پنجشنبه, ۱۰ رمضان ۱۴۴۲هـ| ۲۰۲۱/۰۴/۲۲م
ساعت: مدینه منوره
Menu
القائمة الرئيسية
القائمة الرئيسية

په ډيموکراتيکو ټاکنو کې د ګډون حکم

  • خپور شوی په سیاسي

 (ژباړه)

پوښتنه کوونکی: هېشام بني بکر

پوښتنه:

السلام عليکم ورحمته الله وبرکاته، زه غواړم په پارلماني ټاکنو کې د ګډون په تړاو له نصوصي پلوه په اسلامي حکم پوه شم. الله سبحانه وتعالی دې اجر درکړي.

د پوښتنې په تړاو وضاحت: د رايې شمېرنې يا ټاکنو تنظيمونې او د ټاکنو په تړاو خبرونو يا شمېرو کې ښکلېلتيا د ټاکنو له ماهيت سره تړاو نه لري.

ځواب:

وعليکم السلام ورحمته الله وبرکاته!

د شريعت له پلوه اوسنۍ پارلماني ټاکنې روا نه دي، ځکه شته نظامونه به رياستي يا پارلماني وي او دوی د هېواد د قانون جوړونکې شورا لپاره ټاکنې ترسره کوي، چې ياد کار له شريعت سره ټکر لري ... له همدې امله په هغه کې ګډون، يا د هغه په پلي کولو کې به مرسته يا په هغه کې د ګډون په تړاو تبليغات يا ملاتړ يا دې ته ورته نورې کړنې روا نه دي.

خو که ستا کار له «ګډون، پلي کولو، هڅونه او ملاتړ» له موضوعاتو سره تړاو نه لري، څرنګه چې تاسې په خپله پوښتنه کې (رايه شمېرنه) ‌ذکر کړې ده او زه ياد څلور شيان بيا ځلي تکراروم «ګډون، پلي کول، هڅونه او ملاتړ»، که ستا کار يوازې له شمېر سره تړاو ولري يا نه، د رايو شمېرنه وي، نو په دې صورت کې دغه موضوع تر حرام لاندې نه راځي. خو پوښتنه دا ده چې: ايا ته تضمينولی شې چې ستا شمېرنه له ذکر شويو کړنو سره نغښتې نه ده؟ که ته تضمينولی شې نو کار دي حرام نه دی... خو غوره دا ده چې ياد کار ونه کړې، ترڅو د يادو نظامونو مشران په ټاکنو کې د کار کولو لپاره توجيه پيدا نه کړي. ځکه د رسول الله صلی الله عليه وسلم اصحابو کرامو رضی الله عنهما حرامو ته د نیږدې کېدو له امله له ډېرو روا کړنو څخه ځانونه ساتل. د الله سبحانه وتعالی پيغمبر صلی الله عليه وسلم فرمايلي دي:

«لَا يَبْلُغُ العَبْدُ أَنْ يَكُونَ مِنَ المُتَّقِينَ حَتَّى يَدَعَ مَا لَا بَأْسَ بِهِ حَذَراً لِمَا بِهِ البَأْسُ» [ترمذي وايې دغه حديث حسن دی]

ژباړه: يو بنده تر هغه وخته پورې متقي کېدای نه شي ترڅو هغه حلال کار پرېنږدي چې په حرامو کې د واقع کېدو لامل ګرځي.  

د دې موضوع په تړاو زما همدغه نظر دی او الله سبحانه وتعالی غوره حکيم او غوره عالم دی.

ستاسې ورور عطان بن خليل ابوالرشته

ژباړن: صديق احمدزی

د مطلب ادامه...

کله به چې صحابه ملامت وو؛ رسول الله صلی الله علیه وسلم به څه ويل؟

(ژباړه)

له انس بن مالک رضی الله عنه څخه روایت دي:

«لَمْ يَكُنْ النَّبِيُّ صَلَّى اللَّهُ عَلَيْهِ وَسَلَّمَ سَبَّابًا وَلَا فَحَّاشًا وَلَا لَعَّانًا، كَانَ يَقُولُ لِأَحَدِنَا عِنْدَ الْمَعْتِبَةِ: مَا لَهُ تَرِبَ جَبِينُهُ» (رواه بخاري في الادب)

ژباړه: رسول الله صلی الله علیه وسلم، هېڅکله بد رد نه دي ویلي؛ کله به یې چې کوم یو ملامتاوه، ویل به يې؛ پر هغه څه شوي دي؟ تندی یې دې پر خاوره ولګېږي.

د حدیث توضیح

دا دي ستاسو د مکرم پیغمبر صفات؛ هغه صفات چې الله سبحانه وتعالی يې له تاسو غواړي! کله چې یو مسلمان په دا ډول صفاتو عمل وکړي، د انسانیت مفهوم په کې څرګندېږي او د ښو اخلاقو، افکارو څښتن کېږي.

اې محترمو مسلمانانو!

نن څومره انسانان دغو پاکو اخلاقو ته اړتیا لري؟ چېرته دي غربي علما، مفکرین، سیاسیون او ولې چوپ دي؟ زموږ تاریخ له تربیتي، اخلاقي، فقهي، فکري چارو څخه ډک دی او ساری هم نه لري. مسلمانان  پوره فرهنګ او تمدن لري، چې د قربانیو پایله يې ده.  اې هغو کسانو، چې د پردیو د ابتکاراتو غورې کوئ او په داسې فرهنګ مو ځان تړلی، چې اېډز او داسې ناروغۍ دي پکې، چې په تاریخ کې ساری نه لري. پوه شئ! زموږ فرهنګ له ښو او پاکو کلمو څخه غني دی، لکه: «بارك الله فيك، جزاك الله خيرا، السلام عليكم، و عليكم السلام، بسم الله، على بركة الله، رضي الله عنك، سامحك الله، سلمك الله، عافاك الله، ماشاء الله، رعاك الله، وغيرها الكثير الكثير»

دا زموږ د دین او اسلامي فرهنګ ارزښتونه دي، چې د امت لپاره لوی ویاړ دي. نو اې مسلمانانو! د رسول الله صلی الله علیه وسلم په تګلاره، د راشده خلافت تاسیس ته مټې راونغاړئ، چې زېری يې هم ورکړی دی! یا الله! ځمکه د خلافت له لارې د اسلام په پلي کولو سره منوره کړې.! الهم آمین آمین آمین!

ژباړن: الهام پردېس

د مطلب ادامه...

د ميانمار پوځي کودتاه پايلې

  • خپور شوی په سیاسي

(ژباړه)

پوښتنه:

«د فبروري لومړۍ ورځې پوځي کودتا راهیسې، د ميانمار لپاره د ملګرو ملتونو ځانګړي استازي کريسشن سکرنر برګنر چهارشنبې په يوه ويډيويي کنفرانس کې په يوه ورځ کې د ۳۸ کسانو وژنه د دې هيواد لپاره يوه «خونړۍ ورځ» اعلان کړه. د ميانمار امنيتي ځواکونو لاریونوال، چې د پوځي حکومت پر ضد يې لاریون کاوه، په ډزو ويشتل....» سرچینه: (الجزيره.نيټ، ۳/۳/۲۰۲۱)

 په پام کې وه چې پارلمان په ۱/۲/۲۰۲۱ په ميانمار (برما) کې خپله لومړنۍ ناسته ترسره کړي، چې ناڅاپه پوځ پوځي کودتا وکړه. ولسمشر، لومړی وزير، ګڼ شمېر وزيران او سياستوال ونيول شول. امريکا د کودتا پر وړاندې سخت غبرګون وښود او پر پوځ يې ږغ وکړ، چې په بيړه واک ستون کړي. د دې کودتا تر شا د چا لاس دی؟ امريکا ولي له غوسې ډک غبرګون وښود؟ او په ميانمار کې د دې کودتا اغېز به پر ځورول شويو مسلمانانو څه وي؟

ځواب:

د لاندې موضوعاتو په څېړلو سره به غوڅ ځواب ترلاسه کړو:

  1. تر ټاکنو يوه اوونۍ مخکې، د پوځ او حکومت ترمنځ لفظي ناندرۍ کښته او پورته کېدلې، د ميانمار د پوځ مشر مين انګ حالينګ له يوې شخصي رسنۍ سره په مرکه کې د ټاکنو کميسيون پر صلاحيت او ناپيليتوب باندې شک څرګند کړ، هغه يې تورن کړ چې د رايې ورکولو پروسې مخکې يې په پراخه کچه د قوانينو او طرزالعملونو څخه سرغړونه کړې ده. په غبرګون کې یې د حکومت يوه وياند د پوځ مشر تورونه بې بنسټه وګڼل او خبرداری يې ورکړ چې هغوی له اساسي قانون څخه سرغړونه کوي- اساسي قانون صراحت لري؛ «ملکي حکومت بايد د پوځ او ملکي مامورينو له سياسي تړاو څخه پاک وي» او په ښکاره يې پر پوځ نيوکه وکړه چې اشاره يې کړې وه؛ که چېرې د ډيموکراسۍ لپاره ملي ليګ ګوند په يادو ټاکنو کې بريالی شي، پوځ به بې تفاوته پاتې نشي... سرچینه: (الحدف نيوز پورټل، ۱۱/۱/۲۰۲۱). له دې ښکارېده چې که ملي ليګ ټاکنې ګټي پوځ د کودتا لپاره چمتوالی نيسي...

