د انتقالي حکومت د لومړي وزیر ډاکټر عبدالله حمدوک له لوري په سوډان کې له امنیت شورا څخه د یو لیک په لېږلو سره غوښتنه وشوه، چې د سولې د ملاتړ لپاره تر شپږم څپرکي لاندې یو ځانګړی سیاسي پلاوی وټاکي. په دې شرط چې د راتلونکي پلاوي دنده به دا وي، چې د سوډان ټوله سیمه تر پوښښ لاندې راولي. د دغې غوښتنې پر اساس، پلاوی اړ دی چې د اساسي قانون د سند پلي کول، د سولې خبرو اترو لپاره د ښو دفترونو لپاره فرصت رامنځته کول، د بې ځایه شوو وګړو او کډوالو بېرته خپلو سیمو ته ستنول او له دوی سره یو ځای کېدل، انتقالي عدالت، د ملکي وګړو ساتنه او د پولیسو ځواکونو د وړتیا لوړول... او نور مسوولیتونه ترسره کړي!

موږ فکر نه کاوه چې یوه ورځ به راځي او یو مسلمان واکمن به دا له شرم او ذلت څخه ډکه خبره کوي. د لومړي وزیر له لوري دا غوښتنه ښيي چې انتقالي حکومت له سیاسي او اقتصادي پلوه یو ناکام حکومت دی او حتا خپل امنیت نه شي نیولی. که داسې نه وي، نو ولې د ملګرو ملتونو له پلاوي څخه د یو غوره دولت د کړنو په اړه پوښتنه کوي؟ دوی غواړي چې پلاوی باید خپله د دولت څارونکی وي. د اساسي قانون د پلي کېدو لپاره د ملاتړ پر غوښتنې سربېره هغه سند چې په سوډان کې یې د برېښنا جوړښتونه رامنځته کړي دا څرګندوي، هغه مهال به څه پاتې شي، چې په یو ازاد حکومت کې د خپلواک حکومت په توګه ونه بلل شي؟!

انتقالي حکومت غوښتنه کړې چې د سوډان نوم تر نړیوالې سرپرستۍ لاندې ونیول شي. لا تر اوسه هېڅ پخواني اجېنټ دا غوښتنه نه وه کړې، دا نه یوازې له الله سبحانه وتعالی او د هغه له رسول صلی الله علیه وسلم سره خیانت دی، بلکې د سوډان له هغو خلکو سره هم خیانت دی، چې د رښتیني انقلاب په لاره کې یې قربانۍ ورکړې وې او وینې یې تویې شوې وې. په هر صورت کله چې کړکېچونه رامنځته کېږي، حکومت په بشپړ ډول بې کفایته وي او حتا خپله ناکامي مني. د دې پر ځای چې د عدالت په ټینګولو کې حکومت پر خپلو خلکو باور وکړي او مخ و دواړوي، دوی ځي پر خپلو بادارانو غږ کوي چې سوډان د ځایي اجېنټانو له ملاتړ پرته نېغ په نېغه استعمار کړي.

اې د سوډان خلکو! له اوسني وضعیت څخه د وتلو لپاره تاسو یوه لاره لرئ، هغه دا چې تاسو د اسلام له حکم سره سم د رښتیني بدلون او د نبوت پر اساس د راشده خلافت د رامنځته کولو لپاره مټې راونغاړئ. په دې سره به په هېواد کې د ښکېلاګرو لاسونه پرې کړئ، ترڅو موږ د خپل رب د خوښې وړ په جنت او ځمکه کې تر برکت لاندې ژوند وکړو. الله سبحانه وتعالی په دې اړه له موږ سره ژمنه کړې او فرمایي:

﴿وَلَوْ أَنَّ أَهْلَ الْقُرَى آمَنُوا وَاتَّقَوْا لَفَتَحْنَا عَلَيْهِمْ بَرَكَاتٍ مِنَ السَّمَاءِ وَالْأَرْضِ﴾

[الاعراف: ۹۶]

ژباړه: که د سیمو خلکو اېمان راوړی وی او د پرهېز ګارۍ لاره یې غوره کړې وی، نو موږ به پر هغوی د اسمان او ځمکې د برکتونو  دروازې پرانیستې وی.

د حزب التحریر-ولایه سوډان رسمي ویاند ابراهیم عثمان (ابو خلیل)

خبر:                                                                                               

د فبروي په ۳مه د امریکا د بهرنیو چارو وزیر د «C5 + 1» غوندې په څنګ کې د مرکزي اسیا د بهرنیو چارو له وزیرانو سره وکتل. د ازبکستان د بهرنیو چارو وزارت پر خپله وېبپاڼه د «C5 + 1» د وزیرانو د ناستې په اړه یوه ګډه بیانیه خپره کړه. په دغه بیانیه کې په ځانګړي ډول راغلي وو:

«د سیمه‌ییزو فعالیتونو اوسنی پرمختګ د «C5 + 1» ارزښت او اړیکه ښیي، دا د دې سبب کېږي چې کډونکوونکي یې په خپلو کې د مرکزي اسیا د امنیت، هوساینې او پرمختګ د باوري کولو په اړه خبرې اترې او عملي کار وکړي.

امریکا متحده ایالات د دغې سیمې له هېوادونو څخه د خپلواکۍ، ځمکنۍ بشپړتیا او د دوی د حاکمیت له حق څخه خپل ملاتړ ته دوام ورکوي او همداراز دې ته ژمن دي چې د ګډو ګټو په هره برخه کې سیمه‌ییزې همکارۍ وکړي.

د دې لپاره چې مرکزي اسیا یې له خپل ټول پوتانشیل څخه ګټه واخلي، د دغې غونډې ګډونوال د همکاریو په پرمختګ کې خپله ټوله هڅه کوي...»

