سه شنبه, ۱۳ جمادی الثانی ۱۴۴۲هـ| ۲۰۲۱/۰۱/۲۶م
ساعت: مدینه منوره
Menu
القائمة الرئيسية
القائمة الرئيسية

اوس هغه وخت رارسیدلی، چې د ډيموکراسۍ او د هغه د مختلط موډل د ناکامۍ له لیدلو وروسته، الله سبحانه و تعالی ته نږدې شو او بیا اسلامي نظام یعنې خلافت ته ور وګرځو Featured

پاکستان د ډیموکراسۍ، ديکتاتورۍ او مختلط موډل د اور له تېرېدلو څخه وروسته یو ځل بیا په دې څلورلارې کې ولاړ دی. د ملي خبرو اترو او د حقایقو او مصالحو د کمیسیون غوښتنه د بېلابېلو ډلو ترمنځ د واک د شریکولو تړون دی، چې دا دې وژونکي نظام ته د نوې سا ورکول دي. په داسې حال کې چې د پاکستان مسلمانان د یو انقلابي بدلون غوښتونکي دي، تر څو دغه دردناک وضعیت ته د پای ټکی کیږدي.

د پاکستان د اوسني حاکم نظام د ماتې اصلي لامل بشر ته د حاکمیت ورکول دي. که څه هم دا یو کس ته وي یا یو مستبد او ظالم ته او یا هم د پارلمان ۳۴۲ نارینه او ښځینه وو غړو ته. د بشر د حاکمیت لپاره، مشرف یو دیکتاتور و چې ویې کولای شوی امریکا ته د ډالرو په مقابل کې خاوره، هوایي دهلیزونه، نظام، استخبارات او سرچینې وروسپاري. په داسې حال کې چې پارلمان یې د اوولسمې مادې په تصویب سره د هغه خیانت ثابت کړ. د همدې بشري حاکمیت په خاطر، د ملي مصالحې د فرمان پر اساس د ملي سرچینو غلا وبښل شوه. د دغه بشري حاکمیت لپاره زرداري او د هغه نږدې ملګرو وکولای شوی چې یوه داسې پالیسي جوړه کړي، ترڅو په CNG کې فساد، دقدرت اجاره کول او له دې څخه ډیر نور لوړ شیان قانوني کړي. دغه بشري حاکمیت «American Raymond Davis» ترهګریزې شبکې ته د ځای پرځای کیدل، په FATA باندې د امریکا د بې پیلوټه الوتکو عملیات پیل کیدل او د پیسو له نړیوال صندوق(IMF) سره د تړونونو د لاسلیک کولو اجازه ور کړه، چې دا ټول په اسلام کې منع دي.

د نواز شریف د حکومت پر مهال بشري حاکمیت د پیسو له نړیوال صندوق سره تړونونو ته اجازه ورکړه. د ملي عمل پلان(National Action Plan) له مخې د پاکستان په هر ښار کې د امریکا مذهبي جګړه ښکاره او د اساسي قانون د ۲۱مې مادې په تصویب سره یې نوره لاره هم ورته هواره کړله. د CPEC په نامه يې خپلې غوښتنې څو برابره کړلې. د مودي ظلمونو ته یې سر ټیټ کړ او پاکستان یې د غرب په ارزښتونو ککړ کړ. دا د بشر حاکمیت دي چې د باجوه-عمران مختلط رژیم ته یې اجازه ورکړه چې اقتصاد یې د پیسو نړیوال صندوق (IMF) ته وسپاري او د دې پرځای چې اشغال شوی کشمیر د جهاد په وسیله وژغوري، هغه یې مودي ته تسلیم کړ. ګلګت-بالتستان یې په داسې حال کې ولایت ته تبدیل کړ چې د مودي لپاره د اشغال شوي کشمیر د یو ځای کولو (الحاق) لپاره یوه نړیواله توجیه ومومي.

