لاہور میں بم دھماکوں کی لہر کے بعد حزب التحریرنے عوام پر واضح کیا تھا کہ یہ بم دھماکے پہلے دھماکوں کی طرح ایک نئے فوجی آپریشن کے لئے راہ ہموار کرنے کے لئے کئے گئے ہیں۔ اور افسوس بالکل ایسا ہی ہوا اور اب اورکزئی ایجنسی میں قتل عام کا آغاز ہو چکا ہے۔ سوات اور وزیرستان آپریشن سے قبل بھی حکومت کے ساتھ مل کر بلیک واٹر نے پورے پاکستان کو انتشار کی آگ میں لپیٹ لیا تھا۔ مناواں پولیس سٹیشن پر حملہ ہو یا جی ایچ کیو پر یلغار ان کا مقصد میڈیا کو استعمال کرتے ہوئے پورے ملک میں غم و غصہ اور خوف و ہراس کی لہر دوڑانا تھا تاکہ اسے بنیاد بناتے ہوئے ''دہشت گردوں کی کمر توڑنے‘‘ کے نام پر آپریشن شروع کیا جاسکے جس میں عام قبائلیوں کے گھروں پر لڑاکا طیاروں سے بمباری کی گئی، لاکھوں مسلمانوں کو بے گھر کیا گیا اور کروڑوں کا کاروبار تباہ کر دیا گیا۔ عوام کو یہ کہہ کر خاموش کروا دیا گیا کہ بس یہ ایک آپریشن ہو لینے دیں پھر پورے پاکستان میں امن و آشتی کا راج ہوگا۔ لیکن ہم نے دیکھا کہ امریکہ نے ان آپریشنوں کے ذریعے پورے پاکستان میں آگ لگا کر رکھ دی ہے۔ ایک آپریشن کے بعد ایک نیا آپریشن عوام کے اعصاب پر ہتھوڑے برسا رہا ہے۔ جنوبی وزیرستان آپریشن کے اختتام پر آئی ایس پی آر کے ترجمان نے عوام کو خوش کرنے کے لئے یہ جھوٹا بیان دیا تھا کہ فوج اگلے چھ سے بارہ مہینوں تک کسی دوسرے علاقے میں فوجی آپریشن شروع نہیں کرے گی۔ لیکن ایک بار پھر قبائلی مسلمان اپنے ہی بھائیوں کے ہاتھوں قتل ہو رہے ہیں اور شیطان امریکہ مسلمانوں کو لڑا کر بغلیں بجا رہا ہے۔ دوسری طرف ہمارے غدار حکمران ''سٹریٹیجک ڈائیلاگ‘‘ کے نام پر ''سٹریٹیجک سرنڈر‘‘ کر رہے ہیں۔ یہ مذاکرات وار آن ٹیرر پر ڈکٹیشن لینے سے بڑھ کر کچھ نہیں۔ اس کی تصدیق ہالبروک یہ کہہ کر فرمائی کہ ''ہم اب پاکستان کو ڈکٹیشن نہیں دیتے‘‘! عوام کو چاہئے کہ وہ اس خانہ جنگی کے خلاف اٹھ کھڑے ہوں ورنہ یہ جنگ ہر گھر کو جلا کر خاکستر کر دیگی ۔ ہم فوج میں موجود مخلص عناصر کو دعوت دیتے ہیںکہ وہ اس ظلم پر خاموشی اختیار نہ کریں اور اپنی ذمہ داری ادا کرتے ہوئے امریکہ کو خطے سے نکال باہر کریں۔ نیز حزب التحریر کو نصرت دیتے ہوئے خلافت راشدہ کا قیام عمل میں لائیں۔ یہی وقت کا تقاضا ہے!!

حزب التحریر کی اعلیٰ فکری اور سیاسی جدوجہد اور اس کے معاشرے میں بڑھتے ہوئے اثر و نفوز سے بوکھلا کر حکمرانوں نے حزب التحریر کو ایک عسکریت پسند جماعت ثابت کرنے کے لیے میڈیا میں جھوٹی خبریں شائع کروانی شروع کردی ہیں۔ ۷ مارچ ۲۰۱۰ء کو مختلف ٹی وی چینلز پر یہ خبر نشر کی گئی کہ کراچی میں حزب التحریر کے آٹھ اراکین کو اسلحہ سمیت گرفتار کیا گیا ہے۔ اور پھر یہی خبر پرنٹ میڈیا میں بھی گردش کروائی گئی۔ حزب حزب اس من گھڑت خبر کی تردید کرتی ہے اور امت کو باور کرانا چاہتی ہے کہ حزب التحریر کا کوئی کارکن ان دنوں کراچی سے گرفتار ہی نہیں ہوا کجائ یہ کہ اس کے پاس سے اسلحہ برآمد ہوا ہو۔ دراصل آج کل لاہور ہائی کورٹ میں حزب التحریرکی پابندی کے خلاف رِٹ پٹیشن زیر سماعت ہے جسے دائر کیے چار سال کا عرصہ بیت چکا ہے اور ابھی تک حکمران حزب التحریر کے خلاف دہشت گردی پر مبنی ایک بھی ثبوت پیش نہیں کر سکے ہیں۔ چنانچہ اس قسم کے من گھڑت واقعات کو میڈیا پر اچھال کر حکومت اپنے لئے جھوٹے ثبوت تراشنا چاہتی ہے۔