تبصره:

د امریکا پالیسي د پانګوالۍ د بې دینۍ پر نظام ولاړه ده، کار یې د نورو هېوادونو استعمار دی. هېڅ داسې هېواد نشته چې د امریکا له پالیسۍ سره په مخ کېدو کې بریالی شوي وي؛ برعکس، په پورونو کې غرق شوی او همداراز د اقتصادي، سیاسي او ټولنیزو ناورینونو په ګډون له ګڼ شمېر نورو ناورینونو سره مخ شوي دي. په تېره پېړۍ کې امریکا د نړۍ په بېلابېلو لویو وچو کې په څه باندې ۴۰ جګړو کې ګډون کړی. وروستۍ یې په افغانستان، عراق، لیبیا، سوریه، هایتي، سومالیا او یمن کې پوځي جګړې دي.

ښکاره ده چې امریکا د مرکزي اسیا لپاره پلان لري. دا پلان د یوه بل پلان -چې منځنی ختیځ ورته وايي- برخه ده. موږ وینو چې د امریکا متحده ایالاتو په اسلامي امت کې د دوی د غلامانو، دیکتاتورانو او نورو خاینانو په واسطه په «منځني ختیځ» کې ډېرې بریاوې ترلاسه کړې او پر ځان په ډېر باور سره دلته حکومت کوي. امریکا اوس غواړي چې همداسې پر مرکزي اسیا هم نفوذ ولري او په هغه څه پورې یې وتړي چې دوی «لوی منځنی ختیځ» ورته وایي او په دې توګه به د دغه سیمې طبعي سرچیني لوټ کړي، دا د استعمارګرو کار دی.

د مرکزي اسیا پر حکامو روسیه نفوذ لري؛ خو روسیه اوس داسې نه ده لکه د شوروي اتحاد پر وخت چې وه، هغه وخت چې د دوی کمیونېستي ایډیالوژي حاکمه وه او له امریکا سره یې ځان وهلی شوی. نن ورځ روسیه د چټک تنزل په حال کې ده او په یوه فرعي دستګاه بدلېږي. پوتین غواړي خپل زور وښيي، هڅه کوي چې د نړۍ په سیاست کې وي؛ خو ایډیالوژيکي شا‌تګ یې نه پرېږدي او هغه اوسپنیزې مټې مرسته نه شي ورسره کولی.

همداسې د مرکزي اسیا حکام هم له سیاسي او ایډیالوژیکي اړخه شاته پاتې دي، د خپلې خامۍ له وجې فکر کوي چې امریکا به هم له دوی سره یو شان اړیکې ولري او دوی ته به د خپلواکو دولتونو په سترګه وګوري. په حقیقت کې به له دوی سره هم هغه څه کېږي چې تر اوسه کېدل. لومړی به پورونه ورکړي، لویې پانګونې به ورسره وکړي، پوهېږي چې فاسد چارواکي به دا پیسې چور کړي او هغه وخت به امریکا خپل پورونه غواړي. د مرکزي اسیا دیکتاتوران به د دغو پورونو د ورکړې وړتیا نه لري او له مجبورۍ به خپلې طبعي سرچینې د ناڅيزه پیسو په بدل کې ورکوي او داسې سیاسي پرېکړو کولو ته به اړ شي چې د امریکا پکې ګټه وي.

د مرکزي اسیا دغه مفسد حکام هغو سپیانو ته ورته دي، چې په غاړه کې یې پړی اچول شوی وي. د پړي سر چې هر څوک ونیسي په همغه پسې ځي. دوی د الله سبحانه وتعالی له دښمنانو سره په یوه کتار کې د اسلام او مسلمانانو پر وړاندې درېږي! د خپلو خلکو د وضعیت غم نشته ورسره، یوازې د خپلو پیسو او قدرت په غم کې دي. د خپلو بادارانو- د ختیځ او لوېدیځ بې دینان- لپاره، د ترهګرۍ او سختدریځۍ پر وړاندې د مبارزې په نامه مسلمانان زنداني کوي، له خپل دین څخه یې منعه کوي او نه پرېږدي چې اسلام یو ځل بیا ژوند ته راشي.

اې مسلمانانو! دغه فاسد او بېکاره دولت یوازې موږ بدلولی شو. الله سبحانه وتعالی په خپل پاک کتاب کې فرمایي:

﴿إِنَّ اللَّهَ لاَ يُغَيِّرُ مَا بِقَوْمٍ حَتَّى يُغَيِّرُوا مَا بِأَنفُسِهِمْ﴾

[رعد:۱۱]

ژباړه: حقیقت دا دی چې الله سبحانه وتعالی د هېڅ قوم حالت نه بدلوي، تر هغه چې دوی خپل اوصاف په خپله نه وي بدل کړي.

له دغو فاسدو حکامو لاس واخلئ! د هغه چا خبرې ته غوږ مه نیسئ چې خپل اخر یې په دنیا ورکړی وي، هغه بدبخته عالمان چې د خپلو دیکتاتورانو د خوښۍ لپاره فتواوې ورکوي! رښتینی بدلون راولئ! د ژوند او دین د بېلوالي فکر لرې کړئ! موږ مسلمانان یو، پر خدای باور لرو، دین مو اسلام دی او اسلام د بشر د ژوند، ټولنې او دولت لپاره نظام لري! له حزب التحریر سره په ګډه، ژوند ته د اسلام د بیا راوستو لپاره کار وکړئ! د نبوت پر تګلاره راشده خلافت د بیا تاسیس لپاره له کار کوونکو سره یو ځای شئ! انشاالله چې خدای به نصرت راکړي!

د حزب التحریر مرکزي مطبوعاتي دفتر ته

ایلدر خمزین

د حزب التحریر مرکزي مطبوعاتي دفتر غړی