یکشنبه, ۰۳ صَفر ۱۴۴۲هـ| ۲۰۲۰/۰۹/۲۰م
ساعت: مدینه منوره
Menu
القائمة الرئيسية
القائمة الرئيسية

  •   مطابق  
د اسلام حقانیت د هره پېښې پر وړاندې روښانه کېږي
بسم الله الرحمن الرحيم
د اسلام حقانیت د هره پېښې پر وړاندې روښانه کېږي

 خبر:

امريکايي نيوزويک مجله: « د اسلام پیغمبر لومړنی کس و، چې له نیژادپالنې او غلامۍ سره يې مبارزه وکړه.» (سرچینه: د الجزیره، ۲۰۲۰ م کال د جون ۱۳مه)

تبصره:

امريکايي کاتولیک اکاډمۍ په "نیوزویک" مجله کې مقاله خپره کړې، چې د رسول الله صلی الله علیه وسلم غوره شخصیت او انسان پالنه يې پکې ذکر کړې ده. همدارنګه په دې مقاله کې یې د ساري ناروغيو پر وړاندې د هغه لارښوونې هم په ګوته کړې دي.

دوکتور کريچ کونسيدين ليکونکی او د اديانو د اړیکو په برخه کې متخصص څېړونکی وايي: «د اسلام پیغمبر لومړنی کس و چې د بشريت په تاريخ کې يې له نیژاد پالنې او غلامۍ سره مبارزه وکړه.»

د (انسانیت محمد ...) کتاب ليکونکی زياتوي چې دی د رسول الله صلی الله علیه وسلم له شخصیت او خبرو اغېزمن شوی او پخپلو مقالو کې د هغه صلی الله علیه وسلم له احاديثو څخه ګټه اخلي. ډېری وخت کله چې هغه له بحران سره مخ کېږي او هېڅ حل لاره پیدا نه کړي، ډېری غربي متفکرین ویني، چې هغوی حیرانېږي چې ۱۴ پېړۍ وړاندې د اسلام په مبارک دین کې داسې حل لارو شتون درلود.

تر هغه چې د یو دولت په چوکاټ کې قدرت شتون ونه لري، څو اسلامي فکرونه د غرب لور ته ولېږدوي، خپل سیاسي قدرت او له نړیوال وزن څخه کار وانه خلي، څو غرب د سیاسي، ټولنیزو، اقتصادي نابرابریو، د خلکو د شتمنیو لوټلو، د سود او د نیژادپالنې پرېښود ته اړ نه کړي، دغه امر به یوازې د تحسین په چوکاټ پاتې شي. اسلام دا ټول موارد په کلکه ردوي.

هغه وخت به د اسلام احکام او افکار نه یوازې د ځينو متفکرينو په ذهن کې پاتې شي، بلکې په ټولو غربي سیاستوالو او  خلکو کې به د وزن او قوت لرونکي شي.

هر کله چې خلک د سودي بانکونو په اور سوزي، لاریون کوونکو د اسلام د احکامو تصویب کېدو غوښتنه کوي، چې سود حرام بولي.

په همدغه اساس، په غرب کې داسې قدرتونه رامنځته شوي، چې د اسلام د واکمنېدو غوښتنه کوي او د خلافت بهرنی سیاست دا زمینه ورته برابروي.

ژباړن: الهام پردېس

 

نظر ورکړئ

back to top

اسلامي خاورې

اسلامي خاورې

غربي هېوادونه

ټول لینکونه

د پاڼې برخې