سه شنبه, ۰۶ جمادی الثانی ۱۴۴۲هـ| ۲۰۲۱/۰۱/۱۹م
ساعت: مدینه منوره
Menu
القائمة الرئيسية
القائمة الرئيسية

د ورکو شویو کسانو په قضیو کې د دولت پر لوړپوړو چارواکو میلیونه روپۍ جریمه لګول شوې

  • خپور شوی په سیاسي

اته کلونه کېږي چې له یوې محکمې څخه بلې ته او له بلې څخه بلې ته ځو او راځو، خو هېڅوک هم نه شي کولای چې زما خاوند بېرته ما ته راولي. کله چې زما خاوند وتښتول شو، په هغه وخت کې زما زوی د دوو کلونو و. زما زوی تر اوسه خپل پلار سم نه دی لیدلی. سعدیه رهات د نوید بټ مېرمن او مدافع وکیله ده. د سعدیې خاوند د پاکستان ـ ولایه حزب التحریر ویاند و چې په ۲۰۱۲ م کال کې په لاهور کې له خپل کور څخه بهر د نامعلومو کسانو له خوا وتښتول شو.

سعدیې وویل: موږ له هغې ورځې راپدېخوا له یوې محکمې څخه بلې محکمې ته ځو او راځو، خو تر اوسه مو د محکمې کومه پرېکړه نه ده ترلاسه کړې. د ورکو خلکو کمېسیون یو  قانون جوړ کړ، خو زما خاوند نه و پکې راغلی. هغې زیاته کړه: ټولې استخباراتي ادارې زما د خاوند له نیولو څخه انکار کوي، خو زه پوره باور لرم چې زما خاوند له دوی سره دی. په دې وروستیو کې د اسلام اباد سترې محکمې د ورکو شویو کسانو د ورکېدو له امله د دولت پر لوړپوړو چارواکو د جریمو لګول په ډاګه کړل. د پاکستان یوې محکمې د دغه هېواد د یو سیاستوال غلام قدیر د ورکېدو له امله پر پولیسو، امنیتي او دفاعي ځواکونو ۱۰ میلیونه جریمه وضع کړه.

فدرالي حکومت په دې کې پاتې راغلی چې دغه قضیه محکمې ته وړاندې کړي. دې مسلې ته د رسېدنې لپاره محکمې اعلان وکړ چې جریمه د اجرا کېدو په حال کې ده، خو حقیقت دا دی چې کله یو څوک ورک شي، د هغه په اړه باید څه ډول اقدام وشي. د عطار مینالله په نوم یو قاضي وویل، محکمې ته زیان رسېږي، خو ځکه دولت د هغه په پیدا کېدو نه بریالی کېږي.

سید طیب شاه د اسلام اباد د څارنوالانو نماینده وویل چې د دا ډول قضیو په هکله باید ډېر بحث او څېړنه ونه کړو او دا کار باید محکمې ته پرېږدو. نوموړي وویل چې که حکومت د محکمې پر پرېکړه راضي نه و، نو بیا دولت خپله کولی شي چې دوسیې له سره وګوري. په پاکستان کې باید محکمه د داسې قضیو په اړه مشخص تصویر ولري، خو په دې وروستیو کې د ورکو شویو کسانو په هکله بې دريځه ده. دا لومړۍ قضیه نه ده چې دوی ۱۰ میلیونه روپۍ جریمه اېښې، تر دې وړاندې هم دولتي چارواکې په درېیو بېلابېلو قضیو کې د محکمې له خوا جریمه شوي دي. د اسلام اباد د لوی څارنوال مرستیال سید طیب شاه وویل چې په دې اړه ډېر بحث کولو ته اړتیا نشته، ځکه په وینا یې په محکمه کې په دې برخه کې د نظر تجدید روان دی. هغه وویل، د محکمې د نه رضایت په صورت کې د نظر د تجدید حق لري. په پاکستان کې باید محکمه د داسې قضیو په اړه مشخص تصویر ولري، خو په دې وروستیو کې د ورکو شویو کسانو په هکله بې دريځه ده. دا لومړۍ قضیه نه ده چې دوی ۱۰ میلیونه روپۍ جریمه اېښې ده، د دغه هېواد دولتي چارواکې مخکې هم په درېیو بېلابېلو قضیو کې د محکمې له خوا جریمه شوي دي.

د ساجد محمود په نوم د یو بل ای ټي انجینر هم ورته قضیه ده، د هغې مېرمنې ماهیرا ساجد د خپل کورنۍ لګښتونه محکمې ته وړاندې کړل. محکمې دولتي چارواکو ته د ساجد محمود د ورکېدو له امله ۴.۵ میلیونه جریمه وټاکل او  په هر میاشت کې باید د ساجد محمود کورنۍ ته ۱۵۰ زره روپۍ ورکړي.

د مهرا ساجد مدافع وکیل عمر جیلاني د دغې قضیې په اړه وویل: «هېواد د هر شخص د امنیت ساتلو مسول دی. که یو څوک ورکېږي، نو بېرته راپیدا کول او کورنۍ ته سپارل یې هم د دولت مسولیت دی. همدارنګه ما د دغې قضیې او د محکمې د پرېکړې په اړه له دولت سره خبرې وکړې، چې دولت هم ومنله. عملي کول یې پاتې دي چې هغه به هم په نېږدې راتلونکي کې ولیدل شي. زه هیله لرم چې دولت به دغه کار ترسره کړي.»

د پاکستان یو کنسل عابد ساقي په دې اړه وویل، د دغه نظام او قانون تر چتر لاندې د هر فرد ازادي او له هر نفر څخه ساتنه د دولت دنده ده. محکمې د نظام په سر کې دي، که یې امر پلی نه شي، نو له عملي کوونکو سره به قانوني چلند وشي.

عابد ساقي د ورکو شویو کسانو د قضیو په هکله وویل: »د محکمې له خوا واضح امر شوی دی، خو دوی یې نه عملي کوي. د پاکستان محکمې د هر فرد د ازادۍ او امنیت ساتلو په اړه مسولیت لري او باید چې خپله دنده سرته ورسوي.» سعدیې رهات وویل: «زه د خپل خاوند له تښتولو وروسته له ډېرو ستونزو سره مخ یم. دری زامن او لورنې لرم او ماشومان مې د خپل پلار په اړه ډېر اندېښمن دي او سخت ځورېږي.»

 سعدیې زیاته کړه، کله چې ما د پاکستان له سترې محکمې د مالي مرستو غوښتنه وکړه، له دې امله وه چې تر دې وړاندې به زموږ د کورنۍ مالي لګښتونه زما خاوند پوره کول، خو اوس چې هغه نشته، له ګڼو ستونزو سره مخ یو.

د پاکستان د ورکو شویو کسانو د کمېسیون په خبره، تر اوسه په یاد هېواد کې له دوو څخه تر دوو نیم زرو پورې کسان ورک شوي. همدارنګه په دې هکله باید د محکمو له خوا مشخص قوانین وضع شوي وای، ډېر خلک چې تراوسه ورک دې، قضایي ادارې یې یوازې مسولیت پر غاړه اخلي. په هر حال ځینې وختونه قضایې ادارې او دولت د دوی تایید هم پر غاړه نه اخلي.

امریکا غږ اردو

عاصم علي رانا

اسلام اباد

 

د مطلب ادامه...

د یو دعوتګر د مړینې خبر

(مِّنَ الْمُؤْمِنِينَ رِجَالٌ صَدَقُوا مَا عَاهَدُوا اللَّهَ عَلَيْهِ فَمِنْهُم مَّن قَضَى نَحْبَهُ
وَمِنْهُم مَّن يَنتَظِرُ وَمَا بَدَّلُوا تَبْدِيلاً)

ژباړه: «داسې مومنان شته چې له الله سبحانه و تعالی سره یې کړې ژمنه رښتیا کړې ده. له هغو څخه چا خپل نذر پوره کړ او څوک د وخت راتلو ته په تمه دي. دوی خپله کړنلاره هېڅ بدله نه کړه.»