یوازې د خلافت نظام د الله سبحانه و تعالی د قانون د حاکمیت پر اساس کولای شي چې رښتینی بدلون راوړي. یوازې د خلافت نظام کولای شي چې د الله سبحانه و تعالی د اوامرو په پلي کولو سره کورنی نظام بیا جوړ کړي او د لیبرال چټلو ارزښتونو ته د پای ټکی کیږدي. یوازې خلافت کولای شي چی چټک او وړیا عدالت پلی کړي.  د بریتانیا د اشغال د دوران فاسد نظام ته د پای ټکی کیږدي، چې یوازې په مظلومانو حاکم و، یوازې د خلافت نظام به د اسلامي نړی ښارونه د نورې نړی لپاره د علم او هدایت مرکزونه ګرځوي. لکه څرنګه چی د څو پیړیو لپاره همداسې و او هغه فاسد او غیر سټنډرد تعلیم ته به د پای ټکی کیږدي چې زموږ ډیری با استعداده ذهنونه یې د نړۍ هر کونج ته په تیښته مجبور کړل.

یوازې خلافت به دا تضمین کړي چې حاکمان به د اسلام په وسیله د مسلمانانو چارې سمبال کړي. د بشر د حاکمیت څخه را پاتې بدبختیو ته لکه: د نظامي او ملکي تسلط ترمنځ د برترۍ د نفاق خوځښتونه، د پردې شاته معاملې او د سړک پر سر ډرامو ته به د پای ټکی کیږدي. د دغه ۱۴۴۲ هـ.ق کال، په رجب میاشت کې د اسلامی خلافت د له منځه تللو ۱۰۰هجري کلونه پوره کیږي، په داسې حال کې چې د مسلمانانو لپاره اجازه نشته چې له دریو شپو او ورځو څخه ډیر وخت له خلافت پرته ژوند وکړي. نو قدرت لرونکي خلک پرېږدئ چې له حزب التحریر سره د خلافت د بیا تاسیس لپاره نصرت وکړي او بلاخره داسې حاکمان ولرو چې په هغه څه حکم وکړي، څه چې الله سبحانه و تعالی نازل کړي دي.

[وَيَقُولُونَ مَتَى هُوَ قُلْ عَسَى أَن يَكُونَ قَرِيباً]

ژباړه: «هغوی به په سر خوځولو پوښتنه وکړي: «ښه نو، دا به کله وي؟» ورته ووایه: «ولې حېرانېږئ؟ هغه وخت نیږدې راتلونکی دی.» [اسرا: ۵۱]

د حزب التحریر-ولایه پاکستان مطبوعاتي دفتر

 

 

د مطلب ادامه...

له دین څخه د دولت بېلېدو په اړه شرعي لیدلوری

  • خپور شوی په سیاسي

(ژباړه)

غرب چې نړۍ او په ځانګړي ډول د مسلمانانو خاورې استعمار کړې، په بې ادبۍ او صراحت یې دا غوښتنه وکړه چې دین له ژوند څخه بېل کړي. پر همدغه اساس، له الله سبحانه وتعالی سره د هغوی اړیکې پرې کړي او دغه دنده په انحرافي فکر او د خپل ژوند پر تګلاره پر غاړه واخلي، څو داسې جنایتونه ترسره کړي. د اسلام له ظهور وروسته بل هېڅ داسې حقیقي دین نشته چې انسان پکې د خپل رب عبادت وکړي. الله سبحانه وتعالی فرمایلي دي:

﴿إِنَّ الدِّينَ عِنْدَ اللَّهِ الْإِسْلَامُ﴾ [آل عمران: 19]

ژباړه: له شک پرته چې الله سبحانه وتعالی ته حق او تر ټولو غوره دین اسلام دی.

کله چې سېکولران له ژوند څخه د دین بېلېدو غوښتنه کوي، دا ښکاره ده چې د هغوی یاده غوښتنه له ژوند څخه د اسلام د بېلېدو په مانا ده.

له ژوند څخه د دین د بېلتون مفکوره له شرعي او عقیدوي دیده له اسلام سره په ټکر کې ده. ژوند، نړۍ او انسان داسې اړیکه لري چې تر مړینې وړاندې او د اخرت په ورځ له الله سبحانه وتعالی څخه نه بېلېدونکي اړیکې دي او دا د اسلامي عقیدې اصل او جوهر دی.

نو هغه ژوند چې له دین څخه بېلېدو ته پکې خلک دعوتېږي، هغه په الله سبحانه وتعالی پورې اړه لري چې له عقیدوي پلوه د هغه بېلېدل د پرتلې وړ نه دي، ځکه ژوند له پیدایښت سره اړیکه لري.

