الخميس، 17 رمضان 1445| 2024/03/28
Saat: (M.M.T)
Menu
القائمة الرئيسية
القائمة الرئيسية

المكتب الإعــلامي
ولایہ پاکستان

ہجری تاریخ    9 من ذي القعدة 1441هـ شمارہ نمبر: 74 / 1441
عیسوی تاریخ     منگل, 30 جون 2020 م

پریس ریلیز

بھارت کو جارحیت سے باز رکھنے کے لیے"بین الاقوامی برادری"پر انحصار کرنا ہندو ریاست کو مزید جارحیت کرنے کا حوصلہ فراہم کرتا ہے

 

29 جون 2020 کو پاکستان اسٹاک ایکسچینج پر ہونے والے حملے کی مذمت کرتے ہوئے پاکستان کے وزیر خارجہ شاہ محمود قریشی نے بھارت پر اس حملے کا الزام لگایا اور کہا، "ہم بھارت کی ہر چال  کو ناکام بنائیں گے اور دنیا کے سامنے اسے (مزید) بےنقاب کریں گے"۔ لیکن باجوہ-عمران حکومت کی بھارت کو دنیا کے سامنے بےنقاب کرنے کی حکمت عملی ناکام ہوچکی ہے کیونکہ اقوام متحدہ کی سیکیورٹی کونسل اپنے چہیتوں، ہندو ریاست اور یہودی وجود، کے ظالمانہ قبضوں کے متعلق اندھی، گونگی اور بہری ہے۔ امریکا ڈکٹیشن پر پاکستان کی قابل اور بہادر افواج کو بھارتی جارحیت کا منہ توڑ جواب دینے سے روک کر عملاًباجوہ-عمران حکومت خطے میں ہندو ریاست کو اپنی بالادستی قائم کرنے کی کوشش میں مدد دے رہی ہے، جبکہ ساتھ ہی ساتھ اقوام متحدہ کو التجائیں کرنے کے بےسود عمل کے پیچھے چھپ کر پاکستان اور مقبوضہ کشمیر کے مسلمانوں کو اپنے مجرمانہ بےعملی پر دھوکہ دے رہی ہے۔

 

باجوہ-عمران حکومت کی شکست خوردہ ذہنیت تو اس بات سے ہی واضح ہوجاتی ہے کہ وہ پاکستان کے قومی سلامتی کے سٹریٹیجک معاملات کے حل کے لیے مسلسل اقوام متحدہ کی سیکیوریٹی کونسل سے اپیلیں کررہی ہے۔  اقوام متحدہ کی سیکیورٹی کونسل کے پانچ مستقل رکن ممالک مسلمانوں اور اسلام کےخلاف ہندو ریاست اور یہودی وجود کے جرائم پر انہیں کیسے سبق سکھا سکتے ہیں جبکہ خود امریکا مسلمانوں کے علاقوں پر قابض ہے اور ہندو ریاست اور یہودی وجود کو مسلم علاقوں پر قبضہ مضبوط کرنے میں ہر ممکن معاونت مہیا کرتا ہے ۔ اس کی ایک بڑی معاونت یہ ہے کہ وہ مسلم دنیا میں موجود اپنے ایجنٹ حکمرانوں کے ذریعے مسلم افواج کو ان قابض طاقتوں کے خلاف حرکت میں آنے سے روکتا ہے۔ روس افغانستان اور چیچنیا پر قابض ہے اور اس وقت شام کے جابر بشار الاسد کو بچانے کےلیے وہاں کے دریاؤں کو مسلمانوں کے خون سے لبریز کررہا ہے۔  چین مشرقی ترکستان کے لاکھوں ایغور مسلمانوں کی ثقافتی نسل کشی کررہا ہے اور ساتھ ہی ساتھ مقبوضہ کشمیر کی مسلم سرزمین کو مال غنیمت سمجھ کر ہندو ریاست کے ساتھ مقابلہ کررہا ہے۔ برطانیہ نے اپنے مسلسل کم ہوتے اثر و رسوخ کے باوجود مسلمانوں کے خلاف اپنی صدیوں پر محیط استعماری بدنیتی کو نہیں چھوڑا  اور جہاں کہیں تباہ کن صلیبی منصوبے سامنے آتے ہیں وہ ان میں بھر پور کردار ادا کرتا ہے۔    فرانس نے افریقہ میں اپنی سابقہ کالونیوں میں مسلمانوں کی عصمت دری اور ان کا قتل عام کیا اور اب معاشی استعماریت کے ذریعے انہیں غربت کی دلدل میں ڈبو رہا ہے۔ اس کے ساتھ ساتھ وہ لبرل ازم کا علمبردار ہونے کے ناطے اسلام  کی آئیڈیالوجی کے خلاف  جارحانہ ثقافتی حملوں کی فخریہ سربراہی کرتا ہے۔