موږ د خپل ګران ورور علییف شریف الله په مړینه ډېر خواشیني یو، چې د اسلامي امت د ژغورلو لپاره یې نه ستړې کېدونکې هڅې وکړې او خپل ژوند یې د دغه غږ په لېږدولو کې تېر کړ.

علییف شریف الله چې په ۱۹۷۸م کال، د صغد تاجک ایالت مرکز په خجند ښار کې زېږېدلی و، په ۱۹۹۸م کال کې د حزب التحریر له مفکورې سره اشنا شو او په اسلامي توګه د ژوند تر سره کولو لپاره یې د نبوت پر منهج د راشده خلافت د بیا تاسیس لپاره ډېر کار وکړ.

د حزب التحریر په لیکو کې زموږ د ورور فعالیت د امام علي الرحمن په مشرۍ د ظالمانه تاجک رژیم له سترګو لېرې پاتې نه شو. هغه په ۲۰۰۰م کال کې ونیول شو، څو له دعوتي فعالیتونو څخه لاس واخلي. شریف الله هغه مهال خپل فعالیت بند نه کړ او تر ډېر ظالمانه وضعیت لاندې په زندان کې و. هغه د ظالم د ظلم او خلکو د تورونو هېڅ پروا نه درلوده، چې غوښتل یې د هغه غږ چوپ کړي. له همدې امله، ظالم رژیم هغه دوه ځله له بند څخه تر خوشي کېدلو وروسته بیا بندي کړ. زموږ ورور د تاجک رژیم په ظالمانه زندانونو  کې د خپل ژوند ۱۳ نیم کلونه تېر کړل؛ خو مخکمې هېڅکله هم د هغه حل لاره ماته نه کړه. زموږ ورور د ۲۰۲۰م کال په پيل کې په ډېر جرأت او کلک هوډ خپلو فعالیتونو ته دوام ورکړ.

په خواشینۍ سره، د ظالم په زندانونو کې د ظالمانه شکنجو او د کافي بشري روغتیایي پاملرنې د نه درلودو له امله زموږ د ورور روغتیايي وضعیت خراب شو. شریف الله د ۲۰۲۱م کال د جنوري پر لومړۍ نېټه له دې نړۍ سترګې پټې کړې.

موږ د الله سبحانه و تعالی دربار ته لاسونه لپه کوو چې زموږ پر ورور علییف شریف الله رحم وکړي او هغه له انبیاوو، صدیقینو، شهداوو، صالحینو او غوره ملګرو سره یې جنت ته بوځي.  موږ له الله سبحانه و تعالی څخه د هغه کورنۍ ته د صبر او زغم هیله کوو.

(إِنَّا للهِ وَإِنَّا إِلَيْهِ رَاجِعُونَ) 

ژباړه: «موږ د الله سبحانه و تعالی یو او د هغه سبحانه و تعالی لوري ته ورګرځېدونکي یو.» [بقره: ۱۵۶]

د حزب التحریرـ قرغیزستان مطبوعاتي دفتر

 

د مطلب ادامه...

موږ به څنګه د الله سبحانه و تعالی رضایت او د رسول صلی الله علیه وسلم د شفاعت وړ وګرځو، که چیرې موږ له روسیې سره ګډ نظامي تمرینونه تر سره کړو، چا چې په بې رحمۍ سره د سوریې مسلمانان بمبارد کړل، پر هند یې وسلې وپلورلې او د ازربایجان د مسلمانانو پر وړاند

  • خپور شوی په پاکستان

د روسیې ځانګړو ځواکونو د ۲۰۲۰م کال، د نومبر په ۵مه، د دوو اونیو لپاره د ګډو نظامي تمرینونو “DRUZHBA 5” په خاطر پاکستان ته راغلل، تر څو په جنګ "تروریزم" کې تجربې سره شریکې کړي،  چې دا وروستي تمرینونه وروسته له یو کال څخه چې د سوریې مسلمانان د روسیې تر بمباریو لاندې ښخ شول لومړنی پیل و. که څه هم دا ګډ تمرینونه د دې لامل کیږي چې کمزوری دولت له پياوړي دولت څخه ګټه واخلي او په عملي توګه هغه مستعمره حکومت ته اجازه ورکوي چې د پیاوړي حکومت نظامي وړتیاوو ته لاسرسی پیدا کړي، د دوی د جنګي تکتیکونو په اړه پوه شي، نیمګړتیاوې، کمزورتیاوې او همدا راز د پرمختګ لامل یې وپیژني، په سیمه کی نفوذ ومومي او د خپلو وسلو او وړتیاوو څخه وېره خپره کړي. سربیره پردې، دا نظامی تمرینونه خو له کافرو روسانو سره دي، چی لاسونه یی د سوریې د مسلمانانو په وینو سره دي، هغه کفار چې نوې وسلې یې د مسلمانانو پر سرونو وازمویلې. دا خو هماغه روسیه ده چی په دې وروستیو کې یې د یوولسم ځل لپاره زموږ له دښمن هند سره ګډ نظامي تمرینونه(INDRA) وکړل او تر څنګ یې S-400 میزایل سیستم هم پر هندو حکومت خرڅ کړ. دا خو هماغه روسیه ده چی په سلګونو زره د افغانستان مسلمانان یې شهیدان کړل او همدارنګه د چیچنیا، قفقاز او خپله د روسې پر مظلومو مسلمانانو یې ډیر بې رحمه ظلمونه وکړل. دا خو هماغه روسیه ده چی د ازربایجان د مسلمانانو پر وړاندې یې د امریکا یي نظامیانو ملاتړ وکړ. نو د دغه ترهګر حکومت کومه شریکه شوې تجربه به موږ پیاوړي کړي چې د دوی ټول جنګ د مسلمانانو او اسلام پر سر دی؟!

ای د پاکستان مسلمانو نظامي ځواکونو! څنګه دغه قوانینو تاسې دې ته اړ کړلی چی په دومره نړۍ کې  له دې ظالمانو سره یو ځای ګډ نظامي تمرینونه ترسره کړئ؟ ایا د کشمیر ازادول د تاسی لپاره غوره نظامي تمرین نه و، چې تاسې به ښايي په غازي او یا هم شهید کیدلو سره خورا ډېر اجر تر لاسه کړی و؟ نو تاسي به څنګه عمل کوی کله چې د باجوه-عمران رژیم ستاسې مخه ونیسي، په داسې حال کې چې د هند حکومت اشغال شوی کشمیر خپل کړي؟ له دې چټل سیاسي او نظامي رهبرۍ څخه ځانونه ازاد کړئ چې د غربي موخو لپاره وفاداره او صادق دي، خو د اسلام د هغه قوي تصویر څخه بې خبره دي چې تل به یې غښتلي دښمنانو ته ماتې ورکوله.

څنګه هغه روسیه موږ ته شجاعت او جنګ را زده کولی شی چی د افغانستان او پاکستان د مسلمانانو په وسیله ټوټه ټوټه شوه؟ سربیره پردی چې د مرکزي اسیا او له هغه څخه د باندې حکومتونو د مسلمانانو په واسطه ځوریږی چی غواړي د هغوی په قلمرو کی خلافت جوړ کړي. چی ښايي یوه پیاوړې او اساسي برنامه وي چې روسیې ته پر مسلمانانو باندې د بې رحمه ظلمونو پر وړاندې یو غاښ ماتوونکی ځواب ورکړی، چی ان په کرملین کی یی د پوتین او د هغه د ملګرو په زړونو کی سخت ډار اچولی دی او همدا راز د سپینی ماڼی او د Ten Downing Street د اشغال د پای ته رسولو لپاره به دا یو پیل وي ، اې د خالد بن ولید زامنو، دا امت د تاسی امر ته منتظر دی، نو اوس حرکت وکړئ او د الله سبحانه وتعالی دا ژمنه تاسو ته انتظار باسي. الله سبحانه وتعالی فرمايي:  

 [ٱلَّذِينَ يَتَّخِذُونَ ٱلْكَافِرِينَ أَوْلِيَآءَ مِن دُونِ ٱلْمُؤْمِنِينَ أَيَبْتَغُونَ عِندَهُمُ ٱلْعِزَّةَ فَإِنَّ ٱلعِزَّةَ لِلَّهِ جَمِيعاً]

"هغه کسان چی مومنان پریږدي، له کافرانو سره د دوستی اړیکی ټینګوی، ایا دا خلک د عزت د لاس ته راوړلو لپاره هغوی ته ورځي؟ په داسې حال کی چی هر راز عزت یوازې د الله سبحانه و تعالی لپاره دی". [نسأ: ۱۵۹]

د حزب تحریرـ ولایه پاکستان مطبوعاتی دفتر

 

د مطلب ادامه...

