مرکزي دفتر: کمپاین "کشمیر یوازې د اسلامي لښکرو په خوځښت سره ازادېدلی شي"
د جمعې د خطبې یوه برخه، چې د حومه ادلب د سرمین په سیمه کې د استاد ابراهیم ابو عبدالرحمن له لوري وړاندې شوه
جمعه، ۱۴۴۰، د ذوالحجې ۱۵مه/ ۲۰۱۹، د اګېسټ ۱۶ مه
د زکریا ضلع (ابواحمد) او احمد معاز (ابوعلي) وروڼو د نیولو په اړه، د غاب له کمپونو څخه، د ابور اکش ورور ځانګړې وینا
پنجشنبه، ۱۴۴۰، د ذوالحجې ۱۴ مه/ ۲۰۱۹، د اګېست ۱۵مه
برېتانیا: د حزب التحریر یو پلاوی د کشمیر لپاره د پاکستان عالي کمیسیون ته سفر کوي
![[د امت د چارو ځپرونې]](/pa/media/k2/items/cache/085648ceec5136f96a922e7f5da3f7b0_M.jpg?t=-62169984000)
"کشمیر او فلسطین تن او وجود دي!"
د پروګرام مېلمه: استاد حسن حمدان (ابوالبراء)
د پروګرام چلوونکی: استاد هیثم الناصر (ابوعمر)
شنبه، ۱۴۴۰، د ذوالحجې ۱۶مه/ ۲۰۱۹، د اګېسټ ۱۷ مه
د لازیات معلومات لپاره لاندې لېنک ته سر ورښکاره کړئ
د تل الکرامه په حومه ادلب کې د "اې مخلصینو، خپل انقلاب مو وژغورئ!" تر نامه لاندې لاریونونه
جمعه، ۱۴۴۰، د ذولحجې ۱۵مه/ ۲۰۱۹، د اګېسټ ۱۶مه
وړاندې کوونکی: شیخ ډاکتر محمد ابراهیم، په ولایه لبنان کې، د حزب التحریر د مطبوعاتي دفتر مشر
مسجد النور، ۱۴۴۰ د ذولحجې ۱۵ مه/ ۲۰۱۹ د اګېسټ ۱۶ مه
د الاقصی له مبارک جومات څخه، اوونیز سیاسي تحلیل
وړاندې کوونکی: سیاسي مفکر احمد خطواني (ابوحمزه)
بیت المقدس- د (فلسطین) مبارکه ځمکه
چهارشنبه، ۱۴۴۰ د ذوالحجې ۲۰ مه/ ۲۰۱۹ د اګېسټ ۲۱ مه
د لازیاتو معلوماتو لپاره لاندې لینک ته سر ورښکاره کړئ
(ژباړه)
شنبه د تګزاس ایالت په پاسو ښار کې ۲۰ تنه او بله ورځ (یکشنبه) د اوهایو ایالت په ډایټون ښار کې ۹ تنه ووژل شول. له بده مرغه، زموږ په ټولنه کې دا پېښې ډېرې کېږي. په وروستیو کلونو کې د افراطي ښي اړخو او متعصبو سپین پوستو زیاتېدو، په امریکا کې یوه وژونونکې فضا جوړه کړې. په امریکا کې د وروستیو وسلهوالو وژنو لپاره د ټرمپ ګنهکار بلل، موږ له نورو مهمو موضوعاتو لکه مرزونو او سیکولر لیبرالېزم نه لرې کوي. سیکولر لیبرالېزم اساسا داسې کسان جوړوي چې د نورو د نظرونو، ارزښتونو او چلندونو پر وړاندې مخالفت کوي، طبعي نتیجه یې له متفاوت اقلیت څخه د یوه اکثریت کرکه او د هغو ځورول دي. د دغه فکر تاریخي مخینه په څو اروپایي هېوادو کې د پوپولېزم له ودې سره ملګرې ده.
دغه ایډیالوژیک اصل ډېرې کره څېړنې ته اړتیا لري، ځکه چې ځانغوښتونکي او متعصب سپین پوستي هم د همدغه مبدایي اصلی محصول دي. که څه هم ټرمپ متعصبو سپین پوستو ته فزاسازي کوي او انرژي ورکوي، خو موضوع په اصل کې تر دې هم ژوره ده، دغه فکر په غربي ټولنو کې ډېرې ریښې کړې. د استعمار د څو پېړیو حاکمیت په اوږدو کې، د تاریخ پاڼې د سپین پوستو له غوره والي، ژغورنو او د امریکا د امپراتورۍ له سرګذشته ډکې دي؛ هغه امپراتوري چې د غلامانو په اوږو، د ملتونو په عاموژنه او د کمزورو ملتونو په لوټولو جوړه شوې. په حقیقت کې، د پانګوالۍ وسیلې د دغې سلطهګرۍ له دوام سره مرسته کوي. نژادپالنه یو داسې نظم دی چې هېڅ دولت ته نه ځانګړی کېږي، د ستونزو د ورکولو لپاره یې باید بنسټ او اساس ته پام وشي او له منځه یوړل شي.