 

اے پاکستان کے مسلمانو!

باجوہ-عمران حکومت کی حکمت عملی یہ ہے کہ ہمارے قومی سلامتی کے معاملات کو کافر استعماری طاقتوں کے دربار میں پیش کیا جائے جو اسلام اور مسلم دشمنی میں ہندو ریاست سے کسی بھی طرح کم نہیں ہیں۔ اگرچہ اس  حکومت کی کمانڈ میں لاکھوں کلمہ گو افواج ہیں جو باآسانی ہندو ریاست کی بزدل اور منقسم افواج کو مقبوضہ کشمیر میں عبرت ناک شکست سے دوچار کرسکتے ہیں لیکن یہ حکومت انہیں قابو کرنے کیلئے انھیں جنگ سے ڈرانے کی خود کوشش کرتی ہے۔ یوںیہ سرکارمنافقانہ بےعملی کو اعلیٰ و ارفع کردار کے طور پر پیش کرنے کا ڈھکوسلہ کرتی ہےتاکہ ہم خاموشی سےہندو ریاست کےجارحانہ حملوں کو سہتے رہیں جبکہ ہمارےپاس  اس سانپ کا سر کچلنے کے تمام لوازمات اور صلاحیت موجود ہے۔ باجوہ-عمران حکومت کی مجرمانہ بے عملی نے یہ بات ثابت کردی ہے کہ صرف خلافت ہی ہمیں ہمارے دشمنوں کے حملوں سے بچانے کے لیے موثر کارروائی کرے گی۔ رسول اللہ ﷺ نے فرمایا،

إِنَّمَا الْإِمَامُ جُنَّةٌ يُقَاتَلُ مِنْ وَرَائِهِ وَيُتَّقَى بِهِ

"بے شک امام(خلیفہ) ڈھال ہے جس کے پیچھے رہ کر تم لڑتے ہو اور اس کے ذریعے تحفظ حاصل کرتے ہو"(مسلم)۔

 

صرف خلافت ہی امت کے عملی دشمنوں کے خلاف ایک جارحانہ فوجی موقف اختیار کرے گی اور ان کے ساتھ کیے گئے اتحادوں اور نارملائزیشن کے عمل کو تار تار کردے گی۔ صرف خلافت ہی مسلم ریاستوں کو اپنے جھنڈے تلے یکجا کرنے کے لیے عملی قدم اٹھائے گی اور دنیا کی سب سے بڑی ریاست بن جائے گی۔ لہٰذا ہم سب کو یہ مطالبہ کرنا چاہیے کہ ہمارے افواج کے افسران نبوت کے نقش قدم پر خلافت کے قیام کے لیے نصرۃ فراہم کریں تا کہ ہمارے دشمن شکست کھا کر بھاگنے پر مجبور ہو جائیں۔  تو جو شہادت یا کامیابی چاہتے ہیں انہیں چاہیے کہ وہ امیر حزب التحریر شیخ عطا بن خلیل ابو الرشتہ کو نصرہ فراہم کریں۔

  

ولایہ پاکستان میں حزب التحرير کا میڈیا آفس

المكتب الإعلامي لحزب التحرير
ولایہ پاکستان
خط وکتابت اور رابطہ کرنے کا پتہ
تلفون: 
https://bit.ly/3hNz70q
E-Mail: HTmediaPAK@gmail.com

Leave a comment

Make sure you enter the (*) required information where indicated. HTML code is not allowed.

دیگر ویب سائٹس

مغرب

سائٹ سیکشنز

مسلم ممالک

مسلم ممالک