کړي؛ په داسې حال کې چې د هند دا ظرفیتونه په چټکۍ لوړوي. له دې سره، زموږ د اردو افسرانو اوس پر موږ د هند د پوځي او اقتصادي لوړوالي د ناسم تصور له امله خپله روحیه بایللې.

اې د پاکستان مسلمانانو! له امریکا سره د هغې همکارۍ د پای ته رسولو غوښتنه وکړئ، چې افغان مجاهدین یې اړ کړل چې له امریکا سره تړون لاسلیک کړي او په دې توګه د ناکام امریکايي پوځ لپاره د وتلو خوندي لار برابره کړي او افغان رهبري د امریکا د نړیوال نظم په دام کې واچوي. له امریکا سره همکاري دا ډاډمنوي چې زموږ پر سرونو د امریکا د بې پیلوټه الوتکو لپاره د "بولیوارډ" هوایی دهلیز د پرانیستو له لارې له افغانستان سره پر پوله په قبایلي سیمو کې شخړې روانې وي. زموږ پوځيان اوس زموږ په لوېديځه پوله کې په پراخه کچه بوخت دي، دا هند ته اجازه ورکوي چې په اشغال شوي کشمیر او سیمه کې د خپلو موخو مخته وړلو ته بې غمه وي. سربېره پر دې، د باجوه تګلارې د دې مخه نیولې چې پاکستان او افغانستان د یوه دولت په توګه سره یو شي او د هند پر وړاندې لا پیاوړي شو.

اې د پاکستان مسلمانانو! د امریکا د استعماري راج د پای ته رسیدو غوښتنه وکړئ چې پر موږ د امریکا د کنټرول وسیله، ډیموکراسي یې ژوندۍ ساتلې. د باجوه امریکایي باداران له دې اندېښمن وو چې په موږ کې د د ډیموکراسۍ د رد او اسلامي نظام، خلافت د غوښتلو نارې په زیاتېدو دي. د باجوه تګلارې دا باوري کړه چې موږ بیا خپل مخونه ناکامې ډیموکراسۍ ته واړوو او ژوند یې اوږد کړو. په دې توګه، واکمني له پاکستان مسلم لیګ – نواز څخه د پاکستان تحریک انصاف ته او بيا مسلم لیګ – نواز ته واوښته او داخلي ګډوډي يې رامنځته کړه. په حقیقت کې، له امریکا سره همکاري له موږ څخه دا فرصت اخلي چې د ما أنزالله په حاکمولو سره له ډیموکراسۍ ځان خلاص کړو.

اې د پاکستان مسلمانانو او د دوی وسله والو ځواکونو! اوس د نبوت پر منهج د خلافت پر بیا تاسیس ټینګار وکړئ، چې د باجوه د تګلارې او فکر په ګډون به له امریکا سره هر ډول همکاري پای ته ورسوي. الله سبحانه وتعالی فرمايي:

 [إِنَّمَا يَنْهَاكُمْ اللَّهُ عَنْ الَّذِينَ قَاتَلُوكُمْ فِي الدِّينِ وَأَخْرَجُوكُمْ مِنْ دِيَارِكُمْ وَظَاهَرُوا عَلَى إِخْرَاجِكُمْ أَنْ تَوَلَّوْهُمْ وَمَنْ يَتَوَلَّهُمْ فَأُوْلَئِكَ هُمْ الظَّالِمُونَ]

ژباړه: «له شک پرته، همدا خبره ده چې الله تعالی تاسو د هغو خلکو له ملګرتیا څخه منع کوي چې ستاسو سره د دین په معامله کې جنګېدلي دي، تاسو یې له خپلو کورونو ایستلي یاست او ستاسو په ایستلو کې یې له یو بل څخه ملاتړ کړی دی. له هغوی سره چې کوم کسان ملګرتیا وکړي، هغوی ظالمان دي.» [ممتحنة ۶۰:۹]

د حزب التحریرـ ولایه پاکستان مطبوعاتي دفتر