د مراکش د پراختیا او عدالت حزب د اړیکو عادې کېدو ملاتړ کوي!

  • خپور شوی په سیاسي

(ژباړه)

په مراکش کې د اخوان المسلمین (د پراختیا او عدالت حزب) د مراکش په اتحاد کې د (امیرالمومنین) جنبش ملاتړ کوي، حتا که دغه امر د یهودو له رژیم سره د فلسطین د اړیکو عادي کېدو په بیه هم وي. دعوتي برخه او د ځوانانو جنبش دا موضوع ردوي، خو هغه کسان چې په دولت کې له سیاسي او حکومتي پلوه د جنبش مدیریت مسولیت پر غاړه لري، ملاتړ یې کوي. (امیرالمومنین مفدی!)

بازان، کوترې، سیاسي، نظامي او تبلیغاتي وزرونه؛ خو یو بل ته ورته؛ له بده مرغه د اخوان المسلمین فکر اوسمهال مخ په ځوړ دی. هر څو ک چې په عراق کې د بریمر په اشغال شوې شورا کې کېني، هغه کس چې پر چچن د پوتین د واکمنۍ تبریکي ووایي او دا چې هغه د روسیې کورنۍ مسله ده، هغه څوک چې د رهبرانو په څرګندونو سره د لسیزو لپاره د اردن د هاشمي رژیم ملاتړ وکړي، هغه څوک چې د اسلو له سلطې سره یوځای شي، چې فلسطین یې پلورلی دی... دا همغه عملي عقلیه ده چې د هغه اړوند مخته ځي. (ما ته څه نا څه واک راکړئ او زه پر تاسو حتا مکه هم پلورم)

له بل پلوه، د مراکش پادشاه څه وخت امیرالمومنین شوی؟! ایا دغه پادشاه چې د اسلام پر اساس حکومت نه کوي او غرب هغه د مراکش پر مسلمانانو ور تپلی، چې تر دې وړاندې یې پلار ورته کار کړی و، امیرالمومنین شوی او باید د هغه ملاتړ وشي؟! دغه فهم او دغه تګلاره له کومه ځایه راغلې ده؟! دا پر ظالمانو څه ډول تکیه کول دي؟!

اخوان المسلمین او حرکتونه، حزبونه او دولتونه په اسلامي خاورو کې د پراختیا په حال کې دي چې یوازې د خپلو ګټو په لټه کې دي. په هره سیمه کې چې دغه حرکت شتون ولري، له بده مرغه یاد حرکت په همغه سیمه کې خپلې ګټې د اسلام ګتې بولي. هر کله چې له واضحو او محکمو نصوصو سره مخ شي، چې د هغوی له مسیر سره په ټکر کې وي، وایې دا نصوص جامد او وچ دي او په وینا یې، په هر وخت کې اړتیا ده چې هغه تاویل او په هغه کې د مسلمانانو مصلحت وویني. پر همدغه اساس، کله چې دغه حرکت کوم څه خپل اړین مصلحت وویني، نصوص تحریف او بدلوي. له فلسطین څخه د نه تېرېدو په اړه پر شرعي نصوصو دغه سترګې پټېدل، چې په اړه یې بې شمېره دلایل شته، دا ټول نصوص د اخوان حرکتونو، حزبونو او دولتونو د ګټو په دلیل د تغیر او تبدیل لپاره وړاندې شوي دي.

دا زموږ په اسلامي خاورو کې پر اسلامي ډلو د غرب ژور نفوذ ښيي، په دې مانا چې موضوع یو فکر او منهج ده، نه کومه تېروتنه. دا مسله جدي ده، ځکه په دغه کار کې د دین تحریف او له نصوصو څخه لېروالی ثابت شوی دی. پر همدغه اساس، اړتیا ده چې د اخوان المسلمین حرکتونه، دولتونه او حزبونه په دغه فکر او منهج کې چې د الله سبحانه وتعالی احکامو ته د خپلو ګټو او مصالحو پر اساس تغیر ورکوي، له الله سبحانه وتعالی څخه وډار شي.

پرېږدئ چې هغوی ټول پوه شي چې اسلامي امت نور نه دوکه کېږي، بلکې هر څوک چې د الله سبحانه وتعالی احکام، شریعت او منهج تغیر کړي، له هغه سره جدي حساب وشي. الله سبحانه وتعالی فرمایلي دي:

﴿فَتَرَى الَّذِينَ فِي قُلُوبِهِم مَّرَضٌ يُسَارِعُونَ فِيهِمْ﴾ [سوره مائده آیه 52]

ژباړه: ګورئ، هغه کسان چې په زړه کې ناروغي لري، (له یهودیانو او مسیحیانو سره په ملګرۍ او دوستۍ کې) یو تر بل مخکې کېږي.

همدارنګه الله سبحانه وتعالی فرمایلي دي:

﴿وَلاَ تَرْكَنُواْ إِلَى الَّذِينَ ظَلَمُواْ فَتَمَسَّكُمُ النَّارُ﴾ [سوره هود آیه 113]

ژباړه: پر مشرکینو او کفارو تکیه مه کوئ (که داسې وکړئ) د دوزخ په اور کې به وسوزئ.

لیکوال: دکتر فرج ممدوح

ژباړه: بهیر (ویاړ)

د مطلب ادامه...

الله سبحانه وتعالی څنګه د مومنانو زړونو ته ګوري؟

  • خپور شوی په سیاسي

(ژباړه)

له ابو هریره رضی الله عنه څخه روایت دی چې رسول الله صلی الله علیه وسلم وفرمایل:

«إِنَّ اللَّهَ لاَ يَنْظُرُ إِلَى أَجْسَادِكُمْ وَلاَ إِلَى صُوَرِكُمْ وَلَكِنْ يَنْظُرُ إِلَى قُلُوبِكُمْ» وَأَشَارَ بِأَصَابِعِهِ إِلَى صَدْرِهِ» (رواه مسلم فی کتاب البر والصلة الأدب)

ژباړه: الله سبحانه وتعالی ستاسو بدنونو او څېرو ته نه ګوري؛ بلکې ستاسو زړونو ته ګوري او (رسول الله صلی الله علیه وسلم) د  لاس په ګوتو د خپلې سینې قفس ته اشاره وکړه.

الله سبحانه وتعالی زموږ زړونو ته ګوري؛ یعني زموږ ایمان، دین، اخلاقو، عمل او نیت ته ګوري او زموږ بدنونو ته نه ګوري. په دې ځای کې هدف د محبت نظر دی. الله سبحانه وتعالی د خپل نظر تر څنګ پر خپل شریعت له موږ څخه ژمنتیا او دوام غواړي، دا نظر یوازې د تعقیب او پوهېدلو لپاره نه دی؛ ځکه الله سبحانه وتعالی په هر څه پوه او عالم دی، هېڅ شی ترې پټ نه دي. پر همدغه اساس، دلته څرګندېږي چې الله سبحانه وتعالی له موږ څخه داسې عمل غواړي چې د اخرت خیر مو پکې وي. که فکر وکړو الله سبحانه وتعالی هغه بدنونه او ښایست چې د خیر هیله نه ترې کېږي غندلي او فرمایي:

﴿وَإِذَا رَأَيْتَهُمْ تُعْجِبُكَ أَجْسَامُهُمْ وَإِنْ يَقُولُوا تَسْمَعْ لِقَوْلِهِمْ﴾ [منافقون: 4]

ژباړه: ته که دوی ووینې، نو  بڼې او څېرې به یې ډېري روښانه درته ښکاره شي؛ که وغږېږي، نو خبرو ته به یې غوږ ونیسي.

