(مِّنَ الْمُؤْمِنِينَ رِجَالٌ صَدَقُوا مَا عَاهَدُوا اللَّهَ عَلَيْهِ فَمِنْهُم مَّن قَضَى نَحْبَهُ

وَمِنْهُم مَّن يَنتَظِرُ وَمَا بَدَّلُوا تَبْدِيلًا)

[الاحزاب: ۲۳]

ژباړه: (په مومنانو كې ځینې داسې سړي دي چې له الله سره یې خپله ژمنه رښتیا کړله، نو ځينې یې داسې دي چې خپل نذر یې پوره کړ او ځینې یې منتظر دي او دوی خپلې ژمنې نه دي بدلې کړې.

حزب تحریر ولایه ترکیه ټولو مسلمانانو او په ځانګړې توګه د حزب التحریر شبابو ته د جمال الدین باش بکان ورور، چې د حزب التحریر غړی و د مړینې له امله تسلیت وړاندې کوي.

جمال الدین رحمه الله علیه یو ځانګړی شخصیت و چې د اطاعت، صبر او اخلاقو بېلګه وه. نوموړي خپله مېرمن مخکې له لاسه ورکړې وه چې له ده سره یې یو ځای د اسلام د پلي کولو لپاره کار کاوه او هغې رحمها الله علیه د دې موخې لپاره هر ډول هڅې کړې وې او بلاخره په همدې لاره کې یې خپل روح الله سبحانه و تعالی ته وسپاره او نن موږ بکان رحمه الله علیه هم له لاسه ورکړ.

د دې غم په اړه یوازې هغه څه ویلی شو چې الله سبحانه و تعالی پرې راضي شي او له هغه څخه وغواړو چې په خپل رحمت سره چې هر څه پکې شاملیږي، نوموړي ته مغفرت وکړي او هغه ته په جنت کې د شهیدانو، صالحینو، صادقینو، پیغمبرانو او صحابه کرامو سره ځای ورکړي او کورنۍ ته یې صبر، ایمان، د الله په قضا رضا او ثبات ورکړي.

 (إِنَّا لِلّهِ وَإِنَّـا إِلَيْهِ رَاجِعونَ)

حزب التحریر ولایه ترکیه

مطبوعاتي دفتر