اسلام، ملیت پالنه او نژادپالنه قطعا حرامه کړې، د برترۍ او غورهوالي معیار یې د تقوا او اخلاص درجه ټاکلې. الله سبحانه و تعالی فرمایي:
﴿يَا أَيُّهَا النَّاسُ إِنَّا خَلَقْنَاكُم مِّن ذَكَرٍ وَأُنثَى وَجَعَلْنَاكُمْ شُعُوبًا وَقَبَائِلَ لِتَعَارَفُوا إِنَّ أَكْرَمَكُمْ عِندَ اللَّهِ أَتْقَاكُمْ إِنَّ اللَّهَ عَلِيمٌ خَبِيراً﴾ [حجرات: ۱۳]
ژباړه: اې خلکو! موږ تاسې له یوه نارینه او یوې ښځې څخه پیدا کړئ او بیا مو تاسې قومونه او قبیلې وګرځولئ چې تاسو یو او بل سره وپېژنئ. په حقیقت کې د الله پر وړاندې ستاسې څخه تر ټولو زیات عزتمند هغه څوک دی چې په تاسې کې تر ټولو زیات پرهېزګار وي. په باوري ډول الله پر هر څه پوهېدونکی او باخبره دی.
همداراز رسول الله صلي الله علیه وسلم یې په وروستۍ خطبه کې وفرمایل:
«يَا أَيُّهَا النَّاسُ، أَلَا إِنَّ رَبَّكُمْ وَاحِدٌ، وَإِنَّ أَبَاكُمْ وَاحِدٌ، أَلَا لَا فَضْلَ لِعَرَبِيٍّ عَلَى أَعْجَمِيٍّ، وَلَا لِعَجَمِيٍّ عَلَى عَرَبِيٍّ، وَلَا لِأَحْمَرَ عَلَى أَسْوَدَ، وَلَا أَسْوَدَ عَلَى أَحْمَرَ إِلَّا بِالتَّقْوَى، أَبَلَّغْتُ؟ قَالُوا: بَلَّغَ رَسُولُ اللَّهِ صَلَّى اللَّهُ عَلَيْهِ وَسَلَّمَ» (رواه احمد)
ژباړه : اې خلکو! په حقیقت کې ستاسې رب یو دی، او ستاسې پلار(آدم) یو دی، او په حقیقت کې ستاسې عرب پر عجم او عجم پر عرب برتري نلري، او نه هم سپین پوستي پر تور پوستي او تور پوستي پر سپین پوستي مګر په تقوا سره، ایا ما تاسو ته خپل پیغام ورسولو؟ خلکو وویل: د الله ج رسول موږ ته د هغه پیغام راورسولو. [احمد]
د نظام ستونزې د نظام حللارې غواړي. اسلامي نظام یوازینی بدیل دی چې کولی شي مسلمانان، نامسلمانان، تور، سپین، امریکایي ملتونه، اروپایي ملتونه، اسیایي ملتونه او عرب سره یو ځای کړي. اسلام د خپل دعوت په پیل کې، د مخکېنیو ټولنو له عصبیت (ملیت پالنې) سره کلکه مبارزه وکړه او هغه ستونزه یې د یوه نظام او یوې مبدا پر بنسټ حل کړه. انشاءالله د سیاسي اسلام په پلي کولو سره به اسلام د ننۍ نړۍ د ژوند ډېری ستونزې لکه څنګه یې چې پخوا حل کړې وې، حل کړي. د اسلام رحمت د ټولې نړۍ د مسلمانانو او نامسلمانانو لپاره ډېر اړین دي.
حزبالتحریر-امریکا
پوښتنه:
اسلام علیکم ورحمة الله وبرکاته!
الله دې لویه پرتمینه بریا در په برخه کړي او د خلافت کمپله دې ستاسو په لاسونو و غوړېږي.
زما پوښتنه د لومړي دلیل (د نړۍ د تېلو بازرارونو) په تړاو ده، چې له امله یې د امریکا او ایران ترمنځ ترینګلتیا رامنځته شوې او دا د دغې پوښتنې یوه برخه ده: په سیمه کې د ایران او امریکا ترمنځ د ترینګلتیا واقعیت ته په کتو سره څرنګه د تېلو په نرخونو کې زیاتوالی د امریکايي شېل تېلو له تولید سره انډول مومي؟
ایا د نوموړي زیاتوالي اغېز امریکا له بدمرغۍ سره نه شي مخ کولی؟
ځواب:
وعلیکم السلام ورحمة الله وبرکاته!