  1. کله چې ټاکنې ترسره شوې، د انګ سان سوچي د ډيموکراسۍ لپاره ملي ليګ ګوند (NLD) د دویم ځل لپاره د نومبر ۲۰۲۰ م کال ټاکنې په زيات اکثريت ۸۳٪ سره ، ان د ۲۰۱۵م کال څخه په لږ زيات توپير چې ۷۵٪ رايې یې وې، وګټلې. خو د پيوستون او پرمختيا ګوند چې د پوځ له خوا تاسيس شوی دی د پارلمان له ۴۷۶ څوکيو څخه يوازې ۳۳ څوکۍ وګټلې. نو پوځ په ګواښونو پيل وکړ، ترڅو په دې موضوع کې خپل اهميت په ډاګه کړي او د اساسي قانون له مادو څخه یې په ۲۰۰۸ م کال کې زياتی کړی و، چې دوی ګټه ترې پورته کړي او د انګ سان سوچي پخواني حکومت منلې هم  وې، چې له مخې يې په پارلمان کې ۲۵٪ څوکۍ پوځ ته ځانګړې شوې او د دفاع، کورنيو چارو او سرحدونو وزارتونه بايد په مستقيم ډول په پوځ پورې تړاو ولري او په ايالاتونو کې پوځ هر وخت چې لازمه وګڼي لاسوهنه کولی شي. هغه له همدغه امتياز څخه ګټه پورته کړه او ساعتونه مخکې د نوي پارلمان له پرانيستنې څخه چې خپله لومړۍ ناسته ترسره کړي او د تېرو ټاکنو پايلې تصويب کړي، په کودتا لاس پورې کړ. ولسي خلکو اعتراضونو ته مخه کړه او تر ټولو خونړۍ ورځ چهارشنبه ۳/۳/۲۰۲۱ وه. د فبروري لومړۍ د پوځي کودتا له پيل راهيسې، د ميانمار لپاره د ملګرو ملتونو ځانګړي استازي کريسشن سکرنر برګنر د چهارشنبې په ورځ په يوه مجازي مطبوعاتي کنفرانس کې په يوه ورځ د ۳۸ کسانو وژنه، د دې هيواد لپاره يوه «خونړۍ ورځ» اعلان کړه. د ميانمار امنيتي ځواکونو لاریونوال، چې د پوځي حکومت پر ضد يې لاریونونه کول، په ډزو ويشتل....» سرچینه: (الجزيره.نيټ، ۳/۳/۲۰۲۱). که څه هم اعتراضونه کم شول؛ خو زور او ځوږ يې هم هغسې پاتې شو.

  1. د پوځ مشر، مشر کودتاچي، جنرال مين انګ حلينګ او د پوځ درې نور قومندانان په برما کې «د بشري حقونو په سرغړونو کې د ښکېلتيا» له امله  له ډيمسبر راهيسې د امريکا د بنديزونو په نوملړ کې دی. نوموړی د خپل راتلونکي برخليک په تړاو اندېښنه لري که تقاعد شي نو داسې يو ځواک نشته چې د ده ساتنه وکړي. نوموړی د پوځ د مشر په توګه بايد په ۲۰۱۶ م کال کې تقاعد شوی وای، خو دی وتوانېد چې د واک موده تر ۲۰۲۱ اوړي پورې وغځوي. داسې ښکاري چې نوموړی غواړي له تقاعد وروسته د انګليس د مزدور په توګه په سياسي رول کې راڅرګند شي او ځينو د ده نوم د ولسمشر کېدو لپاره ونوماوه او پوځ ۱/۲/۲۰۲۱ م د واکمنۍ پوځي شورا تر ناستې وروسته په غېر مستقيم ډول په خپله رسمي ويبپاڼه کې په ډاګه کړه: «د پوځي ځواکونو لوی درستيز جنرال مين انګ حلينګ ژمن دی، چې ريښتنی ټولشموله ډيموکراتيک سيسټم په ښه ډول وچلوي» د هېواد ولسمشرۍ کېدو لپاره د ده د کمپاين يوه برخه ده...

  1. له همدې امله، پوځ چې د ۱۹۶۲م راهيسې، پر حکومت ژوره اغېز ه لري، د ټاکنو پايلې یې ونه منلې او د ټاکنو کميسيون، چې مشر يې انګ سان سوچې ټاکلی و، تورن کړ چې لس مېليونه باطلي رايې يې شمېرلي دي، خو سوچي ياد تورونه بابيزه وګڼل او د پارلمان لومړنۍ ناستې ته يې چمتوالی نيوه. د پوځ مشر ګواښ وکړ چې نوموړی به د اساسي قانون د مادې له مخې بېړنی حالت اعلان کړي او واک به په خپله ولکه کې واخلي. د نوي پارلمان د لومړنۍ ناستې ساعتونه مخکې د پوځ مشرانو له سوچي وغوښتل چې غونډه وځنډوي، خو نوموړي او د ګوند مشرانو يې چې په تېره نومبر مياشت کې ټاکنې په لوی اکثريت سره ګټلي وې د هغوی وړانديز ونه مانه... نو پوځ واک په خپل لاس کې واخيست او بېړنی حالت يې اعلان کړ، د حکومت سلاکاره انګ سان سوچې او ولسمشر وين مېنټ يې په کور کې نظر بند کړل او د هغوی پر ضد يې جرمي قضيې پرانيستلې.

  2. اصلي موضوع په ټاکنو کې د درغليو نه وه. دواړو غاړو نه غوښتل چې د خپلو ګوندونو د ملاتړ لپاره په ټاکنو کې درغلي وکړي. اصلي موضوع د امريکا او سوچي له يوه لوري او برتانيه او د پوځ مشر د بل لوري ترمنځ سياسي مبارزه ده. امريکا د سوچي ملاتړ کوي او غواړي چې ميانمار د چين پر وړاندې يو خنډ وي... برتانيې د هند ټاپوزمې د نيواک په وخت کې د برما پوځ جوړ کړ، ترڅو میانمار هم د خپل اغېز په ساحه کې راولي او ياد اغېز په مستقيم يا غېر مستقيم ډول دوام درلود، تر هغه چې امريکا د سوچې ګوند ملاتړ پيل او په ۲۰۱۵ م ټاکنو کې ستره بريا ترلاسه کړه او حکومت يې تشکېل کړ، خو پوځ له هره اړخه د  ۲۰۰۸ م اساسي قانون له مخې ياد حکومت څاره. کله چې ياد ګوند په ۲۰۲۰ م ټاکنو کې ۸۳٪ رايې ترلاسه کړې، برېټانیه اندېښمنه شوه، چې ګواکي د امريکا اغېز ثبات مومي، نو پوځ يې کودتا ته وهڅاوه او هم هغسې وشول. اصلي موضوع د امريکا او برېټانیې سياسې ډغرې دي او ټاکنې يوازې د يادې موضوع د پيل ټکي دي. هغه کسان چې سياسي ليدلوری او بصيرت لري په دې موضوع پوهېږي... د ۲۶/۶/۲۰۱۲ م د پوښتنې په ځواب کې موږ داسې يادونه کړې وه: «د برما رژيم په تېر کې په مستقم ډول د هغو جنرالانو له لوري اداره کېده، چې پوځي جامې يې په تن وې او اوس د متقاعدو جنرالانو له لوري چې ملکي جامي يې په تن دي اداره کېږي، چې تراوسه پورې برېټانيې ته وفاداره دي. برېټانيې په پټه او ښکاره، مستقيم او غېر مستقيم ډول د خپلو مزدورانو په مټ له هند څخه د ياد رژيم ملاتړ کاوه. همدارنګه برېټانيې نه يوازې په دې وروستيو کې بلکې له هغه وخت راهيسې، چې اسلامي نظام په دې هېواد کې پای وموند، د بودايانو له لوري د مسلمانانو د وژلو او ځورلو ملاتړ کاوه... امريکا د ملي ډيموکراتيک ګوند چې انګ سان سوچي يې مشري کوي ملاتړ کوي، هغې په ۱۹۹۱ م کې د نوبل د سولې جايزه وګټله. د هغې پلار انګ سان له برتانيې سره مخالف و او په ۱۹۴۷ م کې ووژل شو... امريکا په ميانمار کې له اوسني وضعيت څخه راضي نه ده...)