پر زړه را ښکونکي جذابیت او ښې وینا سربېره بیا هم دوی پر دېوال د تکیه شویو لرګیو غوندې دي: ﴿كَأَنَّهُمْ خُشُبٌ مُسَنَّدَةٌ﴾ یعني دوی لکه تختې داسې دي چې پر دېوال تکیه شوي وي (بې ځانه او بې ایمانه، خالي جسدونه، بې نوره، پر دروازو او دېوالونو)؛ نور بدنونه یې قوي، اوږده او پنډ؛ چې نه هم په ستونو کې کارېږي او نه هم د چت په پوښلو کې. 

اې مسلمانانو ورڼو!

په دغه حدیث کې رسول الله صلی الله علیه وسلم ویلي چې د انسانانو ترمنځ توپیر او ښه والی په څېرې پوري اړه نه لري، بلکې په هغه څه پورې اړه لري چې پر الله سبحانه وتعالی د ایمان د قوي ایمان درلودو له امله زموږ په زړونو کې ځای شوي او د شرعي احکامو په پیروۍ او له الله سبحانه وتعالی څخه په وېره پورې اړوند دي.

نو افسوس پر هغو مسلمانانو چې د پسونو غوندي په هر کنج او څنډه کې د حکامو او سختو دښمنانو له خوا قرباني او وژل کېږي. له مسلمانۍ او دا چې وایي رب مې الله سبحانه وتعالی دی، پرته بله هېڅ پلمه ورته نشته. همدارنګه افسوس پر هغو مسلمانانو چې کفار ورته د دین په لار کې فتنه جوړوي؛ هغه کفار چې له یوې زاویې څخه د مسلمانانو او اسلام پر وړاندې جنګېږي. دا چې امت شپه او ورځ رګ پر رګ حلالېږي، هغه خلک چېرته دي چې د دغه اور مړه کولو، له منځه وړلو او د بریدونو مخنیوي لپاره اقدام وکړي؟

کومه دي هغه کسان چې د دغه واقعیت د بدلون لپاره قوي او لوی ګامونه اوچت کړي او د نبوت پر تګلاره د مسلمانانو راشده خلافت او اسلامي دولت د بیا را ژوندي کولو لپاره کار وکړي؟ هغه دولت چې د مسلمانانو حقوق تر لاسه او حق حقدار ته وسپاري. همدارنګه ټوله نړۍ د الله سبحانه وتعالی په احکامو روښانه او نوراني کړي.

د الله سبحانه وتعالی نظر داسې وي، دا یې مفهوم او معنی ده:  (ينظر إلى قلوبكم) موږ د رسول الله صلی االله علیه د صحابه کرامو په منځ کې بلال حبشي وینو چې یو تور پوستی انسان دی؛ خو الله سبحانه وتعالی یې ایمان ته ګوري؛ نه د ده څېرې ته.

دی جنتي دی لکه څنګه چې رسول الله صلی الله علیه وسلم فرمایي:

يا بلال! (إنی أسمع خشخشة نعليك في الجنة)

یعني اې بلاله! زه ستا د څپلیو  اواز په جنت کې اورم.

یا باري الله! د خلافت دولت د تاسیس وس راکړې چې هلته حکم په بما انزل الله سره وي او زړونه مو ستا د نظر او رحمت ځای وګرځوې! اللهمَّ آمين آمين!

د مطلب ادامه...

د افغانستان جمهوریت په وژنتون بدل شوی؛ د ژغورنې لاره شته؟ Featured

په څو وروستیو میاشتو کې د افغانستان په ښارونو او کلیو کې پرله پسې ترورونو، چاودنو، راکټ ویشتنو او ړندو بمبارویو زور اخیستی. مخور، دولتي کارکوونکي، ژورنالېستان، تحلیلګران، د جوماتونو امامان، پېژندل شوې څېرې او ملکي وګړي یو پر بل پسې په بېلابېلو ډولونو وژل کېږي. د خلکو لپاره عادي شوې چې سهار او ماښام د چاودنې په غږ او د بمبارۍ په خبر پیل کړي. افغانستان د ملکي وګړو، مخورو او خبریالانو لپاره په تر ټولو وژونکي هېواد بدل شوی دی. د افغانستان دولت یوازې تاسف څرګندوي، کمېسیونونه جوړوي او شمېرې خپروي. په دې وروستیو کې د کورنیو چارو وزارت په بې شرمۍ سره ځینو خبریالانو ته ویلي دي؛ هغه رسنۍ باید وتړل شي چې خپلو کارکوونکو ته وسلې نه شي اخیستلی.

د حزب التحریر- ولایه افغانستان مطبوعاتي دفتر وژل شوو ته د دعا، زخمیانو ته د عاجلې شفا او د پېښو څخه اغېزمنو شوو کورنیو ته د جمیل صبر د غوښتنې تر څنګ لاندې ټکي د یادونې وړ ګڼي:

لومړی: پرله پسې ترورونه او د وحشت خپرونه د یوې نوې پروژې ښکارندويي کوي چې په هغو کې د افغانستان د سولې په پروسه کې ښکېل لوري د استخباراتي بریدونو او د افغان مسلمانانو د وینې په قیمت سره غواړي چې د افغانستان د سولې په تقیسم کې لویه ونډه تر لاسه کړي او عامه افکار د خپل مقابل لوري پر ضد کړي. په داسې حال کې چې امریکا د افغانستان د سولې په پروسه کې تر ټولو ډېر امتیاز اخیستی دی، خپل ځواکونه او مرکزونه یې خوندي کړي او برعکس یې افغانان یو له بل سره په جګړه کې ښکېل کړي دي.

دویم: د افغانستان د دولت کار غندل او د مړو د جسدونو په اړه د اعلامیو لیکل دي. چارواکي د لوړو دېوالونو تر شا له خلکو لرې ژوند او په زرې موټرونو کې تګ راتګ او سوداګري کوي او د خلکو هېڅ درد نه احساسوي. دا چارواکي له یوه اړخه خپل ځانونه د انساني ارزښتونو انتقالونکي او ملاتړي ګڼي او د رسنیو په مخ کې د جمهوریت چیغې وهي، خو کله یې چې ګټې او واک له خطر سره مخ شي، په قاتلانو او جلادانو بدلیږي؛ لکه چې په دې وروستیو کې هغه کسان په مرګ ګواښل شوي چې پر دولت نیوکې کوي. هو! دا ټولې وژنې او وحشتونه د سولې او جمهوریت د هغو چیغو ترجماني کوي چې تر اوسه هم د ټولنې غوږونه ځوروي. په واقعیت کې دوی نه اسلام ته ارزښت ورکوي او نه هم د جمهوریت پروا لري؟ یوازې د خپل واک دوام او د ګټو تر لاسه کول پېژني.

نو د افغانستان مسلمان خلک باید پوه شي چې د ژغورنې لاره د افرادو بدلون او ددې فاسد نظام اصلاح نه ده، بلکې یو اساسي او بنیادي بدلون ته اړتیا ده. هغه بدلون چې وارداتي نظامونه او قدرت غوښتونکي او فراشوټي مشران د تاریخ په خځلنۍ کې خښ کړي او په بدل کې یې داسې نظم رامنځ ته کړي چې له یو لوري ددې خاورې د خلکو له اسلامي ارزښتونو او عقایدو سره سم وي او له بله اړخه داسې رهبران واک ته ورسوي چې د خلکو د عقیدي، مال، ځان او ناموس ساتنه کوي او هغه خپل بنسټیز مکلفیت ګڼي. دا نظام له اسلامي دولت (اسلامي خلافت) پرته بل څه نه دی.

