جمعه, ۱۸ رمضان ۱۴۴۵هـ| ۲۰۲۴/۰۳/۲۹م
ساعت: مدینه منوره
Menu
القائمة الرئيسية
القائمة الرئيسية

pr header

 

 

هجری قمری نېټه :     7 جمادی الاول 1438

میلادی نېټه :     شنبه, 04 فبروری 2017 م

شمېره:      BN/S 014/1438 M

د فلسطين سپېڅلې خاوره
مطبوعاتي دفتر

مطبوعاتي اعلامیه
د الخلیل قومونو روسیې ته، د تمیم الداري د وقف شوې ځمکې د ورکړې په غبرګون کې لاریون وکړ؛ خو فلسطیني ګمراه ادارې یې د مخنیوي هڅه وکړه

(ژباړه)

د الخلیل زرګونو اوسېدونکو په هغه لاریون کې ګډون وکړ چې په دوشنبې د ۲۰۱۷ د جنوري په ۳۰مه د آل تمیم مخورو او د الخلیل قومونو د آل تمیم په غونډه کې يې اعلان کړی و. یاده غونډه د فلسطیني چارواکو د هغې هوکړې په غبرګون کې شوې وه، چې له مخې يې  جلیل القدره صحابي تمیم الداري ته وقف شوې ۷۲ جرېبه ځمکه روسیې ته ورکړي. دغه ځمکه رسول الله صلی الله علیه وسلم تمیم الداري او د هغه اولادې ته ورکړې وه، چې تر قیامته پورې به په آل تمیم  کورنۍ پورې اړه ولري.

د فلسطین ولسمشر محمود عباس روسیې ته د دغې ځمکې د ورکړې امر د ۲۰۱۷ د جنورۍ په ۴مه مه صادر کړی و. که څه هم چې په رام الله کې د فلسطین سترې محکمې د آل تمیم د هغه عریضې له امله چې د دغه هوکړې په اړه یې کړې وه د ۲۰۱۶/۶/۲۳ مه پرېکړه کړې وه چې د فلسطین دولت باید د دغې ځمکې د ورکړې په اړه خپلې ټولې هڅې بندې کړي. د دغې قضیې د څېړنې لپاره د دویمې محکمې نېټه د ۲۰۱۷/۱/۲۴ مه وه. مګر فلسطیني چارواکو د ځمکې د ملکیت او ثبتېدو پرېکړه د سترې محکمې تر پرېکړې مخکې صادره کړه او د محکمې پرېکړې ته يې اهمیت ورنه کړ.

حزب التحریر- ولایه فلسطین په محکمو او ټولو لاریونونو کې د آل تمیم او د الخلیل قومونو تر څنګ ولاړ دی او پر لاریون کوونکو د فلسطیني ادارې د امنیتي ځواکونو له لوري ناوړه برید په کلکو ټکو غندي. دوی په لسګونو هغه کسان چې په سوله ییز لاریون کې یې ګډون کړی و، د ښار په مهمو برخو کې د ازغنو سیمونو په غزولو ونیول. سربېره پردې د لاریون کوونکو د خورولو لپاره یې له اوښکې بهوونکي ګاز څخه کار واخیست.

موږ همدارنګه د دغه لاریون د مخنیوي لپاره د فلسطین دولت د ناسمو معلوماتو کمپاین او درواغ چې د لاریون د مخنيوي لپاره ترې کار اخلي او همدا راز د هغو کسانو او خبریالانو درواغ غندو چې خپل آخرت یې تر مختلفو نومونو لاندې د نورو د دنیا لپاره وپلوره؛ سره له دې چې دوی، په اړه نه د آل تمیم  او نه د محکمې په غونډو کې ګډون کړی و. مګر بیا یې هم خپلې څرګندونې خپرولې او  د فلسطین له چارواکو  سره يې په ګډه یې د الله سبحانه وتعالی دښمنانانو (روسانو) ته د دغې ځمکې د پرېښودو په جرم کې ځانونه شریک کړل.

فلسطیني چارواکي ادعا کوي چې دا لاریون د حرب التحریر له لوري تنظیم شوی و، که نه دوی به د الخلیل د قومونو له خوځښت سره  نه وو مخ شوي، چې د تمیم کورنۍ د ملاتړ لپاره رامنځته شو. تمیم کورنۍ له وقف شوې ځمکې څخه د روسیې له ګټه اخیستنې سره مخالفت کوي. چارواکي هڅه کوي د دغې ځمکې د ملکیت هوکړې چې ۷۲ جریبه وقف شوې ځمکه ده، د الخلیل د جایدادونو په څانګه کې د روسیې د کلیسا تر نامه لاندې ثبت کړي. دوی غواړي دغې موضوع ته د اجارې بڼه ورکړي، چې کالونه پخوا د روسیې کلیسا ته ورکړل شوې وه. سره له دې چې دغه قومونه د محکمې پرکړي ته ژمن دي، مګر فلسطیني چارواکي د محکمې پرېکړې ته درناوی نه کوي.

په فلسطین کې حزب التحریر د الخلیل قومونو او تمیم کورنۍ ملاتړ کوي او ورسره درېږي چې پر ستونزو، خنډونو، نیولو او هغه وېروونکو پیغامونو سربېره چې د دوی مبایلونو ته امنیتي کسانو لېږل، په دې لاریون کې ګډون وکړ. دوی وښودله چې د دې موضوع په اړه د فلسطین د ولسمشر دا دریځ د منلو وړ نه دی. دولت باید خپله دا پرېکړه بېرته واخلي او ځمکه یې بېرته خپلو اصلي څښتنانو ته ورکړي. که نه دوی به هم په دنیا کې شرمېدلي او سپک شي او هم به په آخرت کې دردناک عذاب ویني، که وپوهېږي.

﴿...لِنُذِيقَهُمْ عَذَابَ الْخِزْيِ فِي الْحَيَاةِ الدُّنْيَا وَلَعَذَابُ الْآخِرَةِ أَخْزَى وَهُمْ لَا يُنْصَرُون﴾  (فصلت:۱۶)

... تر څو چې پر هغوی د دې دنیا ذلیل او رسوا کوونکی عذاب وڅکو، مګر د اخرت عذاب خو تر دغه هم ډېر ذلیل او رسوا کوونکی دی. هلته به د دوی هېڅ مرستندوی نه وي.

د حزب التحریر- ولایه فلسطین مطبوعاتي دفتر

نظر ورکړئ

اسلامي خاورې

اسلامي خاورې

غربي هېوادونه

ټول لینکونه

د پاڼې برخې