ستاسو د پوښتنې په تړاو:
ایا د تېلو د زیاتوالي اغېز امریکا له بدمرغۍ سره نه شي مخ کولی او په داسې حال کې چې ټرمپ په وار وار خپلو ګوډاګیانو ته امر کړی، چې د تولید مخه ونیسي؟ موږ د دغې موضوع اړوند ځواب د ۲۰۱۹ د جولای د ۱۲مې په پوښتنې او ځواب لیکنه کې خپور کړی او ښايي له تاسو سره وي. په هغه لیکنه کې تاسو ښکاره ځواب موندلی شئ، چې لاندې ټکي پکې روښانه شوي دي:
۱- د دې لپاره چې همږغي په واقعيت بدله شي، د سعودي-روسيې ترمنځ په اړيکو کې تر ۲۰۱۴ م کال وروسته د پام وړ ښه والی راغلی دی. د ۲۰۱۷م کال د اپرېل پر ۱۰مه ملک سلمان مسکو ته سفر وکړ او دا روسیې ته د سعودي د یوه پاچا لومړنی سفر و. د روسيې ولسمشر او سعودي شهزاده ترمنځ ګڼې ناستې وشوې او روسيه دې ته لېواله شوه، چې له سعودي عرب سره د وسلو پلورلو پراخې هوکړې لاسليک کړي، چې په دې سره د دواړو هېوادونو ترمنځ د تېلو د اړيکو يو پېر پرانيستل شو. دغه ټولې چارې د امريکايي لاسپوڅي ملک سلمان او د هغه د زوی په دور کې وشوې. د سعودي-روسيې د هڅو په پايله کې د ۲۰۱۶م کال د نومبر پر ۳۰مه لومړنۍ هوکړه د اوپيک سازمان او ۱۱ هېوادونو ترمنځ د تېلو توليد د کمولو په تړاو لاسليک شو، چې له مخې يې اوپيک سازمان به خپل د تېلو توليد د ورځې ۱.۲ مېليونه بېلره راکموي. دا په داسې حال کې چې ۱۱ نور هېوادونه به خپل د تېلو توليد د ورځې ۵۶۰ زره بېلره راکموي، چې له يادې اندازې څخه د ورځې ۳۰۰ زره بېلره به یوازې روسيه خپل توليد راکموي. د دغې هوکړې تر لاسليک کېدو مخکې سعودي عرب ګواښ کړی و، چې په بازارونو کې به د تېلو توليد ډېر کړي، له همدې امله روسيې د بيو د ټيټوالي او د تېلو د ليلام کېدو له وېرې له سعودي عرب سره همږغۍ ته مخه کړه، څو د مالي ستونزو مخه ونيسي. د روسيې ۵۰ سلنه اقتصاد د انرژۍ پر وارداتو (تېلو او ګازو) ولاړ دی.
۲- دې هوکړې د تېلو پر بیو مثبت اغېز وکړ او د تړون تر لاسلیک وروسته سمدستي د تېلو بیې جګې شوې، خو دا تړون یوازې د شپږو میاشتو لپاره و او تر دې وروسته به د دې هوکړې د اوږدېدو پر سر اوږده بحثونه وشي. کله چې د تېلو نرخونه ښه وو، نو روسیې له معمول سره سم غوښتل چې د خپلې بودجې د پیاوړي کولو لپاره د تېلو استخراج او تولید ډېر کړي. په داسې حال کې چې سعودي عرب له خپلې ثابتې پالیسۍ سره سم په دې هڅه کې دی، چې د تېلو تولید کم کړي؛ خو ځینې وخت دا ګواښ هم کوي، چې د تېلو تولید به دومره ډېر شي، چې د مارکېټ اړتیا به پوره کړي. په دې سره یوازې روسیې ته ګواښ دی، چې غواړي د تېلو د تولید کمښت ختم کړي. دا يوه ښکاره لوبه ده او هر څوک چې سیاسي پوهه ولري پرې پوهېږي. د امریکا ولسمشر له سعودي عرب څخه وغوښتل چې د تېلو تولید زیات کړي، څو په نړیوالو مارکېټونو کې د تېلو بیې راولوېږي او په دې سره روسیه د تېلو د تولید کمښت ته تشویق شي. داسې ښکارې چې روسیه غواړي د امریکا د فشارونو پر وړاندې مقاومت وکړي، خو له سعودي څخه وېرېږي او د اړتیا له مخې له سعودي سره په همږغۍ د تېلو په تولید کې کمښت راولي. د بېلګې په توګه ټرمپ د یکشنبې پر ورځ په يوه ټويټ کې وویل: «ما له پاچا سلمان بن عبدالعزیز سره خبرې وکړې او ترې ومې غوښتل، چې د تېلو تولید ډېر کړي. ښایي د ورځې ۲۰۰۰۰۰۰ بېلره تولید کړي، څو په دې سره د بیو د لوړېدو مخه ونیول شي او پاچا سلمان هم زما غوښتنه منلې ده.» (العربیه الجدید۱/۷/۲۰۱۸)
د موضوع د ښه روښانتیا لپاره د پوښتنې او ځواب مخکنې خپره شوې لیکنه ولوله؛ په هغې لیکنه کې بشپړ ځواب موندلی شې... او الله سبحانه و تعالی د بشپړې پوهې او پوره بصیرت خاوند دی.
د الله په امان
ستاسو ورور عطا بن خلیل ابو رشته
۱۴۴۰هـ.ق کال، د ذوالحجې ۳مه
۲۰۱۹م کال، د اګېسټ ۴مه
