(ژباړه)

ملګرو ملتونو د ۲۰۱۷ د جنورۍ پر ۱۷مه وویل: د یمن په جکړه کې د مشروعیت د ملاتړ په نامه د سعودي عربستان په رهبرۍ عربي ایتلاف او د حوثیانو یاغي ډلې تر منځ جګړه کې تر ۱۰ زره ډېر کسان وژل شوي. امریکا او ملگري ملتونه غواړي یاده ډله په واک کې شریکه کړي. دوی زیاتوي: د یمن د جګړې مرګ ژوبلې ته په کتو دغه وضیعت باید کابو کړی شي، په ځانګړې توګه د هغه جنګ ځپلو د شمېر لوړېدو مخنیوي ته اړتیا ده چې د جګړې له امله د خوراکي موادو له کمښت او یو لړ ناروغیو سره مخ دي.

په یمن کې ورځ تر بلې د جګړې سختېدو او د بشري ناورین کچې لوړېدو؛ د یمن وضعیت له داسې سترې بدختۍ سره مخ کړی چې تصور یې ستونزمن دی... له وژل شوو څخه یوازې د ۱۰ زره کسانو خبر ورکړل شوی، په داسې حال کې چې په میلینونو خلک د یادې جګړې له درې ګونو بدبختیو؛ لوږې، ناروغیو او له بنسټیزو اړتیاوو، لکه روغتیا او پوهنې څخه له بې برخې کېدو ځورېږي. عربي ایتلافي ملېشې او وسله وال ځواکونه په سېمه کې د انګلیس او امریکا جګړې ته د مشروعیت ملاتړ یا له ایتلاف څخه د وتلو تر نامه لاندې خدمت کوي، چې د ګډوډیو د کچې لوړېدو، وژنو او د خلکو د وینې بهېدو لامل شوې.

یمن چې د طبیعي سرچینو په هغه مثلث کې پروت دی چې د تیلو او ګازو سترې زېرمې لري، له همدې امله د بریتانیا او امریکا د سیاسي سیالیو په ډګر بدل شوی. دواړه لوري د خپلو ګټو د خونديتوب لپاره د مشروعیت ملاتړ او د ترهګرۍ او افراطیت پر ضد جګړې تر نامه لاندې قومي او مذهبي شخړو ته لمن وهي. بريتانیا، امریکا او نړیوال سازمانونه په ګډه وژنې کوي او وروسته یې په جنازه پسې روان وي. بیا د بشر حقوقو او امنیت د لاسته راوړو دعوې هم کوي! په عربي نړۍ کې له ختیځه تر لویدیځه دغه د نړیوالې ډرامې سناریو معامله ښه بربنډه شوه. ملګري ملتونه  د غندنو او اندېښنو تر شعارونو لاندې د امریکا د ګټو د خوندیتوب لپار هڅې کوي، ځکه نو د امتیازاتو د لاسته راوړلو لپاره د دغه کړکېچ حل د خبرو اترو له لارې غواړي. هر ځل ناکامي د دوی د نا کارۍ او بې واکۍ ښکارندویي کوي.

د یمن د کړکیچ هواری د جنایتکارو سازمانونو او تش په نامه نړیوالې ټولنې او نړیوال قانون له پرېکړو څخه نه تر لاسه کیږي، بلکې د امت پر عقیده پورې اړه لري. د دغه کړکېچ حل لاره د اسلامي نظام په حاکمیت او د الله سبحانه وتعالی په شریعت کې ده. یمن یوازې د رسول الله صلی الله علیه وسلم په تګلاره راشده خلافت ته اړتیا لري چې د دوی د وینې بهېدنې او د کفارو او نورو شیطانانو لاسوهنې ته به د پای ټکی کېږدي.

 نو اې د مسلمانانو رښتینو ځواکونو! له الله سبحانه وتعالی څخه ووېرېږئ، د امت وینه مه بهوئ. د خپلو مظلومو مسلمانو وروڼو ملاتړ وکړئ او خپل مسولیت په حقیقي ډول ادا کړئ... اې په عربي اېتلاف کې د اماراتو، اردون، سعودي عربستان او کویټ فوځونو! د خاینو چارواکوو د خوښۍ لپاره په یمن کې د خپلو وروڼو د وینې بهولو او د هغوی د مېرمنو او ماشومانو وېرولو څخه لاس واخلئ او مخکې له دې چې الله سبحانه وتعالی در ته په قهر شي، شرم وکړئ... اې د اېران رژیمه! له خپلو ګوندنو او ملېشو سره د مسلمانانو په هېوادنو کې له لاسوهنې ډه ډه وکړه او د مسلمانانو د وینې په بهولو په سېمه کې د استعماري پلانونو د پلي کولو او د  فتنو له اور بلولو لاس واخله!

د حزب التحریر مرکزي مطبوعاتي دفتر