  1. له همدې امله، د امريکا غبرګون سخت و، د سپينې ماڼۍ وياندې جن ساکي وويل: (امريکا له هرې هغې هڅې سره مخالفه ده، چې د ټاکنو پايلو ته بدلون ورکړي يا د ميانمار د ډيموکراتيک لېږد خنډ شي او د هغوی پر ضد به اقدام وکړي، چې د يادو اقداماتو د شاتګ لامل شي... سرچینه: (بي بي سي، فرانس پريس ۱/۱/۲۰۲۱). د امريکا د بهرنيو چارو وزير انتوني بلينکين په ميانمار کې «د ټولو حکومتي چارواکو او مدني فعالانو د خوشي کولو غوښتنه وکړه او زياته يې کړه: «پوځ بايد په بيړه له يادو اقداماتو څخه پرشا شي...» سرچینه: (بي بي سي، ۱/۱/۲۰۲۱). د ختیځې اسيا لپاره د اوباما پخوانی ستر سلاکار ډانېل روسيل چې د انګ سان سوچي سره يې اړيکې جوړي کړي وې، د واک په زوره نيول يې په سيمه کې د ډيموکراسۍ لپاره يو ستر پر شاتګ وباله... سرچینه: (ای ايف پي، ۱/۱/۲۰۲۱). رويټر خبري اژانس د ۲/۲۰/۲۰۲۱ د يوه امريکايي چارواکي په حواله خبر ورکړ، چې د امريکا د لويو درستيزانو د کميټې مشر جنرال مارک ميلي هڅه وکړه چې د سپينې ماڼې په غوښتنه د ميانمار له پوځ سره اړيکې ټينګي کړي؛ خو ونه توانېد او ياده اداره وايې «چې د ميانمار پوځ له چين سره نیږدې اړيکې لري او له امريکايي پوځ سره يې اړيکې محدودي دي». له دې ښکاري چې د سوچي تر شا امريکا ده او په حقيقت کې په ميانمار کې د امريکا ګټې له چين سره د ميانمار په تړاو دي. ځکه امريکا غواړي چې چين په هر اړخيز ډول مهار کړي او د ځمکني پراختيا مخه يې ونيسي، نو امريکا غواړي چې د برېټانيې نفوذ په ياد هېواد کې په ځانګړي ډول د هند په نيمه وچه کې ختم کړي، لکه څرنګه چې په ټولو سيمو کې همدغه کار کوي.

  2. سربېره پردې، د ۱۹۶۲ م د لومړۍ پوځي کودتا راهيسې، برېټانیې د خپلې سياسي ځيرکتيا له مخې په برمايي پوځ کې خپل مزدوران چين ته نیږدې ښيي او هڅه کوي چې د کمونيستانو څخه ياد حقيقت پټ کړي. د برېټانيې مزدوران خپل ځان روسيې ته هم نیږدې ښيي او له همدې امله هڅه کوي چې د امريکا پر وړاندې روسيه او چين هم د برمايي رژيم ملاتړ وکړي. له همدې امله کله چې د سوچي حکومت نسکورولو په موخه کودتا ترسره شوه، په دې تړاو د برېټانيې غبرګون پڅ و او د ملګرو ملتونو امنيت شورا ته يې د يوې مسودې په سپارلو سره کودتا غندلې او د واک ستنول يې غوښتي و، ځکه هغه پوهېده چې چين د پوځي حکومت ملاتړ کوي او ياده مسوده به د چين له لوري رد شي. په ملګرو ملتونو کې د برېټانيې سفيرې بربارا وډوارډ په نرمه ډيپلوماتيکه لهجه د مسودې پرېکړه ليک د معرفي کولو په وخت کې وويل: (موږ به حالت څارلو ته دوام ورکړو او هغه وخت به اقدام وکړو چې شورا يوې هوکړې ته ورسېږي... موږ غواړو چې د خلکو د ډيموکراتيکي ارادې درناوی وشي...) سرچینه: (عربي ۲۱ چينل، ۲/۲/۲۰۲۱). کله چې پر ۲/۲/۲۰۲۱ برېټانيې امنيت شورا ته مسوده وړاندې کړه، چين يې مخالفت وکړ او له پيل څخه یې د کودتا په ملاتړ څرګند دريځ اعلان کړی و. د چين د بهرنيو چارو وزارت وياند وانګ وينبين وويل: [«موږ پرې خبر يو څه چې په ميانمار کې پېښ شول او د حالت د لا ښه پوهېدو په درشل کې يو. چين د ميانمار صميمي ګاونډی دی. موږ هيله لرو چې ټولې غاړې به په ميانمار کې د اساسي قانون او نورو قوانينو په چوکاټ کې خپلو اندونو ته بدلون ورکړي او سياسي او ټولنيز ثبات به وساتي» سرچینه: (شينهوا، ۱/۲/۲۰۲۱).

همدا رنګه روسيې هم کودتا ونه غندله، د روسيې د بهرنيو چارو وزارت وويل: «موږ هيله لرو چې د هيواد دوامداره اجتماعي-اقتصادي پرمختيا ته په کتو او د اوسني قانون سره سم د سياسي خبرو اترو له لارې وضعيت په سوله ييز ډول حل شي...» سرچینه:  (روسي نووستي، ۱/۲/۲۰۲۱). نو چين او روسيه دواړه له پوځ سره ودرېدل او د برېټانيې چل او فريب کامياب شو!

  1. په ميانمار کې د مسلمانانو په تړاو، په ۲۰۱۷ م کې مشر کودتاچي د مسلمانانو د ځورولو او بېځايه کولو مسوول دی. د ۲۰۲۱ فبروي په لومړۍ د ملګرو ملتونو وياند سټيفان ډوجاريک وويل: په راخين ايالت کې ۶سوه زره روهينګيايان شته، چې له ډلې ۱۲۰زره په پنډغالو کې بند پاتې دي، په ازاد ډول ګرځيدلی راګرځيدلی نشي او لومړنيو روغتيايي او ښوونيزو خدمتونو ته ډېر محدود لاسرسی لري... موږ اندېښمن يو، چې په ميانمار کې وروستۍ پېښې به د هغوی لپاره نور هم حالت خراب کړي» سرچینه:(رويټر، ۱/۲/۲۰۲۱). د يادونې وړ ده، چې د مسلمانانو په ځورولو کې دواړو غاړو لاس لاره، که څه هم طريقو يې توپير درلود. موږ د ۲۶/۶/۲۰۱۲ پوښتنې ته په ځواب کې ويلي وو: «له دې سره سره چې برما د امريکا او برتانيې د سيالۍ سياسي ډګر دی، غرب پرته له دې چې بشري حقونو ته پام وکړي، هغوی د بودايانو له لوري د مسلمانانو ځورولو ملاتړ کاوه، يوازې کله ناکله به يې تشې ويناپاڼې صادرولې» دا هغه څه وو چې پېښ شول. کله چې پوځ د متعصبو بودايانو په ملتيا چې مشري يې متعصبو راهبانو کوله په ۲۰۱۷ م کې مسلمانان وځورول، امريکا هېڅ ونکړل او د هغې مزدورې د سولې نوبل جايزه ګټوونکې سوچي د پوځ له لوري د سل ګونو زرو مسلمانانو د ځورونې او جبري ايستنې عملياتو دفاع وکړه. د يادو بې ځايه شويو روهينګيايي مسلمانانو شمېر ۷سوه زرو ته رسېد، چې له خپلې سيمې اراکان څخه بې ځايه شول او هغوی د دوی شتمني او ځمکې غصب کړې. په ۱۶/۹/۲۰۱۷ د برمايي پوځ مشر جنرال مين انګ حلينګ پر خپله فېسبوک پاڼه د مسلمانانو پر ضد د برېټانيې او اروپا ملاتړ ته په پام سره، کرکجن الفاظ وکارول، د نړيوالو غبرګونونو په پام کې نيولو پرته،  د دوی له ژوند، شتون او حق څخه انکار وکړ، هغه وليکل: «هغوی غوښتل چې د روهينګيايانو په توګه په رسميت وپېژندل شي، هغه ډله چې هېڅکله په ميانمار پورې تړاو نلري». نوموړي دوی بنګاليان وګڼل او زياته يې کړه، «د بنګاليانو موضوع يوه ملي موضوع ده او موږ د دې موضوع حقيقت معلومولو په موخه د نظرونو يووالي ته اړتيا لرو.»