دا د مستنیر فکر ارزښت بیانوي چې څښتن یې د مدبر خالق د شتون په اړه ژور فکر ته رابولي او د هغه په واسطه ایمان راوړي. د الله سبحانه وتعالی په امر خپلې چارې مخته وړي او دا څه په ژوند کې د الله سبحانه وتعالی په اوامرو مقید دي؛ نو بیا څنګه د مسلمان لپاره د دغو دوو څیزونو تر منځ بېلتون شونی دی؟ پر همدغه اساس، خلک اړ دي، له هغه څه څخه پیروي وکړي چې الله سبحانه وتعالی یې امر کړی وي او له هغو څیزونو ډډه وکړي چې الله سبحانه وتعالی منع کړي وي. دا د ژوند هغه اړیکه ده چې له مرګ وروسته یعني د اخرت په ورځ راځي، نو بیا څنګه له ژوند او اخرت ورځې بېلوالی راشي؟

پر همدغه بنسټ، مسلمان باید د خپل ژوند په ټولو چارو کې خپلې کړنې د الله سبحانه وتعالی د نظام اړوند ترسره کړي، څو د الله سبحانه وتعالی خوښي تر لاسه شي. نو مسلمان څنګه کولی شي چې له خپل ژوند څخه دین بېل کړي؟ په داسې حال کې چې الله سبحانه وتعالی فرمایي:

﴿قُلْ إِنَّ صَلَاتِي وَنُسُكِي وَمَحْيَايَ وَمَمَاتِي لِلَّهِ رَبِّ الْعَالَمِينَ﴾ [انعام: 162]

ژباړه: زما لمونځ، قرباني، ژوند او مرګ د نړیوالو د پروردګار لپاره دی.

پر همدغه اساس، ټول عبادتونه، قربانۍ او زموږ ژوند یعنې هغه ټولې کړنې چې په ژوند کې پېښېږي، همدارنګه د غریزو مړښت او عضوي اړتیاوې ټول د الله سبحانه وتعالی د قانون اړوند مخته وړل کېږي او زموږ د ژوند ستونزې د اسلام پر اساس له منځه وړي.

خو سېکولران مسلمانو بچیانو ته په جاهلانه شعارونو سره وایي چې دغه ایت یې نیمایي کړی دی، یعنې د الله سبحانه وتعالی او بشر تر منځ دی: دا چې ووایو لمونځ او قرباني مې د نړیوالو د الله لپاره ده، خو ژوند او مرګ مې د سېکولرستانو په څېر د بشر لپاره دی. یعنې د کفارو په وینا، هغه څه چې د الله سبحانه وتعالی لپاره دي، هغه د الله سبحانه وتعالی لپاره دي، خو څه چې د قیصر لپاره دي، هغه د قیصر دي. العیاذ بالله، دغه ظالمانه وېش دی.

نو اسلامي امت به له دین څخه د دولت بېلېدل په هېڅ صورت ونه مني، ځکه اسلام یې وجدان او زړه ته قدرت ورکړی دی؛ حتا که حاکم نظام هغوی ته منحرف شي او اسلام د یوې ځمکې په توګه په عمل کې پرېږدي. اسلام یو دین دی، دولت باید ولري او د ژوند یو ټولیز نظام دی؛ چې ټولې اړیکې او د ژوند ټول اړخونه تنظیموي. پر همدغه اساس، زموږ دې ته پام کېږي چې هغه له خالق سره د انسان اړیکه د عقیدې د احکامو او عبادي کړنو اړوند تنظیم کړې ده. همدارنګه په اسلام کې شرعي احکام شامل دي چې ټولنیز ژوند په دقیق ډول تنظیموي، لکه د واده، طلاق او میراث احکام چې په قطعي الثبوت او قطعي الدلاله ثابت دي. دا ناحیه د اسلام پر اساس ده، پر هغو احکامو سربېره چې له نورو اړخونو څخه هغوی ته سخته پاملرنه شوې ده. پر همدغه اساس، وینو چې د کفارو او مزدورو سېکولرانو له لوري ډېر غشي هغه ته سوق کېږي، څو د ښځې او مېړه تر منځ سپڅلې اړیکې له منځه یوسي او هغه په یوې ګډوډې اړیکې بدلې کړي.

