الجمعة، 09 ربيع الأول 1443| 2021/10/15
Saat: (M.M.T)
Menu
القائمة الرئيسية
القائمة الرئيسية

المكتب الإعــلامي
ولایہ پاکستان

ہجری تاریخ    11 من صـفر الخير 1443هـ شمارہ نمبر: 10 / 1443
عیسوی تاریخ     ہفتہ, 18 ستمبر 2021 م

پریس ریلیز

پچھلے حکمرانوں نے پاکستان کو امریکہ کیلئے" کرائے کی بندوق" بنایا تھا
جبکہ موجودہ حکمرانوں نے پاکستان کو امریکہ کیلئے"کرائے کا سہولت کار" بنا رکھا ہے

 

15 ستمبر کو نشر ہونے والے سی این این کو دئیے گئے انٹرویو میں عمران خان نے کھل کر یہ اقرار تو کر لیا کہ امریکہ نے پاکستان کو دہشت گردی کی جنگ میں کرائے کی بندوق کے طور پر استعمال کیا ہے، تاہم وہ اس سچائی کا اعتراف کرنے کی ہمت نہیں کر سکے کہ اب وہ خود فوجی قیادت کے ساتھ ملکر امریکہ کیلئے کرائے کے سہولت کار کا کردار ادا کر رہے ہیں، بلکہ اس انٹرویو میں بھی وہ یہی کردار ادا کرتے نظر آئے۔

 

  جب امریکہ اس نتیجے پر پہنچ گیا کہ وہ پاکستانی فوجی قیادت کے فوجی آپریشنوں اور نیٹو سپلائی لائن کو برقرار رکھنے جیسی ہر مدد کے باوجود بھی یہ جنگ نہیں جیت سکتا تو امریکہ نے مذاکرات کے ذریعے اپنے مقاصد حاصل کرنے کو اپنا ہدف بنا لیا۔ امریکہ کی پالیسی میں تبدیلی کے بعد سے پاکستانی سیاسی اور فوجی قیادت مذاکرات کا دم بھرنے لگی ، اور امریکہ کے لیے کرائے کی سہولت کار بن گئی۔ اور اب باجوہ-عمران حکومت ہر دن طالبان کو بین الاقوامی قبولیت وجواز (International recognition and legitimacy)،  انٹرنیشنل آرڈر اور انسانی حقوق اور خواتین کے حقوق کے مغربی پھندوں میں پھنسانے کی کوشش میں مگن ہے۔  کیا یہ باجوہ- عمران حکومت ہی نہیں تھی جس نے کابل میں پھنسے امریکی فوجیوں کیلئےاسلام آباد، لاہور اور کراچی کے فائیو سٹار ہوٹلوں کے دروازے کھول دئیے اور آج بھی امریکہ کو فضائی راہداری "دی بلیو وارڈ" جیسی سہولیات فراہم کر رہی ہے، جس کو استعمال کر کے انخلاء کے وقت بھی امریکہ نے کابل میں ڈرون حملہ کیا جس میں قریباً  ایک درجن مسلمان شہید ہوئے؟  عمران خان نے اس انٹرویو میں صاف صاف کہہ دیا کہ طالبان حکومت معاشی بحران کا سامنا کر رہی ہے اور امداد کی طلب گار ہے اور عالمی برادری کو طالبان حکومت کی اس کمزوری کو استعمال کر کے انھیں "درست سمت " میں لے جانا چاہیے۔

 

