پریس ریلیز

اہل قوت پر لازم ہے کہ وہ ہمیں ان حکمرانوں سے چھٹکارا دلائیں جو شکست خوردہ امریکہ کو ہماری جاسوسی کرنے اور افغانستان پر حملے کرنے کے لیے ہماری فضائی راہداری فراہم کر رہے ہیں

سی این این کے مطابق بائیڈن انتظامیہ نے کانگریس کو بتایا کہ پاکستان کے ساتھ باقاعدہ معاہدہ ہونے والا ہے جس کے تحت امریکہ افغانستان میں انٹیلی جنس اور فوجی آپریشنز کیلئے پاکستان کی فضائی حدود استعمال کرے گا۔ اس رپورٹ کے جواب میں وزارت خارجہ کی "تردید" عملاً اس رپورٹ کی تصدیق کے مترادف ہے۔  اس فضائی راستے، جسے امریکی پائلٹ "بلیووارڈ" کہتے ہیں، کے ذریعے ہی حال ہی میں امریکہ نے دو ڈرون حملے کئے جس میں درجن سے زائد مسلمان شہید ہوئے ۔  ہم پوچھتے ہیں کہ افغانستان میں امریکہ کی شکست کے بعد پاکستان کی فوجی اور سیاسی قیادت کو کیسے یہ جرات ہوئی کہ وہ پاکستان کی فضائی راہداری کو امریکی ڈرونز اور جنگی جہازوں کیلئے شاہراہ عام بنا دیں جس کے ذریعے امریکہ ہمارے افغانی بھائیوں کے سروں پر ان کی چھتیں گرائے، اور افغانستان میں طالبان حکومت پر فوجی دباؤ ڈال سکے، بلکہ مغربی پاکستان پر، بلوچستان میں، ہمارے نیوکلیئر انفراسٹرکچر کی جاسوسی کرے۔

اللہ اور  اس کے رسول ﷺ کے احکامات کی کھلی خلاف ورزی کے بدلے یہ خائن حکمران امریکہ سے ہندو ریاست سے "معاملات ٹھیک کروانے" کی بھیک مانگ رہے ہیں، اور امریکہ کو یہ ثابت کرنے کی کوشش کر رہے ہیں کہ وہ ہی ہیں جو خطے میں امریکہ کے تمام اہداف کی تکمیل میں اس کی مدد کر سکتے ہیں۔

اے پاکستان کے مسلمانو!

ہماری کمزور اور ابتر صورتحال اس وجہ سے نہیں کہ ہم فوجی طور پر کمزور ہیں، ہم نے پہلے روس اور پھر امریکہ کو مسلم علاقوں سے مار بھگایا۔ نہ ہی ہماری کمزوری کی وجہ ہماری معاشی کمزوری ہے، مسلم علاقے معاشی وسائل سے مالامال ہیں۔ ہماری کمزوری کی اصل وجہ امریکہ نواز سیاسی اور فوجی قیادت ہے جو امریکہ کی شکست کو فتح میں تبدیل کرنے کے لیے کوشاں ہے، جو مسلم مقدسات اور مقبوضہ مسلم علاقوں کی حفاظت اور آزادی سے انکاری ہے، جو مغرب کے بنائے ہوئے انٹرنیشنل ورلڈ آرڈر کے سامنے سر بسجدہ ہے اور جو اسلام کے دوبارہ طاقت اور اقتدار میں آنے کے خلاف کھڑی ہے۔

اے افواج پاکستان کے افسران!

موجودہ انٹرنیشنل آرڈر میں دن بدن مسلمانوں کے معاملات میں خیانت کا سلسلہ بڑھتا ہی جائے گا اور ہمارے حکمران FATF ،  IMF  کی شرائط اور اقوام متحدہ کی قرار دادوں کی مجبوری کے نام پر مغرب کے مفادات کی حفاظت کے لیے بہانے تراشتے رہیں گے۔ اس انٹرنیشنل آرڈر کو مسترد کرنا اب لازم ہو چکا ہے ، وگرنہ محدود  معاشی مفادات کے نام پر یہ خائن حکمران مسلسل ہمارے اسٹریٹیجک مفادات قربان کرتے رہیں گے۔  اللہ سبحانہ و تعالیٰ نے آپ کو یہ  سنہری موقع فراہم کیا ہے کہ آپ پاکستان میں خلافت قائم کر کے افغانستان اور وسطی ایشیا کو اس میں ضم کر کے انٹرنیشنل آرڈر کی بیڑیوں کو توڑ ڈالیں ۔امریکہ اور مغرب اس پوزیشن میں نہیں کہ آپ کے سامنے کھڑے ہو سکیں۔ ان امریکہ نواز حکمرانوں سے جان چھڑائیں اور حزب التحریر کو خلافت کے قیام کے لیے نصرۃ فراہم کریں۔ اللہ سبحانہ و تعالیٰ نے فرمایا؛

﴿قُلِ ٱللَّهُمَّ مَٰلِكَ ٱلۡمُلۡكِ تُؤۡتِي ٱلۡمُلۡكَ مَن تَشَآءُ وَتَنزِعُ ٱلۡمُلۡكَ مِمَّن تَشَآءُ وَتُعِزُّ مَن تَشَآءُ

وَتُذِلُّ مَن تَشَآءُۖ بِيَدِكَ ٱلۡخَيۡرُۖ إِنَّكَ عَلَىٰ كُلِّ شَيۡءٖ قَدِيرٞ﴾

"کہو(اے نبیﷺ)، اے بادشاہی کے مالک، تو جس کو چاہے بادشاہی بخشے اور جس سے چاہے چھین لے اور جس کو چاہے عزت دے

اور جسے چاہے ذلیل کرے ہر طرح کی بھلائی تیرے ہی ہاتھ ہے اور بے شک تو ہر چیز پر قادر ہے"(سورۃ آل عمران، 3:26)

ولایہ پاکستان میں حزب التحرير کا میڈیا آفس