نو افسوس پر هغوی مومنانو چې له دین څخه د ژوند بېلتون مني او د لطیف او خبیر ذات د احکامو پر ځای د بشر احکاموو ته تسلیمېږي! څنګه چې اسلام په شرعي احکامو سره د سیاسي ژوند، لکه د حاکم ټاکنه، دولت جوړونه، په هغه کې د نظام حکم، له خلکو سره د حاکم اړیکې، د رعیت پر وړاندې د حاکم دندې او حقونه، د حاکم پر وړاندې د رعیت دندې او حقونه یې مشخصې کړې دي. وروسته حاکم ته امر کوي چې د خلکو تر منځ په اسلام سره حکم وکړي او کله یې چې د خلکو په منځ کې په اسلام سره حکم وکړ، خلک یې د هغه امر منلو ته اړ کړي دي. الله سبحانه وتعالی فرمایلي دي:

﴿وَأَنِ احْكُمْ بَيْنَهُمْ بِمَا أَنْزَلَ اللَّهُ وَلَا تَتَّبِعْ أَهْوَاءَهُمْ وَاحْذَرْهُمْ أَنْ يَفْتِنُوكَ عَنْ بَعْضِ مَا أَنْزَلَ اللَّهُ إِلَيْكَ﴾ [مائده: 49]

ژباړه: او تاته اې رسول الله صلی الله علیه وسلم امر کوم، د هغوی په منځ کې پر هغه څه حکم وکړه چې الله سبحانه وتعالی پر تا نازل کړي؛ د هغوی د هیلو او غوښتنو پیروي مه کوه او پر هغوی پام کوه چې په درواغو، د حق په پټېدنې، خیانت او نورو ناوړه کړنو سره تا له هغه څه څخه منحرف نه کړي چې الله سبحانه وتعالی درباندې نازل کړي دي. (یعنې دا چې د خپل باطل هوس له امله احکام تر پېښو لاندې نه کړي).

همدارنګه الله سبحانه وتعالی د خپل اطاعت د پیروۍ په اړه فرمایلي دي:

﴿يَا أَيُّهَا الَّذِينَ آمَنُوا أَطِيعُوا اللَّهَ وَأَطِيعُوا الرَّسُولَ وَأُولِي الْأَمْرِ مِنْكُمْ﴾ [نساء: 59]

ژباړه: اې هغو کسانو چې ایمان مو راوړی، د خپل الله سبحانه وتعالی، رسول الله صلی الله علیه وسلم او اولي الامر اطاعت وکړئ.

پر حاکم واجبه ده چې د خلکو تر منځ په عدل او انصاف سره حکم وکړي او دا له هغه څه پرته چې الله سبحانه وتعالی نازل کړي، نه رښتیا کېږي. الله سبحانه وتعالی فرمایي:

﴿وَمَنْ لَمْ يَحْكُمْ بِمَا أَنْزَلَ اللَّهُ فَأُولَئِكَ هُمُ الظَّالِمُونَ﴾ [مائده: 45]

ژباړه: که څوک پر هغه څه حکم ونه کړي چې الله سبحانه وتعالی نازل کړي، (لکه قصاص او داسې نور) ظالم او فاسق بلل کېږي.

په یوه لنډه او ګټوره ډلبندۍ کې: اسلام پخپلو تشریعي احکامو کې د ژوند ټول اړخونه ځای کړي دي او موږ ته یې هېڅ تش ځای نه دی پرېیښی، څو موږ پخپلو فاسدو او وضعي احکامو سره هغه ډک کړو. نو پر همدغه اساس، زموږ په ژوند او اړیکو کې د بشر د قانون جوړونې لپاره ځای نشته او مسلمان په دې برخه کې واک نه لري. څنګه چې الله سبحانه وتعالی فرمایلي دي:

﴿وَمَا كَانَ لِمُؤْمِنٍ وَلَا مُؤْمِنَةٍ إِذَا قَضَى اللَّهُ وَرَسُولُهُ أَمْراً أَنْ يَكُونَ لَهُمُ الْخِيَرَةُ مِنْ أَمْرِهِمْ وَمَنْ يَعْصِ اللَّهَ وَرَسُولَهُ فَقَدْ ضَلَّ ضَلَالاً مُبِيناً﴾ [احزاب: 36]