پوځ وويل: «د راخين ايالت شمال کې د پيل شويو عملياتو موخه د روهينګيايي بلواګرو شړل دي، چې د اګیسټ ۲۵ مه يې د پوليسو پر پوستو بريدونه وکړل...» سرچینه: (بي بي سي، ۱۷/۹/۲۰۱۷) او بي بي سي زياته کړه:  «د پوځ مشر حلينګ په ۲۰۱۶ م  په نومبر کې له اروپا څخه د پوځي قومندانانو کنفرانس کې د ګډون په موخه ليدنه وکړه او په اروپا کې ورته هرکلی وويل شو. دغه راز نوموړی ان په اېټاليا او بلژيک  کې له هيڅ ډول نیوکې سره مخ نشو.) غرب په برما کې د مخالفو غاړو په ملاتړ سره هلته د مسلمانانو د وژلو هېڅ پروا نه کوي او په بوسنيا او نورو سيمو کې د مسلمانانو پر ټولوژنې سترګې پټوي، دوی د استعمار په دور کې هم مسلمانان قتل عام کړل او اوس د يهودي ادارې، چې د فلسطين خاوره يې اشغال کړې ده، ملاتړ کوي. يهودي ادارې ګڼ فلسطينيان ووژل او له خاورو سره يې خاورې کړل او د دوی تر څار لاندې ياد کار ته دوام ورکوي. هره غاړه د مسلمانانو له بدې ورځې څخه د خپلو سياسي اهدافو په موخه ګټه پوره کوي، کله چې لازمه وګڼي. امريکا د مشر کودتاچي په ګډون د ميانمار پر ځينو پوځي مشرانو بنديزونه په دې موخه ولګول چې هغوی د انګليس مزدوران دي او د امريکايي نفوذ مخالف دی، نه په دې موخه چې دوی مسلمانان ووژل او له خاورو سره يې خاورې کړه. که نه، امريکا بايد په لومړۍ وزيرې سوچي بنديزونه  لګولی وای چې د مسلمانانو ټولوژنه يې توجيه کوله او د پوځ او بودايانو کړنو له غندلو يې ډډه کوله، خو هغې هېڅ سزا ونه ليده... 

  1. پر اسلامي نړۍ حاکم واکمانان د مسلمانانو هېڅ پروا نلري. دوی په تېر کې پر ياد رژيم باندې له فشار څخه کار اخيسته او اوسمهال له دوی څخه د مسلمانانو د ملاتړ هيله نه کېږي. هغوی د امريکا او غرب په تقليد کولو سره د ډيموکراسۍ پر ضد کودتا غندنه کوي او د مسلمانانو د ساتنې موضوع د دوی له مغزو څخه وتلې ده، ځکه د مسلمانانو سپر (خليفه) نشته.

«الْإِمَامُ جُنَّةٌ يُقَاتَلُ مِنْ وَرَائِهِ وَيُتَّقَى بِهِ» [امام مسلم] په حقيقت کې امام سپر دی چې تر شا يې خلک جګړه کوي او په هغه سره ساتنه پکې کېږي. او که هغه آه د يوې روهينګيايي ښځې چې د «وا معتصما» ږغ يې کړی وای، پر وړاندې چوپ نه پاتې کېدای. هغه خو پرېږده چې په زرګونو له خپلو هېوادونو بې ځايه کېږي او وژل کېږي. له همدې امله تر ټولو مهمه وجيبه د داسې سيسټم د تاسيس لپاره جدي او په اخلاص کار کول پکار دي، چې د مسلمانانو ملاتړ به کوي، د الله سبحانه وتعالی په اراده، د نړۍ په هر ګوټ کې به د محمد صلی الله عليه وسلم امت ياد سيسټم غځوي. دغه سيسټم د رسول الله صلی الله عليه وسلم په طريقه راشده خلافت دی چې رسول الله صلی الله عليه وسلم په زيري ورکولو سره فرمايي:

«ثُمَّ تَكُونُ خِلَافَةٌ عَلَى مِنْهَاجِ النُّبُوَّةِ» «وروسته د نبوت پر طريقه خلافت وي...» [امام احمد].

همدارنګه الله سبحانه وتعالی فرمايي:

(وَيَقُولُونَ مَتَى هُوَ قُلْ عَسَى أَن يَكُونَ قَرِيباً) [الاسرا: ۵۱]

ژباړه:..دوی وايې، هغه به کله وي؟ ووايه، ښايي ژر به وي.

ژباړن:صديق احمدزی

د مطلب ادامه...

په ګناه لړلي ژوند کې د واک لاسته راوړل استدراج دی!

د عقبه بن عامر رضی الله عنه  څخه روایت دی، چې رسول الله صلی الله علیه وسلم وفرمایل:

«إِذَا رَأَيْتَ اللَّهَ يُعْطِي الْعَبْدَ مِنْ الدُّنْيَا عَلَى مَعَاصِيهِ مَا يُحِبُّ فَإِنَّمَا هُوَ اسْتِدْرَاجٌ» ثُمَّ تَلَا رَسُولُ اللَّهِ صَلَّى اللَّهُ عَلَيْهِ وَسَلَّمَ (فَلَمَّا نَسُوا مَا ذُكِّرُوا بِهِ فَتَحْنَا عَلَيْهِمْ أَبْوَابَ كُلِّ شَيْءٍ حَتَّى إِذَا فَرِحُوا بِمَا أُوتُوا أَخَذْنَاهُمْ بَغْتَةً فَإِذَا هُمْ مُبْلِسُونَ» (رواه احمد)

ژباړه: کله مو چې ولیدل الله سبحانه وتعالی خپل ظالم او نافرمانه بنده ته مال، شتمني او د دنیا قدرت، چې بنده مینه ورسره لري ورکړي، پوه شئ چې دا د هغه په حق کې استدراج (یو ډول د مهلت ورکول) دي.

وروسته رسول الله صلی الله علیه وسلم د شاهدۍ په ډول دا ایت تلاوت کړ:

﴿فَلَمَّا نَسُوا مَا ذُكِّرُوا بِهِ فَتَحْنَا عَلَيْهِمْ أَبْوَابَ كُلِّ شَيْءٍ حَتَّى إِذَا فَرِحُوا بِمَا أُوتُوا أَخَذْنَاهُمْ بَغْتَةً فَإِذَا هُمْ مُبْلِسُونَ﴾[الأنعام: 44]

ژباړه:  کله چې هغوی هغه نصیحت هېر کړ چې ورته شوی و، نو موږ د هر ډول سوکالۍ دروازې د هغوی لپاره پرانیستې. تر دې چې کله هغوی په هغو نعمتونو کي چې وربښل شوي وو، ښه ډوب شول. نو موږ په ناڅاپي ډول هغوی ونیول او په دې وخت کي د هغوی دا حالت و چې له هرې ښېګڼي څخه ناهیلي وو.

د حدیث شرحه

د الله سبحانه وتعالی له قوانینو څخه چې د افرادو یا قومونو او ملتونو سره برخورد کوي، یوه قاعده د «استدراج» ده؛ یعنې څه وخت چې خلک یا ډله په معصیت او ګناه اخته شي، اخرت او الهی قوانین هېر کړي، الله سبحانه وتعالی له دوی څخه ناراضه کېږي او ځیني وخت هغوی ته وخت ورکوي او د لږ وخت لپاره نعمتونه، هوساینې، او د دنیا قدرت ورکوي تر هغو چې په همدې هوساینې او قدرت کې مست، بې هوښه او مغرور شي او نور هم نافرماني وکړي. په نهایت کې د الله سبحانه وتعالی د ډیر سخت عذاب او مواخذې سبب کېږي، چې دې چارې ته په شریعت کې خاصه اصطلاح (استدراج) کارېږي؛ نو زموږ د رهبرانو او حاکمانو به څه حال وي چې شپه او ورځ د لیوانو غوندې د قدرت په لاسته راوړلو پسې دي، ترڅو د خپل قدرت په واسطه کفري پلانونه او قوانین په اسلامي خاورو کې تطبیق کړي.

د حدیث لنډيز

کله چې مو خلک یا ډله ولیده، چې د الله سبحانه وتعالی قوانین یې هېر کړي، د کفارو پیروي کوي او ژوند یې له ګناه څخه ډک وي. سربېره پر دې نعمتونه، هوساینې او دنیوي قدرت ورکول شوی وي او ورڅخه د ګناه او ناروا په لار کې استفاده کوي، پوه شئ چې الله سبحانه وتعالی ورته موقع او مهلت ورکړی، ترڅو چاغ او تیار شي او بالاخره د دوزخ خوراک شي.

د مطلب ادامه...

د مسلمانانو حکامو ته د رسول الله صلی الله علیه وسلم دعا

(ژباړه)

له عایشې صدیقې رضی الله عنه څخه روایت دی، چې رسول الله صلی الله علیه وسلم وفرمایل:

«اللهُمَّ، مَنْ وَلِيَ مِنْ أَمْرِ أُمَّتِي شَيْئًا فَشَقَّ عَلَيْهِمْ، فَاشْقُقْ عَلَيْهِ، وَمَنْ وَلِيَ مِنْ أَمْرِ أُمَّتِي شَيْئًا فَرَفَقَ بِهِمْ، فَارْفُقْ بِهِ» (رواه مسلم)

ژباړه: یا الله! کله چې څوک زما د امت د کوم کار سرپرستي پر غاړه واخلي او له هغوی سره سخت چلند وکړي، له هغوی سره سخت چلند وکړه او کله چې څوک زما د امت د کوم کار سرپرستي پر غاړه واخلي او له هغوی سره له نرمۍ کار واخلي، نرم چلند ورسره وکړه.