"إنَّما الإمَامُ جُنَّةٌ يُقَاتَلُ مِن ورَائِهِ ويُتَّقَى به" رواه مسلم

بې شکه چې امام ډال دی، شاته یې مسلمانان جګړه کوي او د هغه په وسیله یې ملاتړ او ساتنه کېږي.

د حزب‌التحریر - ولایه افغانستان مطبوعاتي دفتر

د مطلب ادامه...

د استانبول هوکړه؛ له تاوتریخوالي سره مبارزه، که د اسلام پر وړاندې جګړه؟

  • خپور شوی په سیاسي

(ژباړه)

د کورنیو او مېرمنو پر وړاندې د تاوتریخوالي مبارزې په اړه د اروپا د شورا کنوانسیون یا د استانبول کوانسیون هغه هوکړه ده چې د اسلام تمدن په نښه کوي، که څه هم په ښکاره د مېرمنو پر وړاندې د تاوتریخوالي مبارزه ده. د دې هوکړې اصلي هسته په یو جسورانه اقدام کې د مېرمنو په اړه د شرعي احکامو په نښه کول او د مسلمانې کورنۍ له منځه وړل دي.

دا لومړۍ هوکړه نه ده او له پخوانیو مواردو بېله نه ده، که څه هم وضع کوونکې یې د اورپا شورا ده او د ملګرو ملتونو له لوري نه ده چمتو شوې، خو په مقدمه کې د نړیوالو هوکړو د رعایت پر اساس  د ملګرو ملتونو د ملاتړ یادونه کوي. د بېلګې په توګه:

- د ۱۹۶۶ م کال د اقتصادي، ټولنیز او فرهنګي حقونو نړیوال کنوانسیون؛

-           (۱۹۷۹) د مېرمنو پر وړاندې د هر ډول تبعیض له منځه وړلو لپاره د ملګرو ملتونو کنوانسیون «سیداو» او (۱۹۹۹) د هغه اختیاري پروتکل او همدارنګه د مېرمنو پر وړاندې د تاوتریخوالي په اړه د سیداو کمېټې د ۱۹ عمومي شمارې لارښوونې؛

-          (۱۹۸۹) د ملګرو ملتونو د ماشوم حقونو کنوانسیون او (۲۰۰۰) د هغه اختیاري پروتکلونه او داسې نور موارد...

 اسلامي ارزښتونو او اخلاقو ته د دې هوکړې د ګواښ لپاره په مقدمه کې څو ټکي تجزیه، تحلیل او هغه نقدوو:

۱- «د دې تشخیص چې په قانون کې د سړي او ښځې مساوات او په حقیقت کې دا څه د ښځو پر وړاندې د تاوتریخوالي په مخنیوي کې یو اساسي عنصر دی.»

په دې ځای کې وینو چې یاد کنوانسیون پخپله مقدمه کې د تاوتریخوالي پر وړاندې د مساواتو موضوع د مېرمنو په ملاتړ پورې تړي، چې ګواکي د مساواتو نشت پخپلسري ډول د مېرمنو پر وړاندې د تاوتریخوالي په مانا دی. دا نه یوازې له حقیقت او واقعیت څخه ناوړه ګټه اخیستل دي، بلکې پر اسلامي شریعت څرګند برید دی چې د سړي او ښځې تر منځ د عدالت پر ارزښت ولاړ دی. د بېلګې په توګه:  کله چې الله سبحانه وتعالی په خصوصي ځانونو کې د مېرمنو او سړیو تر منځ اختلاط منع کوي او د واده عقد سړي ته ورکوي، نه مېرمنې ته، یا د ژوند قیمومیت نارینه ته ورکوي، پر همدغه اساس، له شرعي لحاظه هغه د کورنۍ رییس دی؛ نه ښځه. کله چې د سرپرست له اجازې پرته له باکرې سره واده منع شوی، کله چې له محرم پرته سفر منع شوی او کله چې په امامت کې نارینتوب شرط یاد شوی، دا ټول شرعي احکام په کنوانسیون کې د مېرمنو پر وړاندې تبعیض او د مېرمنې او سړي تر منځ د مساواتو نشت شمېرل کېږي. د هغوی د فهم پر اساس، دغه اسلامي احکام د فردي او ټولنیز روزنځي د رامنځته کېدو لامل کېږي، چې د مېرمنو پر وړاندې د تبعیض برخه پیاوړې کوي، د هغوی ارزښتونه راټیټوي او په راتلونکي کې د نارینه وو ټولنه تربیه کوي؛ چې مېرمن تر هغه وروسته په ټولنه کې خپل ځان د یو فرد په توګه په ټیټه کچه کې وویني. همدارنګه دا هر څه په ټولنه کې پر مېرمنو د برید لامل کېږي او د هغې کم ګڼل یو طبیعي امر بولي. دا خپل حق بولي چې د ښځې په پرتله سړي ته په اسلام کې غوره ځای ورکړل شوی، چې دا په ټولیز ډول له اسلام څخه د سېکولرانو برداشت دی. هغوی د الله سبحانه وتعالی هغه احکام چې مېرمن له سړي پرته او سړی له مېرمنې پرته وي، داسې تفسیروي چې ګواکي دا یو ډول تبعیض دی چې په ټولنه کې د مېرمنو پر وړاندې د تاوتریخوالي او سپکاوي فرهنګ رامنځته کوي.

۲- دا تشخیص چې د مېرمنو پر وړاندې تاوتریخوالی د ښځو او سړیو تر منځ تاریخي او نابرابر تعادل ښيي، دا هر څه پر مېرمنو د سړیو واکمني او د هغوی پر وړاندې تبعیض کېږي او مېرمنې له بشپړې ازادۍ محروموي.

دا ټکي پورتني موارد تاییدوي او د مېرمنو او سړیو تر منځ اړیکه پر شخړو او نزاع محدودوي، یعنې د هغوی ډېر مفاهېم د هغه دید پر اساس دي چې د مېرمنو او سړیو تر منځ تاریخي رقابت شتون لري او پر ښځه د سړي یوه تاریخي بریا شته ده. «تاریخي» اصطلاح دلته ټولو فرهنګونو او ادیانو ته اشاره لري، د بېلګې په ډول: د اسلامي خاورو په اړه، له تاریخي نظره د قوا توازن: د اسلام احکام دي، څنګه چې عبدالمجید اشرفي پخپل کتاب (الاسلام او الحداثة) «اسلام او مدرنیته» په ۲۲۵معه پاڼه کې ذکر کړي: «په ټولیز ډول په اسلامي ټولنه او په ځانګړي ډول په عربي ټولنه کې د مېرمنو د ناسم حالت په اړه ناوړه افکار د اسلام ځانګړو احکامو ته ورګرځي، چې په ټولنیز ژوند کې یې د هغوی ژوند مختل کړی او هغه یې د یو نارینه، پلار او مېړه په واک کې ورکړې او په کور کې یې بندي کړې ده، څو ښځه د ګټې اخیستنې وسیله، زېږوونکې او خدمتګاره وي.»

دا همغه د «ادونیس» برداشت دی چې پخپل کتاب «ثابت او متحول» کې یې یاد کړی او دې ته اشاره لري چې اسلام په حقیت کې ښځې له ډېری ټولنیزو او انساني محدودیتونو سره مخ کړې دي، په دې توپیر چې اسلام هغې ته د کتلو ماهیت بدل نه کړ. پر همدغه اساس، دغه ناوړه دید هغه څه دي چې له اسلام څخه په وړاندې ټولنه کې هم موجود و. هغه څه چې مستشرق ادونیس او عبدالمجید اشرفي وایي، په غرب کې د سېکولر پوهانو له خبرو له انعکاس پرته بل څه نه دي، ځکه د هغوی ټولو نظر دا دی چې د سړي او ښځې تر منځ نامتعادل تاریخي میزان له دین، اداب، فرهنګ او ټولنیزو تاریخي اقداماتو له امله دی، چې ریښه یې د مېرمنو سپکاوی او له هغې څخه د غلامې په توګه ګټه اخیستل دي.