ژباړه: هېڅ نر او ښځه په هغه کار کې چې الله سبحانه وتعالی او د هغه رسول صلی الله علیه وسلم حکم نه وي کړی، په هغه کې اختیار نه لري (اراده یې باید د الله سبحانه وتعالی او رسول الله صلی الله علیه وسلم د ارادې تابع وي). هر څوک چې د الله سبحانه وتعالی او د هغه د رسول صلی الله علیه وسلم له امر څخه سرغړونه وکړي، له ښکاره لارورکۍ سره مخ کېږي.

د ژوند د نظام او عقیدې په توګه د دغو احکامو د ترسره کېدو له پلوه او د اسلام د ایډیولوژۍ اړوند ځینې یې د مسلمانانو له خوا په فردي توګه پخپل ژوند کې د الهي تقوا په انګېزه ترسره کېږي؛ لکه اعتقادات، عبادي کړنې او ورته نور. دغه چارې د دولت په موجودیت او د نشت په صورت کې یې ترسره کېږي. د اسلام ستره برخه له اسلامي دولت پرته نه پلي کېږي، چې اسلام یې د پلي کېدو ځای مشخص کړی دی. لکه د حدودو اقامه، د معاملاتو تنظیم، د والیانو ټاکل، بهرنۍ اړیکې او نور. پر همدغه اساس، که موږ دین له دولت بېل کړو، نو بیا څنګه کولی شو هغه احکام چې په دولت پورې اړه لري، پلي کړو او دا هغه احکام دي چې په شتون کې یې د الله سبحانه وتعالی د عملي او عبادي احکامو په توګه عبادت کوو. موږ یهودیان او مسیحیان نه یو چې د کتاب پر یوې برخې باور ولرو او د ځینو له منلو ډډه وکړو. لکه د غله لاس غڅولو پرېښودل، یا د بشر له لوري د یوه حکم په بل بدلېدل؛ د بېلګې په توګه لکه د لمانځه پرېښودل. دغه دواړه حکمونه الله سبحانه وتعالی یو ډول دي.

له شک پرته له دین څخه د ژوند بېلېدل د پانګوالي نظام فاسده عقیده ده چې ظالم نظامونه ترې رامنځته شوي دي. دا مفکوره په سختو تاریخي شرایطو کې غرب ته رامنځته شوې ده، ځکه په روسیه او اروپا کې پادشاهانو عادت درلود چې روحانیون یې پر خلکو د سورېدو وسایل بلل. دا بې عدالتي د فلسفه وو او پوهانو تر منځ له تاوتریخوالي د ډکې مبارزې لامل شوه چې ځینو یې له دین څخه ډډه وکړه. ځینو بیا پر هغه اعتراف وکړ او له دین څخه د ژوند د بېلېدو غوښتونکي شول. هغوی له دین څخه د ژوند د بېلېدو په اړه خپل لیدلوری مشخص کړ او د هغه پر اساس یې د خپلو ستونزو حل ته رسېدنه کوله او نړۍ یې د دې مفکورې منلو ته دعوتوله. د دغو بې عدالتیو دلیل دا دی، هغه ځمکه چې د الهي دولت له لوري اداره کېږي، د هغوی په ادعاوو سره یو بشري دولت نه دی.

دویم دلیل دا دی: مسیحي دین چې خلک له ژوند څخه بېلېدو ته اړ کوي، یو تحریف شوی دین دی او د ژوند لپاره هېڅ نظام نه لري. پر همدغه اساس، د هغوی چارې د پادشاهانو ا روحانیونو له لوري د هغوی د غوښتنو پر اساس اداره کېږي. دا ډول اختلافونه د اسلامي حکومت په تاریخ کې په مسلمانانو کې نه وو، ځکه هغوی په نړۍ کې پر خلکو د اسلام پر اساس حکومت کاوه او د هغوی چارې یې په ښه ډول مخته وړلې. همدارنګه د هغو په منځ کې یې عدالت، انصاف او امنیت ته پراخوالی ورکاوه. پر همدغه اساس، د اسلام پر وړاندې داسې انقلاب شتون نه درلود. دا دین حق دی او له دولت څخه د بېلېدو غوښتنه یې عادلانه نه ده.