د حدیث مانا:

رسول الله صلی الله علیه وسلم د هغو واکمنانو او اولیاوو په حق کې د خیر دعا کړې چې له مسلمانانو سره نرم او پرې مهربانه دي. همدارنګه هغوی ته یې ښیرا کړې، چې له مسلمانانو سره نرم چلند نه کوي. نو د حدیث الفاظ عام ذکر شوي، چې د یوې کورنۍ سرپرستي سړي ته، ښځې ته د کور او بچیانو په چارو، مدیر ته په مکتب یا مدرسه، معلم ته پر شاګردانو او حاکم ته د رعیت سرپرستي ورتر غاړې ده. نو د دغه حدیث پر اساس پر هر مسلمان لازمه ده، چې د سرپرستۍ په امر کې دغه حدیث خپله هینداره وګرځوي، څو د هغو کسانو په حق کې ظلم ونه کړي، چې تر لاس یې لاندې دي.

نو اې مسلمانانو!

تاسو اوسمهال د هغو طاغوتي حکامو پر وړاندې ابتلا کېږئ، چې درباندې مسلط دي؛ هغه حکام چې د امت له خوښې او واک پرته پر هغوی واکمن شوي او په غوسه او جبر پر هغوی حکمراني کوي. همدارنګه ډول ډول شکنجې ورکوي او د امت تر منځ د نفاق په خاطر له بېلا بېلو وسایلو ګټه اخلي، د هغوی شتمنۍ او کړنې څاري ان د کورونو په له منځه وړلو یې هم سرپه نه کوي. نو دا ټول د اسلامي خلافت له سکوت وروسته د ښکېلاکګرو کفارو په وسیله د دا ډول حکامو د واک ته رسیدو له امله دي. د هر مسلمان مسوولیت دی، چې یوبل ته لاسونه ورکړي او د دغو مزدورو طاغوتي حکامو د له مخې لرې کولو لپاره هڅه وکړي او په مقابل کې یې د اسلامي شریعت د معیارونو پر بنسټ واقعي حاکم وټاکي، څو د الله تعالی احکام پر ټولو انسانانو پلي او عدالت او انصاف رامنځته کړي.

د حدیث لنډيز:

په دغه حدیث کې رسول الله صلی الله علیه وسلم د نیک حاکم په حق کې د خیر او بد حاکم په حق کې د شر دعا کړې ده. نو د چارو حاکمان باید له الله سبحانه وتعالی وېره او حیا ولري او د اسلامي امت په حق کې دومره ظلم او زیاتی ونه کړي، چې د قیامت په ورځ د الله سبحانه وتعالي پر وړاندې شرمېدلي وي.

 

د مطلب ادامه...

په اردن کې د رژیم امنیتي خدمتونو د حزب التحریر له شبابو څخه یو بل غړی هم ونیوه Featured

  • خپور شوی په اردن

په اردن کې د رژيم امنیتي خدمتونو د ۲۰۲۱م، د مارچ په ۲۱مه، د یکشنبه په ماښام استاد عادل سرسور له خپل کور څخه ونیوه او بیا یې امنیتي مرکز  ولېږداوه او وروسته یې د استخباراتو مرکز ته وسپاره. دوی څو ځلې هڅه وکړه چې په دوکې سره هغه ونیسي، خو بریالي نه شول بالاخره هغه یې له خپل کور څخه ونیوه.  

دا د حیرانتیا خبره نه ده چې په اردن کې رژیم دعوتګر نیسي، ځکه چې دا هغه رژیم دی چې د اسلام د حاکمیت په ویجاړولو کې رامنځ ته شوی دی، د الله سبحانه وتعالی قانون یې ګډوډ کړی، ځان یې د کافر غرب تابع کړی دی او له ذلت ډک تړونونه یې لاسلیک کړي دي، چې وروستی تړون یې له امریکا سره د دفاعي همکاریو تړون و.

پرېږدئ رژیم پوه شي، چې دا نیول به هېڅکله د دعوتګرو د دعوت مخنیوی ونه کړي، ځکه دوی چمتو دي خپل ټول ژوند په همدې لاره کې تېر کړي او دوی له خپل کار څخه هېڅکله نه ستړي کېږي او له هغه چا څخه نه مایوسه کېږي، چې له دوی سره د دښمنۍ په لټه کې دي، تر څو د الله سبحانه و تعالی ژمنه او د رسول الله صلی الله علیه وسلم زیری ټینګ شي او الله سبحانه وتعالی خپله ژمنه پوره کوي، چې د مسلمانانو واکمني یعنې د رسول الله صلی الله علیه وسلم پر منهج راشده خلافت به بیا تاسیس شي.

﴿وَسَيَعْلَمُ الَّذِينَ ظَلَمُوا أَيَّ مُنْقَلَبٍ يَنْقَلِبُونَ [شعرا: ۲۲۷]

ژباړه: ... او ظالمانو ته به ډېر ژر معلومه شي چې هغوی له څه ‌ډول برخلیک سره مخامخ کېږي.

د حزب التحریرـ ولایه اردن مطبوعاتي دفتر

 

د مطلب ادامه...

یوازې د استانبول له تړون څخه وتل کافي نه دي، باید له ټولو هغو قوانینو لاس واخیستل شي، چې له غرب څخه سرچینه اخلي! Featured

  • خپور شوی په ترکیه

حکومت د استانبول کنوانسیون څخه د وتلو اعلان وکړ، چې د اروپا شورا له لوري د ښځو پر وړاندې د تاوتریخوالي د مخنیوي لپاره جوړ شوی و. ۴۶ هېوادونو دا ناسم تړون لاسلیک کړی وو، چې یوازې په ۳۲ هېوادونو کې نافذ شوی دی. که څه هم دوی تړون لاسلیک کړی و، خو د انګلستان، بلغاریا او هنګري په ګډون ۱۱ نور هېوادونه یې په پلي کولو کې پاتې راغلل. موږ باید دلته یادونه وکړو چې دغه تړون په پارلمان کې د ټولو اړخونو تر منځ د توافق له مخې د ترکیې د خلکو په مجلس کې ومنل شو او دغه تړون له اروپا څخه د نورو ټولو قوانینو په څېر مسلمانانو ته د تباهۍ، ګډوډۍ او ناورینونو پرته بل څه نه دي راوړي. په میلیونونو سړي یې له خپلو کورونو وایستل او په سلګونو نور یې د ښځو په اړه د بیاناتو پر اساس د بد نامۍ په تور زندانونو ته ولېږل. د ښځو پر وړاندې تاوتریخوالی او وژنه ډېره شوې ده، د واده کولو کچه کمه شوې او د طلاق پېښې ډېرې شوې دي، د جنسي انحرافاتو ملاتړ کېږي او د ښځې او مېړه تر منځ منځګړیتوب جرم بلل کېږي، د ټولنې او کورنۍ نظم د جنډر مساواتو د پروژو له امله ګډوډ شوی دی.

موږ د حزب التحریرـ ولایه ترکیه تېر کال یو اوږد کمپاین پيل کړی و، چې سرلیک یې و: اسلام د کورنۍ، نسلونو او ټولنې ساتنه کوي. د کمپاین د یوې برخې په توګه، موږ په ټوله ترکیه کې کنفرانسونه، بحثونه او سمینارونه تنظیم کړل، د ښارونو په مرکزونو کې مو غونډې جوړې کړې او په لسګونو زره کتابونه او بروشرونه مو چاپ او ووېشل. موږ د ټولنې ټولو برخو په ځانګړې توګه د غیر دولتي سازمانونو استازو، رسنیو، سیاسي ګوندونو، اکاډمیکو غړو او د نظر له څښتنانو سره خبرې وکړې او د استانبول تړون پر زیانونو او ورسره تړلو قوانینو په شرحه وغږېدو، دوی ته مو بیان کړه چې اساسي حلاره، پر اسلام تکیه کول او د اسلامي نظام پلي کول دي.

