په نیوزیلاند کې د یوې وحشتناکې زړه بوږنووکې پېښې په ترڅ کې په جوماتونو او نورو ځایونو کې پر مسلمانانو ډزې شوي، چې پکې یوه یا څو مسلمان ضد کسانو پر مسلمانانو برید کړی او په اړه یې حزب التحریرـ استرلیا لاندې ټکو ته اشاره کوي:

۱. لومړی ـ دعا کوو چې الله سبحانه و تعالی قربانیانو ته جنت او خپلوانو ته یې صبر ورکړي.

۲. دویم ـ مسلمان ضد وحشتونه یوازې په نیوزیلند کې نه دي او کومه نوې موضوع هم نه ده. یوازې وروستۍ بڼه یې د ترهګرۍ پر وړاندې جګړې په توګه څرګنده شوې، چې نیوزیلند او نور هېوادونه پکې هغه مهال ښکېل شول چې له امریکا سره یې د جګړې په مخ بولو کې هوکړه وکړه.

د تروریزم پر وړاندې جګړه یو کمپاین دی، چې مسلمانان او اسلام د یوه شته ګواښ په توګه خلکو ته ورپېژني، څو په اسلامي نړۍ کې نظامي لاسوهنې لازیاتې کړي.

۳. درېیم ـ مسلمان ضد وحشتونه چې تروریزم ضد مبارزه ګڼل کیږي، عام خلک داسې افراطي کړي چې په پایله کې یې باید دا ډول زړه بوږنوونکې پېښې وکړي. مسلمان ضد وحشتونه ګڼې بڼې لري، چې تر ټولو وحشي بڼه یې د دولت لخوا په بهر کې د نظامي لاسوهنو، او په کور دننه کې په هڅوونکو څېرو کې راڅرګندیږي. په داسې حال کې چې هر مهال له ملکي وګړو غوښتل کیږي څو په پېښو کې خپل رول ولوبوي، خو په دې ډول پېښو کې پخپله دولتونه دخالت کوي.

د یادونې وړ موضوع د دولت لخوا د تروریزم پر وړاندې د جګړې تر سرلیک لاندې، له مسلمان ضد بنسټونو څخه ملاتړ دی. لکه څرنګه چې په ورته پېښو کې رول لوبوي نو باید له مسوولیت یې هم تېښته ونه کړي. هغوی اور بل کړی و، ترڅو بهر هېوادونه پکې وسوځي، خو اوس په ډېره وحشتناکه توګه یې کور سوځي. دا وینې د نیوزیلند دولت بهولي دي او نشي کولای چې له مسوولیت یې تېښته وکړي.

د حزب التحریر ـ استرالیا مطبوعاتي دفتر