اس حقیقت سے پوری دنیا واقف ہے کہ حزب التحریر 1953 سے امت میں خلافت کے قیام کے لئے فکری اور سیاسی جدوجہد کر رہی ہے اور وہ خلافت کے قیام کے لیے کسی بھی قسم کی عسکری اور فرقہ وارانہ ذرائع اختیار کرنے کو حرام گردانتی ہے۔ حزب التحریر کے اس دعوے کا سب سے بڑا ثبوت وزارت داخلہ کا ۲۰نومبر۲۰۰۳ وہ نوٹیفیکیشن ہے جس میں حزب التحریر پر پابندی کا اعلان تو کیا گیا لیکن پابندی کی کوئی ایک وجہ بھی پیش نہ کی گئی۔ یہی وجہ تھی کہ کراچی کی انسداد دہشت گردی کی عدالت نے۲۰۰۴ اور پھر ۲۰۰۵ میں حزب التحریر کے اراکین کو یہ کہہ کر رہا کر دیا کہ پابندی کا نوٹیفکیشن ناقص ہے کیونکہ اس میں پابندی لگانے کی کوئی وجہ بیان نہیں کی گئی۔

ہم ان حکمرانوںکو بتا دینا چاہتے ہیںکہ حزب اپنی فکری اور سیاسی جدوجہد جاری رکھے گی اور اس قسم کا جھوٹا میڈیا پراپیگنڈا حزب کی جدوجہد کو نہیں روک سکتا۔ نیز خلافت کے قیام سے متعلق محمد صلی اللہ علیہ وسلم کی بشارت ضرور پوری ہو کر رہے گی

﴿...ثما تکون خلافۃ علی منھاج النبوہ﴾ ''..

.اورپھر خلافت قائم ہو گی نبوی صلی اللہ علیہ وسلم طریقے پر‘‘ ﴿مسند احمد﴾۔

حزب التحریر نے پشاور، اسلام آباد، لاہور اور کراچی میں حالیہ بم دھماکوں کی لہر کے خلاف احتجاجی مظاہرے منعقد کئے۔ لاہور اور کراچی میںیہ مظاہرے پریس کلب کے باہر جبکہ اسلام آباد میں پرنٹ اور الیکٹرانک میڈیا کے دفتر کے باہر منعقد کئے گئے۔ مظاہرین سے خطاب کرتے ہوئے مقررین نے کہا کہ یہ حکومت کا وطیرہ بن چکا ہے کہ ہر نئے فوجی آپریشن سے قبل وہ بلیک واٹر اور امریکی ایجنسیوں کو عاش شہریوں پر بے مقصد بم دھماکے کروانے کے لئے کھلا چھوڑ دیتی ہے۔ نیز عوام کو الجھانے کے لئے بجلی، گیس، آٹا ،چینی وغیرہ کے مصنوعی بحران پیدا کر دئے جاتے ہیں۔ بم دھماکوں کا مقصد آپریشن کے لئے رائے عامہ ہموار کرنا ہوتا ہے جبکہ ان مصنوعی بحرانوں کے ذریعے حکومت عوام کی توجہ دہشت گردی پر مبنی امریکی جنگ سے ہٹا کر اپنے مسائل کی طرف مبذول کرنے پر مجبور کر دیتی ہے۔ پاکستان کے عوام ایک بار پھر یک دم بم دھماکوں اور بجلی کے مصنوعی بحران کی لپیٹ میں ہیں جو کہ ایک اور فوجی آپریشن کی ''نوید‘‘ دے رہے ہیں۔ دوسری طرف امریکہ نے حکمرانوںکو سٹریٹیجک مذاکرات کے نام پر نئے آپریشن بارے ڈکٹیشن دینے کے لئے واشنگٹن طلب کر لیا ہے۔ امریکہ ایک عرصے سے شمالی وزیرستان پر دھاوا بولنے کے لئے دبائو ڈال رہا تھا اور حالات و واقعات اسی آپریشن کی طرف بڑھ رہے ہیں۔ امت عراق میں امریکی کاروائیوں سے آشنا ہے اور جانتی ہے کہ امریکہ عراق کے بعد پاکستان میں بھی اسی طرز کے بم دھماکے کروا کر اپنے مقاصد حاصل کرنا چاہتا ہے۔ ہم امت کو ایک بار پھر خبردار کرتے ہیں کہ پاکستان میں انتشار اس وقت تک ختم نہیں ہو سکتا جب تک امریکی فوج کو دھکے دے کر خطے سے نکالا نہیں جاتا۔ ہم افواج پاکستان میں مخلص عناصر سے پوچھتے ہیں کہ آخر وہ کب تک محض ایک خاموش تماشائی بنے بیٹھے رہیں گے؟ پاکستان اور اس کے عوام کے خلاف امریکہ اور ان کے ایجنٹوں کی جنگ جاری ہے تو کیا یہ تمہاری ذمہ داری نہیں کے آگے بڑھو اور اسلام اور مسلمانوں کا دفاع کرو؟ ہم فوج میں موجود مخلص عناصر سے مطالبہ کرتے ہیںکہ وہ امریکہ کو خطے سے نکالنے اور اسلام کے نفاذ کے لئے حزب التحریر کو مدد و نصرت فراہم کریں تاکہ خلافت قائم کر کے مسلمانوں کو دوبارہ اسی شان و شوکت سے ہمکنار کیا جائے جس کے وہ مستحق ہیں۔