موږ دلته هغو خلکو ته اشاره کوو، چې د استانبول له تړون څخه د حکومت وتلو ته د بریا په سترګه ګوري او موږ هغوی ته په خطاب کې وایو، چې له تړون څخه د حکومت وتل په دې مانا نه دي چې خپل ټول رازونه لغوه کړي. برعکس په همدې ورځ اعلان وشو چې د انقرې تړون په نوم به یوه نوې څېړنه پیل شي او د استانبول له تړون څخه وتل د شته قوانینو د لغوه کېدو مانا نه لري. د کورنۍ او په ځانګړې توګه د ښځو پر وړاندې د تاوتریخوالي د ۶۲۸۴ شمېرې اړوند قانون. د ښځو پر وړاندې د تبعیض د ټولو ډولونو د له منځه وړلو کنوانسیون (CEDAW) تر اوسه پورې همدا قانون پلی کوي. په دې توګه د استانبول له تړون څخه وتل د خلکو په سترګو کې خاورې شیندل دي. لکه څرنګه چې د هغو کسانو لپاره چې له تړون څخه د وتلو مخالفت کوي او دا شاتګ بولي موږ هغوی ته وایو، چې د غربي هېوادونو هغه ناوړه حالت چې تاسو یې په اړه غږېږئ او کوم قانون چې پلی کېږي، ښکاره دی. په دې ټولنو کې، کورنۍ ويجاړې شوې، خلک خپل انفرادیت ته پرېښودل شوي، فحاشي ډېره شوې، د ښځو او ماشومانو پر وړاندې تاوتریخوالی او جنسي تېري ډېر شوي دي، باور له منځه تللی او سکون کم شوی دی.

موږ د حزب التحریر ـ ولایه ترکیه یو ځل بیا یادونه کوو، چې فرد، کورنۍ، ټولنه او نسلونه یوازې له اسلام سره ساتل کېږي. د استانبول تړون بدیل په توګه د انقرې تړون چمتو کول به د فرد، کورنۍ، او ټولنې له لوري تجربه شوو ستونزو ته د پای ټکی نه شي اېښودلی! د ولسمشر مرستیال فواد اخطي وویل: «موږ باید خپل اصل ته راستانه شو» یوازې هغه وخت کولای شو چې د اسلامي عقیدې ژمنې او هغه پرېکړې تر لاسه کړو چې موږ پرې باور لرو. نو دا نوښت وکړئ چې د ټولو بشري مفکورو او احکامو څخه ځان لیرې کړئ او بېرته اسلام او نظام ته یې راوګرځئ، ځکه چې زموږ د ژوند جوهر اسلام دی! د اسلام له قانون څخه ليرې کېدل لویه ګناه او بد بختي ده.

د حزب التحریرـ ولایه ترکیه مطبوعاتي دفتر

 

د مطلب ادامه...

په ډيموکراسۍ کې بې کچې ناامنۍ او د دولتونو غمجنول

  • خپور شوی په سیاسي

 (ژباړه)

د رسنیو څښتنان، سیاستوال او خلک په رسینو، د لېږد رالېږد وسایلواو نورو ځایونو کې د یوه زده کړیال د وژل کېدو او په پوهنتونونو کې د اسلامي حلارې په اړه خبرې کوي. په داسې حال کې چې دا لومړۍ پېښه نه ده، د ډيموکراتیکو نظامونو تر چتر لاندې د خلکو پر ژوند، امنیت، د ستونزو پر حل او ژوند کولو لوبې کېږي، چې دا به وروستی ځل هم نه وي. د تلیفونونو غلا کول، له موټر سایکلونو او نورو وسایلو په ګټه اخیستنې غلاوې، په کورونو کې خلکو ته ګواښ کول، د زده کړیالانو او ځوانانو له لوري د چاقو ګرځول او دې ورته نور د وېرې او وحشت خبرونه هغه څه دي، چې د خلکو ژوند یې له خطر سره مخ کړی دی. دغه راز پولیس یې اړ کړي، څو موټرسایکلونه راټول کړي ان ځينې کسان اړ شول خپل موټرسایکلونه په عام محضر کې وسوځوي. اوس پوښتنه دا ده، چې ایا د پلازمېنې په زړه کې د دولت د له منځه وړلو لپاره طرحه جوړه شوې، که د یوه کس د کړنو عادي واقعیت دی؟  

څو کاله مخکې د ستراتیژیکو پروګرامونو په پار، ځینې مرکزونه جوړ شول، چې له عربي پسرلي وروسته قضیو او د هغو غبرګونونو په اړه یې بحث کاوه، په ځانګړي ډول مصر، یمن، سوریه، لیبیا او هغه ستونزې چې تونس ورسره مخ و. د KGB پخواني مامور یوري بیز مینوف په یوه لکینه کې د یوه دولت د له منځه وړلو، بې ځایه کولو او پر ملتونو حاکمیت کولو په اړه بحث کړی دی. خو هغه څه چې اوس زموږ پام وراړوي، د ۲۰۱۹م، د اپرېل ۱۱مه، د سوډان پېښې دي، چې د دولت د له منځه تلو سره نیږدې ورته والی لري. د له منځ وړلو لپاره یې چې ستراتیژیک کار پوهان، متفکران او سیاستوال کوم پړاوونه وړاندې کوي، له دې پړاوونو سره ورته والی لري. دغه راز د یوه دولت او د هغه د نظم له منځه وړلو څلور پړاوه تیوري د پلي کېدو په حال کې ده. درېیم پړاو یې چې یو لنډمهاله پړاو دی او د (بحران) پړاو په نامه یادیږي، له دوو میاشتو، تر دریو میاشتو یا هم ممکن تر دې زیات وخت ونیسي. په دغه پړاو کې: لانجې، د ناامنۍ له امله جنجالونه، د داخلي جګړو پراخېدل، دولتي بنسټونه او سازمانونه، لکه پولیس، اردو او محکمې کمزورې او قانون تر پښو لاندې کېږي. د بیو د لوړوالي تر څنګ، د اړینو خدمتونو او لومړنیو اړتیاوو نشت، په ټولنه کې په چټکۍ د فقر زیاتوالی، ویجاړ اداري سیسټمونه او بالاخره دولت له منځه تلو ته تیاریږي. که موږ دغه پروسه د سوډان په روان حالت کې، په خپل حال پرېږدو، نو هغه وخت به پوه شو، چې دغه طرحه او سناریو په وروسته پړاو کې ده او خبرداری ورکوي، چې سوډان د یوه دولت په توګه د له منځه تلو په حال کې دی او دا د لمر په شان ښکاره ده، چې هېڅ ډول څېړنې او بحث ته اړتیا نه لري.

 امنیت د ټولنې اړتیا او له لومړیتوبونو ګڼل کېږي، چې خلک اړتیا ورته لري او دولت یې باید تامین کړي. رسول الله صلی الله علیه وسلم لکه څنګه چې په الادب المفرد، صحیح بخاري او د ترمیذي په سنن کې راغلي، داسې فرمایي:

«مَنْ أَصْبَحَ مِنْكُمْ آمِناً فِي سِرْبِهِ مُعَافاً فِي جِسْمِهِ عِنْدَهُ طَعَامُ يَوْمِهِ فَكَأَنَّمَا حِيزَتْ لَهُ الدُّنْيَا» (رواه ترمیزی و ابن ماجه)

ژباړه: هغه څوک چې خپله ورځ په داسې حال کې پیل کړي، چې تګ راتګ یې په امنیت کې وي، مریض نه وي او ورځني خواړه ولري، داسې دی لکه ټوله دنیا چې د ده وي.

همدارنګه له انس بن مالک څخه د بخاري په الادب المفرد کې روایت شوي، هغه وفرمایل: رسول الله صلی الله علیه وسلم له غوره، ځوانمردو او مېړانو خلکو څخه و؛ د مدینې خلک یوه شپه له یوې پېښې سره مخ شول، خلک په لاره روان وو او چیغې یې وهلې، رسول الله صلی الله علیه وسلم د هغوی پر لور ور روان و او فرمایل یې: «لَنْ تُرَاعُوا لَنْ تُرَاعُوا» هېڅکله مه وېرېږئ، هېڅکله مه وېرېږئ. په داسې حال کې چې له هغه صلی الله علیه وسلم سره توره هم وه، د ابي طلحه پر آس سپور و، چې کته یې هم نه درلوده او فرمایل به یې: «لَقَدْ وَجَدْتُهُ بَحْراً. أَوْ: إِنَّهُ لَبَحْرٌ» زه فکر کوم هغه سیند او د هغه ځوږ دی.

اسلام همېشه د شرعي احکامو له لارې د امنیت، ارامۍ او ثبات په لټه کې دی. اسلام د هغو کسانو په مخ کې خنډ دی، چې د خلکو امنیت او ثبات له منځه وړي. ځکه خو؛ د غله لاس قطع کوي، الله سبحانه وتعالی فرمایلي دي:

﴿وَالسَّارِقُ وَالسَّارِقَةُ فَاقْطَعُوا أَيْدِيَهُمَا جَزَاءً بِمَا كَسَبَا نَكَالاً مِنَ اللَّهِ وَاللَّهُ عَزِيزٌ حَكِيمٌ﴾ (سوره مائده: آیه 38)

ژباړه: د غله؛ هغه که ښځه وي، که سړی، د الهي جزا په توګه د خپل عمل جزا ورکړئ او لاس یې قطع کړئ او پوه شئ، چې الله سبحانه وتعالی توانا او حکیم دی.