پر همدغه فاسد بنسټ د استانبول هوکړه پیل شوې ده، چې په تونس کې سیاسي او اکاډمیک مخکښان یې تصویبوي چې په دې سره د مېرمنو پر وړاندې له تاوتریخوالي څخه په ګټې اخیستنې په ټولنه کې له یوې افراطي فمینستي ایډیولوژۍ څخه د تېرېدوو لپاره سېکولر مفاهېم خپاره کړي. همدارنګه تر هغه ناوړه دا چې په ټولنه کې د همجنس ګرایانو ایډیولوژي خوره کړه، هغه څه چې غرب ورته اشاره کوي (د LGPT) انجمن.

3- «دا تشخیص چې د مېرمنو پر وړاندې د تاوتریخوالي جوړښت ماهیت د جنسیت پر اساس دی او د مېرمنو پر وړاندې تاوتریخوالی هغه برنامې دي چې پر اساس یې مېرمنې په ټولنیز او سیاسي موقعیت کې د سړیو تابع ساتل کېږي.»

د استانبول کنوانسیون د مېرمنو پر وړاندې د تاوتریخوالي ماهیت، که هغه په کور کې د مېړه، ورور او یا پلار له لوري او یا په ټولیز ډول د سړیو له لوري ترسره کېږي، له نارینه وو سره د شته نفسيې او افکارو پایله بولي. کله چې هغه له مېرمنې سره تاوتریخوالی ترسره کوي، دلیل یې دا دی چې نارینه پر دې باور لري چې مېرمن له دې پرته په بل څه نه پوهېږي. سېکولران یوه مشهوره جمله موږ ته رایادوي چې «مېرمنې یوازې په ډبولو پوهېږي» ده. په دې مانا چې زموږ په ټولنه کې د سړیو نظر دا دی چې له مخالف جنس سره اړیکه درلودل یعنې له ښځې سره، تاوتریخوالی دی چې د سړي د غوښتنو مطابق شي او دا مفهوم ډېر ګواښوونکی دی؛ ځکه د مېرمنې تر منځ د شخړو لپاره دروازه پرانیزي، هغه که په کورنۍ کې وي او یا په عمومي ژوند کې. د مسلمانانو اتفاق یې سخت کړی او په عمومي ژوند کې به د مېرمنو او سړیو تر منځ همکاري له منځه یوسي.

پر دې سربېره، دا یو محض دروغ دي او هغه جعل دی چې د اصلي تاوتریخوالي پر وړاندې خپلې سترګې پټوي او هغه ته اشاره نه کوي، چې هغه د نشه‌یي توګو او الکولي مشروباتو کارول دي. د منفعت غوښتونکي پانګوالي نظام په برکت چې له الکولي مشروباتو څخه مالیه اخلي.

نشه‌یي توکي او شراب د انسان عقل له منځه وړي او دا د اسلام عدالت دی چې شراب څښونکی باید په لښتو ووهل شي، څو هغه په ټولنه کې د شرابو خورېدو له ګواښونو څخه خبر کړي. له بل لوري د الله سبحانه وتعالی حکم دی چې الله سبحانه وتعالی د هغه مسلمان نېک عملونه نه مني چې شراب څښي، پلوري او پېریې. دا هر څه باطل دي. شراب څښونکی هغه څوک دی چې د عقل ځانګړنې یې د لنډمهال لپاره له منځه ځي او پر همدغه اساس، هغه کس چې شراب وڅښي، د هغه تر اغېز لاندې له ارادې پرته هر ډول تاوتریخوالی ترسره کوي، ځکه هغه مهال د یاد انسان عقل نه وي. پر همدغه بنسټ، اسلام موږ ته راښيي چې انسان په عام ډول او سړی په ځانګړي ډول که په هوښیار حالت کې وي او عقل یې شتون ولري، په فطري ډول ناوړه عمل نه ترسره کوي. په نارینه کې اساسي اصل دا دی چې پر ښځه ظلم نه کوي. نشه‌یي توکي د مېرمنو پر وړاندې په تاوتریخوالي او جنایتونو کې ستره ونډه لري.

الله سبحانه وتعالی فرمایي:

﴿وَمِنْ آيَاتِهِ أَنْ خَلَقَ لَكُم مِّنْ أَنفُسِكُمْ أَزْوَاجاً لِّتَسْكُنُوا إِلَيْهَا وَجَعَلَ بَيْنَكُم مَّوَدَّةً وَرَحْمَةً إِنَّ فِي ذَلِكَ لَآيَاتٍ لِّقَوْمٍ يَتَفَكَّرُونَ﴾ [روم: 21]

‏ژباړه: د الله سبحانه وتعالی د قدرت یوه نښه دا ده چې مېرمنې یې ستاسو له خپل جنس څخه پیدا کړې دي، څو د هغوی تر څنګ ارامي پیدا کړئ او ستاسو په منځ یې مینه او رحمت رامنځته کړل. دا د هغو ډلو لپاره نښې دي چې فکر کوي.

دغه عبارت "لِّتَسْكُنُوا إِلَيْهَا" پرېکنده دلیل دی چې اساسي اصل دا دی چې سړی مینې او محبت ته رسېږي، کله چې د خپلې مېرمنې تر څنګ وي او برعکس هغه هم داسې ده. په پایله کې، کرکه، سپکاوی او ناوړه کړنې د انسان یو جز ګڼل له هغه څه سره په ټکر کې دي چې الله سبحانه وتعالی د انسان د فطرت او طبعیت په اړه ویلي دي. په همدغه ترتیب: د هغو مفاهېمو خطر چې د ستانبول هوکړه پرې پیل شوې، د هغه پر اساس ده او دا هر څه له اسلام سره په ټکر کې دي.

#د استانبول هوکړه _ جنایت دی

#لاسلیک_ودروئ

کلیواله: استاد زینة الصامت

ژباړه: بهیر «ویاړ»

 

د مطلب ادامه...

د اردن په کنفرانس کې د شرعیاتو پوهنځیو او د اوبو تنظیموونکو ته د حزب التحریر ـ ولایه اردن پیغام Featured

  • خپور شوی په اردن

(ژباړه)

د ۲۰۲۰ میلادي کال د ډیسمبر پر ۱۲مه د اردن په پوهنتونو کې د شرعیاتو پوهنځي د خپلو محصلینو لپاره یو کنفرانس جوړ کړ، چې دا کنفرانس د «اسلام له نظره د اردن د اوبو واقیعت، ګواښونه او حلارې» تر نامه لاندې د حج اوقافو وزیر داکتر محمد الخلیله او د جرمني د نړیوالو همکاریو سازمان ­­(GIZ)  په ملاتړ د زوم له برنامې څخه په ګټې اخیستنې جوړ شو.  

د شرعیاتو د پوهنځیو رییسانو، د دغه کنفرانس جوړوونکو او د شرعیاتو متخصصینو ته:

تاسو د داسې کنفرانس جوړونکي یاست چې د اردن د شرعیاتو پوهنځیو ټول محصلین پکې را ټول شول او د اسلام له نظره د اردن د اوبو د ستونزو او حلارو په اړه خبرې وشوې، خو موږ تاسو ته څو داسې ټکي در ښیو چې تاسو ترې سترګې نه شئ پټولی.