دویم څه چې د خلکو چارو ته د رسېدو لپاره د اسلام د بریا لامل شوي، دا دي چې دغه دین یو ټولیز سیسټم لري او د قیامت تر ورځې د خلکو ټولو مسایلو او د ستونزو حل ته د رسېدو وړتیا لري.

له دین څخه د ژوند بېلېدو مفکوره اسلامي امت ته پردۍ ده او دا څه د غرب د مزدورو سېکولرانو لپاره وسایل دي. کله چې هغوی د فرمان منونکو په توګه وټاکل شول، خپل تمدن یې پر اسلامي خاورو ور وتاپه، نو له همدې لارې پر دې بریالي شول چې خپلې مفکورې له دولت څخه د دین د بېلېدو په توګه، د ښځو حقونه او داسې نور صادر کړي.

خو د سوډان د خلکو د انقلاب په اړه چې پخوانی نظام او خلک یې ورک کړل، دا انقلاب د بې عدالتۍ له منځه وړلو لپاره په مختلفو بڼو او د مناسب ژوند په غوښتنه پیل شو. د دغو انقلابیونو له لوري موږ له دین څخه د دولت بېلېدو شعارونه وانه ورېدل، خو فاسدې سېکولر ایډیولوژۍ هغوی بېلارې کړل. همدارنګه دغو دښمنانو له شته فرصتونو (د غربي کفارو سفارتونو) څخه ګټه واخیسته او نقلاب یې بل لور ته سوق کړ. هغوی دا هر څه د دې لپاره وکړل چې له سیاسي اسلام څخه وېره لري. هغه کسان چې په اسلامي فقه چې (په الف، ب او ت) باندې پوهېږي، دا څه درک کوي چې له اسلام سره هېڅ اړیکه نه لري او سېکولران په دغه فرېب سره غواړي چې له دین څخه د دولت بېلېدو مفکورې ته وده ورکړي.

له دین څخه د دولت بېلېدو په اړه چې هر مسلمان باید شرعي دریځ ولري، له داسې مفکورې څخه په سختو ټکو انکار کول او د هغو کسانو پر وړاندې درېدل دي چې د ورته مفکورو د پلي کېدو غوښتنه کوي. لازمه ده چې له هرې شونې وسلې څخه د کفارو د دغه ناوړه دعوت ګواښونه خلکو ته بیان کړو. د دې مفکورې تر شاه د امت د هویت او د هغوی د قدرت لامل چې اسلام دی، له منځه وړل دي. دغو خاینانو ته وایو، دا څه د اسلامي امت په حق کې ستر جرم دی، هغه امت چې اسلامي عقیده یې روح ده او شرعي احکام یې هغه اکېسجن دی، چې تنفس کوي یې.

د دغه جنایت او د غرب د ټولو پروژو د مخنیوي لپاره جدي او عملي لاره سیاسي کار ته اړتیا ده چې اسلام یې د یوې عملي پروژې په توګه په ټولو سیاسي، اقتصاد او نورو برخو کې وړاندې کوي. پرته له دې چې هېڅ لوری د خلافت دولت په اړه بې خبره شي. دا هغه دولت دی چې اسلامي عقیده یې د ټولو مقرراتو بنسټ تشکیلوي. پر همدغه بنسټ، موږ یوې ښې درملنې ته رسېدلي یو، دا درملنه د نبوت پر تګلاره د ثاني خلافت بیا تاسیس دی چې د الله سبحانه وتعالی په غوښتنه نېږدې دی.

لیکوال: نذیز مختار عبدالله، د الهدى (حلة خوجلي، مسجد امام او خطیب

ژباړه: بهیر «ویاړ»

 

د مطلب ادامه...