اسلام د امنیت رامنځته کولو او خلکو د امنیت په پار، دولت په مبارزه او جګړې مکلف ګرځولی دی، لکه څنګه چې الله سبحانه وتعالی فرمایي:

﴿إِنَّمَا جَزَاءُ الَّذِينَ يُحَارِبُونَ اللَّهَ وَرَسُولَهُ وَيَسْعَوْنَ فِي الْأَرْضِ فَسَاداً أَنْ يُقَتَّلُوا أَوْ يُصَلَّبُوا أَوْ تُقَطَّعَ أَيْدِيهِمْ وَأَرْجُلُهُمْ مِنْ خِلَافٍ أَوْ يُنْفَوْا مِنَ الْأَرْضِ ذَلِكَ لَهُمْ خِزْيٌ فِي الدُّنْيَا وَلَهُمْ فِي الْآخِرَةِ عَذَابٌ عَظِيمٌ﴾ (سوره مائده: آیه 33)

ژباړه: د هغو خلکو جزا چې له الله تعالی او رسول الله صلی الله علیه وسلم سره جګړه کوي او د ځمکې پر مخ فساد خوروي، اعدام ده. یا یې دې یو لاس له مقابلې پښې سره قطع شي او یا دې له هغې خاورې چې پکې اوسیږي، تبعید شي. دا په دنیا کې د دوی رسوایي او ذلت دی او په اخرت کې عظیمه جزا لري.  

بلي دا د یوې خاورې او دولت د یووالي ساتلو لاره ده، همدارنګه د هغه چا لپاره تر ټولو ښه نظم ورکوونکې ده، چې د دولت یا قانون پر وړاندې دریږي. نو په دې پوهیږو، چې د اسلام احکام، د خپلو غوره لارښوونو او قوانینو په وسیله د خلکو امنیت ساتي. پر احکامو ټیکاو یې تقوا اساس ګرځولې او ویلي یې دي، چې مسلمان هغه څوک دی، چې د ژبې او لاس له زیان څخه یې خلک په امن وي. که مسلمان تقوا نه تر سره کوله، نو په هغه وخت کې اسلام جزا په پام کې ورته نیولې ده، چې دولت یې ضرور پلې کوي. مشهور متل دی وایي: «امنیت د پاچا ابرو او حیثیت دی» د عثماني خلافت په وروستیو کې یوې مسیحي کورنۍ خپله لور ورکه کړې وه، د کورنۍ غړي یې د شپې ډېر غمجن ناست وو، چې دروازه وټکېده او له پولیسو سره یو ځای یې لور ورننوته! هغوی یې د لور له ورتګ څخه ډېر خوشحاله شول او له هغو پولیسو یې مننه وکړه. پولیسو هغوی ته وویل، له موږ څخه مننه مه کوئ، ځکه ستاسو د لور امنیت د پاچا ابرو او حیثیت دی. د مسلمانانو په دولت یعنې خلافت کې امنیت همدومره ارزښت لري.

له شک پرته چې اسلام د امنیت ستونزه په ښه توګه حل کړې او دولت یې اړ کړی، چې تر خپلې وسې د امنیت په رامنځته کولو کې هڅه وکړي. خو د سیکولار انتقالي دولت د خلکو د ستونزو د حل لپاره داسې دی، لکه په توره شپه کې چې ړوند کوم څه لټوي، ځکه ورځ تر بلې په ستونزو کې ډوبیږي. که څه هم د ستونزو په اوج کې یې وسلې او موټرسایلکونه راټول او ودرول. که څه هم دغه پرېکړې په څو ښارونو لکه د دارفور نیالا او نورو ښارونو کې تر سره شوي او حالت د خرابېدو په حال کې دی.

دغه امنیتي بحران په دوو ټکو کې خلاصه کولی شو:

۱ـ له دولت سره د امنیت د مفکورې نشت؛  د پانګوالۍ تپل شوي نظام د یوې مړۍ ډوډۍ پر سر، په هېواد کې لانجه جوړې کړي او هر یو یې وایي، زه یې باید تر لاسه کړم، نه ته. د پانګوالۍ نظام د ژوند په ډګر کې داسې سیالۍ رامنځته کړي، چې ټول ارزښتونه پکې له منځه تللي دي. ان د خپلې اردو او سازمانونو په وسیله لکه؛ بریتون وودز سازمان، نړیوال بانک او نړیوال صندوق. د سره دریا په کچه زموږ د هېوادونو پر سر د ښکېلاک سیالي روانه ده؛ هغه څه چې ناپایداري او امنیتي ګډوډي یې رامنځته کړې ده. دا په نړۍ کې د امریکا سیاست دی، چې د خپلو ګټو لپاره جنجالونه رامنځته کوي.

۲ـ د پلازمینې په داخل کې د وسله والو شبه نظامیانو زیاتېدل؛ هغه څه چې له وسله والو خوځښتونو سره په دې اړه د سولې پرېکړه شوې وه، خو اوس یو امنیتي ګواښ جوړوي او د زیاتو نښتو خبرداری ورکوي، لکه د بري سیمې بالفعله نښته. الجریده ورځپاڼې په ۱۹/۳/۲۰۲۱ نېټه یو راپور خپور کړ، چې پکې د درېیمې جبهې (تمازج) رییس قومندان محمد علي قریشي، چې د جوبا سولې هوکړه لیک یې لاسلیک کړی، د دغې نښتې جزیات له یوې ډلې سره، چې ځان په (تمازج) پورې تړلی ښيي، داسې بیانوي: د تمازج ځواکونو په وسیله پر هغه ډله برید وشو. په هغوی کې داسې کسان وو، چې پوځي جامې یې پر تن وې؛ کله چې پوښتنه ترې وشوه، چې ولې له هغوی سره ونښتئ، ایا دا کار مو د پولیس دنده نه ده؟ هغه وویل؛ پولیسو او استخباراتو ناوخته کړه، ځکه ځواکونه د قضیې د حل لپاره لاس په کار شول (هغه څه چې د لانجې او خلکو د وېرې لامل وو) په یوه هېواد کې څو شبه نظامي جبهې یو لوی امنیتي ګواښ دی؛ خو په اسلام کې واحد قدرت اصل دی. د داخلي امنیت دنده، سره له ټولو جزیاتو، د خلافت دولت اساسي قانون کې، چې د حزب التحریر له لوري ترتیب شوی، بیان شوې ده. پولیس او اردو چې د هغې برخه دي، په غاړه یې لري. د دغه قانون په (۷۰) مخ کې داسې راغلي: «د داخلي امنیت ارګان، هغه اداره ده چې د داخلي امنیت د ټولو چارو مشري ورتر غاړې ده او د هر هغه څه مخه نیسي، چې داخلي امنیت ګواښي. د اسلامي دولت د قلمرو امنیت د پولیسو پر غاړه دی، چې د خلیفه له امر پرته اردو ته نه سپارل کېږي او د دغه ارګان رییس (د داخلي امنیت مدیر) نومیږي. دغه ارګان ولایتي فرعي څانګې لري، چې د داخلي امنیت د ادارو په نامه یادیږي او د هرې ولایتي ادارې رییس، د اړوند ولایت د پولیسو د قومندان په نامه یادیږي.»

که حالت په همدې ډول روان وي او خلک د اسلام پر اساس د واقعي تغیر لپاره راپورته نه شي، نو له شک پرته چې د اسلامي خاورو په هېوادونو کې به د کفارو طرحې یوه پر بله پسې پلې شي او دغه له یوبل لرې هېواونه به تیت پرک کړي. له اسلام پرته، د ستونزو له دغه دریاب څخه د راوتو بله لار نشته؛ هغه نظام چې د خلافت دولت، چې په نیږدې راتلونکې کې به تاسیس شي، پلی کوي او هغه وخت به د مسلمانانو خلیفه ته ویل کېږي: «په عدالت سره دې حکومت وکړ، وروسته دې امنیت رامنځته کړ او ارام ویده شوې.»

لیکوال: استاد ابراهیم مشرف

د حزب التحریر ولایه ـ سوډان مطبوعاتي دفتر غړی

ژباړن: حبیب الله

د مطلب ادامه...