تر هرڅه وړاندې موږ د اوبو د ستونزو ډېرېدو په اړه د جرمني ادارې او نورو نړیوالو موسیسو همکارۍ  ته حیران شوو؛ په داسې حال کې چې موږ د اسلام له نظره د اوبو د ستونزو حل په اړه خبرې کوو؛ څه اړتیا ده چې مسلمانان خپلې ستونزې پر نړیوالو سازمانونو حلوي؟! ایا دا بسنه نه کوي چې تاسو د نړیوالو قوانینو پر اساس د فلسطین د قضیې حل ته په تمه یاست؟ چې دا په حقیقت کې د قانون له نظره د دې موضوع له منځه وړل دي.

دلته څو مهمو ټکو ته اشاره کوو:

لومړی: په اسلام کې اوبه عام المنفعه یادې شوې دي. په اسلامي ټولنه کې اوبه عام څیز دی چې الله سبحانه وتعالی خپل ملکیت ګڼلې دي او له شخصي ملکیت څخه یې منع کړې ده.

رسول الله (ص) فرمایلي:

«النَّاسُ شُرَكَاءُ فِي ثَلَاثٍ: فِي الْكَلَأِ، وَالْمَاءِ، وَالنَّار»

ژباړه: ټول خلک په درېیو شیانو کې شریک دي: (څړځایونه، اوبه او اور.

 پر همدغه اساس، د اوبو شخصي کول او په شخصي کمپنیانو یې پلورل منع دي. لکه د اردن په قضیه کې.

دویم: په اردن کې د اوبو ستونزه په اصل کې یو سیاسي مشکل دی، چې د اردن پر حکومتي سیستم او له یهودو سره د دغه هېواد د واکمنانو د اړیکو په درلودو پورې اړه لري. اردن د خپلو خلکو لپاره د اړینو او مناسبو اوبو په تیارولو کې خپله دنده په سمه توګه سرته ونه رسوله. د اوبو د کمبود له امله نه، بلکې دوی غواړي په تلپاتې ډول د تړونونو له لارې خپلې اوبه او د خلکو ژوند د کفارو او یهودو له غوښتنو سره وتړي؛ چې د انګلس پروژې یې پیل و. د امریکا د «جونستون پلان» یې پلی او له یهودو سره یې د «وادي عراب» تړون پای و، بلاخره یهودیانو وکولای شول چې د اردن تر ځمکې لاندې اوبو ته لاسرسی پیدا کړي.

درېیم: یهودیانو د اردن ډېرې اوبه د اشغال، تړون او یا د غلا له لارې تر لاسه کړې او اوسه هم دوام لري.

کله چې یهویانو ګولان اشغال کړ، نو د اردن د رود پر فرعي برخو یې لکه: (حسباني، بانیاس او الدان) خپل کنترول نور هم ډېر کړ او د یرموک سیند تر نیمایي ډېره برخه یې پخپل واک کې کړه.

د یهودیانو او اردن د هوکړو په اړه: د «وادي عرب تړون» کې د اوبو ذکر کولو ثبوت نشته. د بېلګې په ډول: د اوبو تړون په شپږو مادو کې راغلي: «دواړو لورو د اردن او یرموک سیندونو پر اوبو په مساویانه وېش هوکړه وکړه، چې د وادي عرب له ځمکې لاندې اوبو څخه سرچینه اخلي.»

د غلا په اړه: په ۱۹۹۲م کال کې د ملګرو ملتونو په راپور کې راغلي: « اسراییلو د اوبو په «ملي انتقالي کانال» کې له ټاکلې کچې څخه ډېرې اوبه بېولې دي او د اردن سیند سویلي خواته یې د اوبو ځنې مالګین او نامناسب رګونه او جریانونه ور ګرځولي، څو د (طایبیریاز) اوبه ککړې نه شي.

څلورم: مسلمانانو د دولت او ټولنې په جوړښت کې د اوبو ارزښت د یو مهم حیاتي عامل په توګه هغه وخت ښه درک کړ، کله چې د لومړي ځل لپاره په مدینه کې اسلامي دولت جوړ شو. کله چې رسول الله صلی الله علیه وسلم مدیني ته ولاړ، نو هلته یو څا و او رومیانو به ترې ګټه اخیستله. رسول الله صلی الله علیه وسلم وفرمایل:

«مَنْ يَشْتَرِيهَا مِنْ خَالِصِ مَالِهِ فَيَكُونُ دَلْوُهُ فِيهَا كَدِلَاءِ الْمُسْلِمِينَ، وَلَهُ خَيْرٌ مِنْهَا فِي الْجَنَّةِ...»

ژباړه: هر څوک چې دا کوهی په شخصي شتمنۍ واخلي او ډولچه یې د مسلمانانو لپاره وي، (کوهی مسلمانانو ته ورکړي او ورسره شریک یې کړي)، هغه به په جنت کې تر دې ډېر څه تر لاسه کړي.

دوی په فلسطین او ادرن کې د مسلمانانو پر اوبو د غاصبانو شتون نور هم ټینګ کړ او حتی مسلمانان یې د خپلو اوبو له کارولو څخه منع کړل، څو یې واکمنان له یهودیانو سره تړون وکړي.

پنځم: د اردون د اوبو مسله باید په بنسټیز ډول حل شي، د سیمې او امت په کچه، نه د ولایت په سطحه. اوبه د ټول امت یو عام او مشترک مال دی، چې ټول امت باید ګټه ترې واخلي. څرنګه چې رسول (ص) فرمایلي دي:

«مَثَلُ الْمُؤْمِنِينَ فِي تَوَادِّهِمْ وَتَرَاحُمِهِمْ وَتَعَاطُفِهِمْ كمَثَلِ الْجَسَدِ الوَاحِد؛ إِذَا اشْتَكَى مِنْهُ عُضْوٌ تَدَاعَى لَهُ سَائِرُ الْجَسَدِ بِالسَّهَرِ وَالْحُمَّى»

ژباړه: د یوې عقیدې او باور خلک په مهربانۍ، شفقت او خواخوږۍ کې داسې دي لکه یو تن ­(جسم). کله یې چې یو غړی په درد وي، نو ټول بدن یې ورسره ناارامه وي.

دغه یو جسم باید په یوه سیاسي ارګان کې یو ځای او متحد شي، څو د یهودو حکومت له منځه یوسي، چې دا په ادرن او ټوله سیمه کې د اوبو ستونزه په اساسي ډول حل کړي.

په پایله کې: موږ ستاسې پاملرنه د حزب التحریر هغې رسالې ته اړوو چې په ۱۹۹۹م کال کې د «د اردن د اوبو ستونزه او د هغې حلاره څه ده؟» تر سرلیک لاندې خپره شوې ده. په هغې کې یې ستونزه او حلاره تشریح شوي دي. همدارنګه په اردن کې د اوبو واقیعت، ذخیره کول او وېش پکې واضح شوي دي. همدارنګه له ټولو اسنادو سره یوځای د اردن له لوري د اوبو ذخیره کولو پرتله، د خلکو اړتیا او هغه څه واضح شوي چې له دغو اوبو غلا شوي دي. 

په وروستیو کې موږ د الله سبحانه وتعالی دغه قول دریادوو:

(وَإِذْ أَخَذَ اللَّهُ مِيثَاقَ الَّذِينَ أُوتُوا الْكِتَابَ لَتُبَيِّنُنَّهُ لِلنَّاسِ وَلَا تَكْتُمُونَهُ) [عمران: ۱۸۷]

ژباړه: په یاد راوړئ هغه وخت، کله چې الله سبحانه وتعالی هغو کسانو ته اسماني کتاب ورکړ، ژمنه یې کړې چې هغه به خلکو ته ښکاره کړي او کتمان ونه کړي. خو هغوی شاته وغورځاوه او په لږ بیه یې وپلوره.

د حزب التحریر-ولایه اردن مطبوعاتي دفتر

 

 

د مطلب ادامه...

په ماته شوې اروپا کې د لېبرال ډیموکراسۍ د دفاع لپاره د فرانسې وروستی غشی

خبر:

د فرانسې جمهور رییس مکرون د جمهوري ارزښتونو د پلي کېدو تر چتر لاندې د اسلامي نړۍ مشرانو ته ګواښ کړی.