جب امریکہ پوری دنیا میں ذلت و رسوائی اورتمسخر کا نشانہ بنا ہوا ہے، اپنے ملک کے اندر بھی سیاسی بحران نے اسے اپنی لپیٹ میں لے رکھا ہے، اور آئیڈیل موقع ہے کہ پاکستان اس خطے سے امریکہ کو باہر نکال دے، اور پاکستان میں خلافت کے قیام کے ذریعے افغانستان اور وسطی ایشیا کو ایک ریاست تلے ضم کر لے، ایسے وقت میں پاکستان کے حکمران سی آئی اے چیف کے ساتھ ملاقاتیں کر رہے ہیں اور خطے کے انٹیلی جنس چیفس کو جمع کر کے طالبان حکومت کو مکمل طور پر بین الاقوامی آرڈر کے سامنے سجدہ ریز کرنے کیلئے عالمی برادری کے ساتھ مل کر مشترکہ اقدامات میں مگن ہیں۔ یہ حکمران اسلام کو قومی ریاستوں کی سرحدوں کے اندر محدود کرنا، انٹرنیشنل آرڈر کے سامنے افغانستان کو جھکانا اور افغانستان میں مغربی سیاسی و معاشی ڈھانچے کو برقرار رکھنے کی امریکی پالیسی پر گامزن ہیں۔ پاکستان کی قیادت ایک جانب امریکی چاکری کا کریڈٹ لے کر امریکہ کے سامنے اپنا دفاع کرتی ہے اور دوسری جانب ملک کے اندر طالبان کی فتح کو اپنی فتح کے طور پر پیش کرنے کی کوشش کر رہی ہے۔ لیکن امریکہ کو بظاہر منہ توڑ جواب دینے کا ناٹک کر کے مسلسل طالبان کی فتح کو سیاسی میدان میں شکست میں تبدیل کرنے کیلئے  یہ حکومت دن رات ایک کئے ہوئے ہے۔ اس حکومت کی مثال ان لوگوں کی طرح ہے جن کہ بارے میں قرآن میں اللہ تعالیٰ کا ارشاد ہے؛

﴿وَإِذَا لَقُواْ ٱلَّذِينَ ءَامَنُواْ قَالُوٓاْ ءَامَنَّا وَإِذَا خَلَوۡاْ إِلَىٰ شَيَٰطِينِهِمۡ قَالُوٓاْ إِنَّا مَعَكُمۡ إِنَّمَا نَحۡنُ مُسۡتَهۡزِءُونَ  ٱللَّهُ يَسۡتَهۡزِئُ بِهِمۡ وَيَمُدُّهُمۡ فِي طُغۡيَٰنِهِمۡ يَعۡمَهُونَ﴾

"اور یہ لوگ جب مومنوں سے ملتے ہیں تو کہتے ہیں کہ ہم ایمان لے آئے ہیں، اور جب اپنے شیطانوں میں جاتے ہیں تو (ان سے) کہتے ہیں کہ ہم تمھارے ساتھ ہیں اور (پیروانِ محمدﷺ سے) تو ہم ہنسی کیا کرتے ہیں۔ ان (منافقوں) سے خدا ہنسی کرتا ہے اور انہیں مہلت دیئے جاتا ہے کہ شرارت وسرکشی میں پڑے بہک رہے ہیں۔" (سورۃ البقرہ: 15-14)

 

اے افواج پاکستان!

آگے بڑھیں اور غداریوں کے اس سلسلے کا خاتمہ کریں اور خلافت کے قیام کیلئے حزب التحریر کو بیعت دیں تاکہ اللہ سبحانہ و تعالیٰ آپ کے ہاتھوں ان  حکمرانوں کو سزا دلوائے جو لاکھوں مسلمانوں کی قربانیوں کو ضائع کرنے کیلئے امریکہ کے لیےپہلے کرائے کی بندوق اور اب کرائے کے سہولت کار بنے ہوئےہیں۔ سو(100) ہجری سالوں کے انتظار کے بعد ایک بار پھر دنیا میں اسلام کی حکمرانی کا آغاز کریں۔ خلافت کا قیام روئے زمین پر اللہ سبحانہ و تعالیٰ کے نازل کردہ فرائض میں سب سے بڑا فرض ہے۔ آپ اپنی طاقت اور قوت کو اسلام کے غلبے اور اسلام اور مسلمانوں کے دشمنوں کو شکست دینے کے لیے پیش کریں۔ تو آپ میں سے کون ہے جو اس فرض کو پورا کرنے کیلئے آگے بڑھے گا اور دین اور دنیا میں کامیابی کا حقدار ٹھہرے گا؟

 

ولایہ پاکستان میں حزب التحرير کا میڈیا آفس

المكتب الإعلامي لحزب التحرير
ولایہ پاکستان
خط وکتابت اور رابطہ کرنے کا پتہ
تلفون: 
http://www.hizb-ut-tahrir.info
E-Mail: HTmediaPAK@gmail.com

Leave a comment

Make sure you enter the (*) required information where indicated. HTML code is not allowed.

دیگر ویب سائٹس

مغرب

سائٹ سیکشنز

مسلم ممالک

مسلم ممالک