د امام په اطاعت امر، د هغه په پاتې کېدو امر دی

 (ژباړه)

له عبدالله بن عمرو بن عاص رضی الله عنه څخه روایت دی، چې رسول الله صلی الله علیه وسلم وفرمایل:

«مَنْ بَايَعَ إِمَامًا فَأَعْطَاهُ صَفْقَةَ يَدِهِ وَثَمَرَةَ قَلْبِهِ، فَلْيُطِعْهُ إِنِ اسْتَطَاعَ، فَإِنْ جَاءَ آخَرُ يُنَازِعُهُ فَاضْرِبُوا عُنُقَ الْآخَرِ» (رواه مسلم کتاب الامارة باب وجوب الوفاء ببيعة الخلفا)

ژباړه: هر هغه چا چې د مسلمانانو له خلیفه سره په خپله خوښه بیعت وکړ، باید تر خپلې وسې اطاعت هم ترې وکړي او که چېرې بل څوک راغی او له هغه سره یې د خلافت په امر کې جګړه کوله د هغه سر دې ترې کټ کړئ.

د حدیث شرحه:

دغه حدیث دوه مهم مطلبونه بیان کړي دي: لومړی د مسلمانانو له خلیفه سره بیعت او دویم له هغه څخه اطاعت، چې اطاعت هم په بیعت پورې تړلی دی. یعنې په هغه وخت کې د حاکم اطاعت روا دی، چې د هغه او خلکو تر منځ شرعي بیعت تر سره شوی وي او شرعي بیعت هغه دی، چې د الله تعالی د کتاب او رسول الله صلی الله علیه وسلم له حکم سره سم وي. نو د پورته خبرې پر اساس هېڅکله د اوسنیو مسلمانانو د حکامو اطاعت او له خبرو منلو سره سر نه خوري او دغه حکام د شرعي بیعت اهلیت نه لري. د لاندې دلایلو پر بنسټ:

۱ـ د الله تعالی په کتاب او د رسول الله صلی الله علیه وسلم په سنتو حکم نه شي کولی. یعنې صلاحیت او توان یې نه لري، ځکه واک یې نه لري او د کفارو له خوا اجازه نه ورکول کېږي.

۲ـ  برعکس غربي (د بشر په لاس جوړ شوي) قوانین پر اسلامي امت تپي. ان غربي قوانین اسلامي ښيي، غالباً د دې لپاره چې په قدرت کې پاتې شي.

اې مسلمانانو! له شک پرته چې د مسلمانانو د خلیفه یا امام له امر څخه اطاعت، د هغه پر ټیکاو باندې امر دی. ځکه الله تعالی موږ د داسې چا د امر په اطاعت نه مکلفوي، چې هېڅ نه وي. دغه راز له هغه چا سره جګړه کول چې له امام سره جګړه کوي، د امام د امامیت پر دوام باندې ټینګار ښيي. همدارنګه هغه څه چې موږ له غیر شرعي حکامو وینو، پر موږ لازموي، چې له خپل ځواک څخه په ګټنې د شرعي حاکم د ایجاد لپاره کار وکړو. ځکه زموږ اوسني حکام ټول د جبریه زمانې حاکمان دي، چې هغه رسول الله صلی الله علیه وسلم شړلي دي. هغوی کافر غرب ګومارلي دي، څو د هغوی په ګټه د هغوی احکام پر امت پلي کړي. نو پر امت لازمه ده، څو له قدرت څخه د هغوی د لیرې کولو لپاره هلې ځلې وکړي او له دین څخه د دنیا بیلولو دستورونو ته یې اور ورته کړي. دغه راز هغه غیر واقعي محدودیتونه چې د سایکس پیکو قانون د دې امت لپاره رامنځته کړي، له مخې لرې کړي، څو امت خپل پخوانی واحد ځواک او سلطه تر لاسه او یو واحد خلیفه پرې حکمراني وکړي.  

یا الله! د منهج په نبووت راشده خلافت، چې د مسلمانانو یووالی پکې نغښتی وي، زموږ په برخه کړې او مصیبتونه او بلاوې ترې لرې کړې! یا الله ځمکه دې په خپل نور سره منوره کړه! اللهم آمین آمین!

پایله: د مسلمانانو د امام یا خلیفه په اطاعت امر، د هغه په پاتې کېدلو امر دی او له هغه چا سره جګړه کول، چې له امام سره جګړه کوي، قرینه ده؛ د واحد خلیفه په توګه د هغه د پاتې کېدلو لپاره.

ژباړن: حبیب الله

د مطلب ادامه...

مسلمانان هغه له کرکې ډک کارټونونه نه شي زغملی، چې رسول الله صلی الله علیه وسلم ته پکې سپکاوی شوی دی Featured

د لويدیځ یارکشایر په بټلي ښار او د ګرامر په یوه ښوونځي کې د یوه ښوونکي دنده هغه مهال وځنډېډه، چې د دیني زده کړو په یوه ټولګي کې یې رسول الله صلی الله علیه وسلم ته له سپکاوي ډک کارټون نندارې ته وړاندې کړ. هغه زده کوونکي ولمسول چې خپلو والدینو ته شکایت وکړي، الحمد الله زده کوونکو دا کار وکړ، هغه ادعا درلوده چې د برېټانیا هېواد ارزښتونه اجازه ورکوي، څو په دې توګه سرغړونه وکړي. ځینې والدینو له ښوونځي څخه دباندې لاریون وکړ، وروسته ژمنه ورسره وشوه چې دا موضوع به وڅېړل شي.

د برېټانیا اصلي رسنۍ تل ناسم اور ته تېل وراچوي او په دې اړه یې د برېټانیايي مسلمانانو د سپکاوي لپاره د «هینري جکسن ټولنې» له کرکې ډک بیان خپور کړ، په داسې حال کې چې دوی هېڅکله نه شي کولای له خپل افراطي سیکولر دریځ څخه دفاع وکړي.

په غربي سیکولر ټولنو کې د عادي خلکو ژوند ورځ تر بلې ویجاړېږي. د سیکولر پانګواله ايډيالوژي په څرګنده توګه د ډېری کړکیچونو لپاره د کاري حللارې په برابرولو کې پاتې راغلې او د فساد لامل شوې ده. د وژنې، زور زیاتي، توکمیز ناوړه چلند، تعصب او له نفرت څخه کار اخیستل او نور جرمونه د سیکولر مذهب او د هغه تفرقه اچوونکو ارزښتونو نښې دي چې د حکومت او رسنیو پر مټ د کډوالو او بهرنیانو پر وړاندې د سپکاوي څخه ډک پیغام لېږدوي.

هغه باور چې ټول مسلمانان یې د اسلامي عقیدې پر اساس لري، چې له الله سبحانه و تعالی پرته هېڅ معبود نشته او رسول الله صلی الله علیه وسلم د هغه رسول دی. سیکولران یې په غوصه کړي او له کرکې او سپکاوي ډک غبرګون ښيي. دوی په خپله سیکولر ايډیالوژۍ باور نه لري. د دې پر ځای چې خپلې ناکامۍ ومني او د غوره بدیل په لټه کې شي، دوی د خلکو د یو ځای کولو لپاره د دې وړتیا په اړه د غندلو ادعاوې کوي او پر وړاندې یې خنډونه جوړوي.

د رسول الله صلی الله علیه وسلم سپکاوی د پانګوال نظام د ناکامۍ لپاره د ملامتولو یوه کاغذي هڅه ده، ځکه اوسمهال یوازې مسلمانان دي چې د وړاندیز لپاره د ژوند بدیله لاره لري. اسلام او مسلمانانو ته په زړه کې د کرکې اچولو پر ځای، ښه ده چې د اسلام هغه پیغام ته جدي پام وکړوي، چې رسول الله صلی الله علیه وسلم راوړی دی. یوازې اسلام د بشري ستونزو حل لري، له همدې امله هغه سیکولران چې زړونه یې له کرکې ډک دي په کلکه د دې مخالفت کوي.

اسلام د انسانیت لپاره وروستۍ هیله ده. یوازې اسلامي باور ذهن ته قناعت ورکوي او له انساني فطرت سره موافق دی. مسلمانان هر ځای، په ښوونځيو، رسنیو او ټولنو کې د سیکولرانو پر وړاندې د درېدلو مسوولیت لري. موږ باید په کلکه سیکولر داستان وننګوو چې موخه یې له ژوند څخه د دین ایستل دي او د هغه چا نوم پیکه کول دي چې پر الله سبحانه وتعالی رښتینې عقیده لري.

موږ په حزب التحریر کې ډیری وخت د اسلام، مسلمانانو او زموږ د رسول الله صلی الله علیه وسلم پر وړاندې سپکاوي ته غبرګون ښودلی دی. په دې وروستیو کې موږ وپوښتل «څوک شته چې د رسول الله صلی الله علیه وسلم د حرمت دفاع وکړي؟»

http://www.hizb.org.uk/media/press-releases/who-is-there-to-defend-the-honour-of-muhammad-saw/

یحی نسبت

د حزب التحریرـ برېټانیا مطبوعاتي دفتر استازی

د مطلب ادامه...
Subscribe to this RSS feed

اسلامي خاورې

اسلامي خاورې

غربي هېوادونه

ټول لینکونه

د پاڼې برخې