تبصره:

د اسلام او مسلمانانو پر ضد د فرانسې کرکه ښکاره حقیقت دی او په ډېرو برخو کې ترسترګو کېږي. له مسلمانانو سره د فرانسې د دښمنۍ اور د دویمې نړیوالې جګړې پر مهال د نازي المان له عامه وژنې سره ورته والی لري؛ چې میلیونونه بې ګناه کسان، په ځانګړې توګه یهودان پکې ووژل شول. دوی هر وخت دا ډول فاسد سیاستونه مخ ته وړي او دا سې کړنې هر کال په ډېرو اروپایي هېوادونو کې (دوی اکثریت نه دي) تر سر لیک لاندې لمانځل کېږي چې اساسي مخاطبین یې مسلمانان دي.

د مسلمانانو پر وړاندې د فرانسې فاسد او ظالمانه سیاستونه زموږ له سترګو پټ نه دي او هر وخت یې را سپړو. د دغو ظالمانه سیاستونو له ډلې یو یې د فرانسې د ولسمشر له لوري پر اسلام برید دی چې ویې ویل: «اسلام په بحران کې دی او په دې سره یې په فرانسه کې مېشت مسلمانان او د نورو اسلامي هېوادونو اوسېدونکي خپل دښمنان کړل؛ ځکه مکرون په یادو څرګندونو سره د مسلمانانو پر عقیده برید وکړ. د فرانسې ولسمشر نه یوازې دا چې د رسول الله صلی الله علیه وسلم د سپکاوي کوونکو دفاع یې وکړه، بلکې پر دې یې هم بسنه ونه کړه او په دولتي ودانیو کې یې د محبوب رسول الله صلی الله علیه وسلم د کارتون خپرولو د طرحې جرات وکړ.

په فرانسه کې ډېری اسلامي سازمانونه او جوماتونه تړل شوي دي. مسلمانانو ته "بېلتون غوښتونکي" ویل کېږي. حتی د ښوونځي ماشومان نیول شوي او د مجرمینو غوندې چلند ورسره کېږي؛ ځکه چې دوی د رسول الله صلی الله علیه وسلم له سپکاوي په ډکو کارټونونو ناخوښي څرګنده کړه. اوس دوی غواړي چې دغه فشارونه نور هم وغځوي او ماشومانو ته یې د پېژندنې شمېرې ورکړي. همدارنګه په دې سره دوی تعقیب کړي او د هغوی د "کور زده کړې" محدودې کړي. په دغه هېواد کې د مسجدونو امامان باید راجسټر شي او مسلمانان اجازه نه لري چې سیاسي فعالیتونه وکړي. د فرانسې د کورنیو چارو وزیر دارمانین اعلان وکړ: هغه والدین، چې د کارتونونو په اړه شکایت کوي، د جنایي اعمالو لپاره به محاکمه شي او حتی له دندې او هېواده څخه به وشړل شي. همدارنګه د والدینو له خوا د "تدریسي توکو" په اړه شکایتونه، چې د دوی ماشومانو ته ورکول کېږي، جنایي جرم بلل کېږي.

د اسلامي نړۍ تش په نوم مشرانو ته د فرانسې له خوا ۱۵ ورځې وخت ورکړل شوی چې په دې موده کې باید داسې اعلامیه خپره کړي: «مسلمانان په فرانسه کې هر ډول بهرنۍ لاسوهنه ردوي او له اسلامي امت څخه یې جلا بولي.»

دا د فرانسې او فرانسوي چارواکو له لوري د ظلم څو بېلګې او هلته د تېرېدونکو پېښو لنډيز و چې وړاندې شو، خو که د دوی ظالمانه سیاستونو او دروغجنو ادعاوو ته ژور نظر وکړو، په اسانۍ دې پایلې ته رسېږو چې د دوی کړنې څومره له دښمنۍ ډکې او فاسدې دي.

دا په داسې حال کې ده چې سېکولرېزم له یوې خوا د خپلواکۍ او آزادۍ چغې وهي او له بل پلوه ظلم او جبر ته دوام ورکوي، چې دا د عقل او حکمت نښه نه ده، بلکې د ذهني خرابۍ او د سېکولرېزم تنګ لاسي په ډاګه کوي.

په هر صورت، کوم څه چې په بشپړ ډول حیرانوونکي دي، هغه دا دي چې هېڅ غربي هېواد په لږه توګه هم فرانسوي کړنې ونه غندلې. دلته زما مطلب دا نه دی چې ولې دوی د مظلومانو غږ نه اوري او ولې یې دفاع نه کوي؟ بلکې زما مطلب دا دی چې هېڅ غربي هېواد په رسمي ډول د فرانسې کړنې ونه غندلې او نه یې هم تایید کړې، ځکه چې دوی مشترک قانون، اصول، باورونه او ګټې لري.

د دوی دا ډول ګډ احساس، مسولیت او ژمنې کړنې د ډیموکراسۍ مفسدوالی او کمزوري په ډاګوي. مسلمانانو پر دې باور نه درلود، خو اوس سېکولران هم دا احساسوي چې ډیموکراسي د باور وړ حل لاره نه ده.

د حزب التحریر مرکزي مطبوعاتي دفتر

اوکې پالا

په نیدرلینډ کې د حزب التحریر د رسنیو استازی

د مطلب ادامه...

حزب التحریرـ کینیا په بریالیتوب (زموږ هر یو د شپون غوندې دی) تر سرلیک لاندې خپل کمپاین پایته ورساوه Featured

  • خپور شوی په کینیا

د الله سبحانه و تعالی په فضل حزب التحریرـ کینیا خپل کمپاین پای ته ورساوه، چې د ۲۰۲۰م کال، د اګېست پر ۲۵مه پيل او د ۲۰۲۰م کال د ډيسمبر پر ۳۱مه پای ته ورسېد. په دغه کمپاین کې هغه څه په ډاګه شول چې په کینیا کې د ښوونځیو د ماشومانو تر منځ جنسي کړنې او تېري د کویډ ـ ۱۹ له امله د ښوونځیو تړل وو.

د کمپاین په جریان کې د حزب التحریر ځوانانو وکولای شول چې پر جوماتونو او کوڅو وګرځي او مخامخ بحثونه تنظیم کړي، څو د پانګوال نظام او سېکولریزم ناوړه کړنې افشا کړي؛ چې نه یوازې په ټولنیز کړکېچ ونډه لري، بلکې ژوند یې ټول له ستونزو او کړکېچونو سره مخ کړی دی.

 په ټوله کې اسلامي امت د خپل لومړني مسوولیت  یادونه وکړه چې د غرب له کلتوري ناوړه او تخریبي فعالیتونو او همدا راز د دوی له یرغل څخه ماشومان وساتي او په هغوی کې اسلامي هویت تضمین  کړي.

د کمپاین هشټګونه په لانې ډول وو:

#کووېډـ۱۹ـ د پانګوال  نظام ـ واقعیت ـ ښکاره کړ

#کووېډـ ۱۹ ـ سېکولرېزم ـ دین ـ له ـ ژوند ـ څخه ـ بېلوي

#کووېډـ۱۹ـ ناورین ـ په ـ پانګوال ـ نظام ـ کې ـ دـ پانګوالوـ پانګه ـ ډېره ـ کړه

موږ الله سبحانه و تعالی ته خپل لاسونه لپه کوو چې زموږ عملونه قبول کړي او د نبوت پر منهج مو خلافت په برخه کړي، څو زموږ ځوان نسل او امت له پانګوال فاسد نظام څخه وژغوري.

شباني موالیمو

د حزب التحریرـ کینیا مطبوعاتي استازی

 

 

د مطلب ادامه...
Subscribe to this RSS feed

اسلامي خاورې

اسلامي خاورې

غربي هېوادونه

ټول لینکونه

د پاڼې برخې