پاکستان او ترکیه په ګډه د نبوت پر منهج د خلافت تر سیوري لاندې یو زبر ځواک جوړوي! Featured

  • خپور شوی په پاکستان

د هوايي چلند مشر مارشال مجاهدین انور خان، د ۲۰۲۱م کال، د جنوري پر ۲۱مه  له انادولو اژانس سره په یوه مرکه کې وویل: «زموږ اړیکي ځانګړې او د پام وړ دي، نه یوازې دلته په پاکستان او ترکیه کې، بلکې په ټوله نړۍ کې دوی موږ ته ورته ښکاري.» خان یادونه وکړه چې هغه ترکیې ته د دویم کور په سترګه ګوري، «زما په رښتیني نظر، موږ یو ملت او دوه هېوادونه یو.» دا حقیقت دی چې د پاکستان او ترکیې خلک مسلمانان دي، د الله سبحانه و تعالي په رښتیني دین کې سره وروڼه دي، الله سبحانه و تعالی فرمايي:

(إِنَّمَا الْمُؤْمِنُونَ إِخْوَةٌ)

ژباړه: «مومنان د یو بل وروڼه دي» [حجرات: ۱۰]

په هر صورت، اوسنیو رژيمونو د الله سبحانه و تعالی او رسول الله صلی الله علیه وسلم د خوښې خلاف دواړه هېوادونه یو له بل څخه بېل کړي دي، چې مسلمانان له یو څخه د ډېرو واکمنانو له درلودلو څخه منع کوي او پر هغه څه حکم کوي چې الله سبحانه و تعالی نازل کړي دي. شریعت د یوې سیاسي ادارې په توګه د مسلمانانو پر یووالي ټینګار کوي او د هغو کسانو لپاره چې د اسلامي دولت څخه په بېل حالت کې خپلواک دي، د مرګ د سزا حکم کوي، ځکه چې رسول الله صلی الله علیه وسلم فرمايي:

«مَنْ أَتَاكُمْ وَأَمْرُكُمْ جَمِيعٌ عَلَى رَجُلٍ وَاحِدٍ يُرِيدُ أَنْ يَشُقَّ عَصَاكُمْ أَوْ يُفَرِّقَ جَمَاعَتَكُمْ فَاقْتُلُوهُ»

ژباړه: «کله چې د مشر په توګه د یو سړي له خوا تاسو یو ځای کېږئ، نو تاسو باید هغه څوک ووژنئ، چې ستاسو پیوستون کمزوری کوي یا ستاسو یووالی ګډوډوي.» [مسلم]

همدا راز بل ځای فرمايي:

«إِذَا بُويِعَ لِخَلِيفَتَيْنِ فاقتُلوا الآخِرَ منهُما»

ژباړه: «که له دوو خلیفه ګانو سره بیعت وشو، دویم یې ووژنئ» [مسلم]

سره له دې چې پاکستان او ترکیه دوه هېوادونه دي او دوه بېل حکومتونه لري، چې د الله سبحانه وتعالی له حکم پرته واکمني کوي. د دوی دواړو اساسي قانونونه همدا راز هغه قوانین چې له دې څخه اخیستل کېږي، سیکولر دي او د اسلام او مسلمانانو له هویت څخه په بشپړه توګه بېل دي. په اسلامي نړۍ کې له نورو هېوادونو سره دا هېوادونه د خلافت دولت په ړنګېدلو سره رامنځ ته شول، چې د انګریز اجنټانو له لوري د ترکیې او عرب ملتپالو په وسیله دقیقاً سل هجري کلونه مخکې ويجاړ شوی و. که څه هم دا د مسلمانانو لپاره یوه غمیزه وه، د انادولو ادارې، چې دا مرکه یې تر سره کړې، دا ورځ لمانځي او د دې لپاره د «۱۰۰» شعار خپلوي.

خان له انقرې سره پر قبرس او نورو سیمه ییزو مسلو د اسلام اباد پر ملاتړ ټینګار وکړ او ویې ویل چې هېواد یې د ترهګرۍ پر وړاندې مبارزه کې د ترکیې تر څنګ ولاړ دی. هغه وویل: «موږ دې ننګونو ته د رسېدلو لپاره متقابلې همکارۍ ته اړتیا لرو،» هغه زیاته کړه چې پاکستان هم په خپلو پولو کې ورته ننګونې لري. موږ واقعاً هیله لرو چې پاکستان او ترکیه د یو بل تر څنګ په رښتینې توګه ودرېږي. دا رښتینی یووالی د قبرس مسلې ته اړتیا لري، چې ترکیه یې په بشپړ ډول د جګړې له لارې د خپلواکۍ وړتیا لري، په داسې حال کې چې دا باید د خبرو اترو له لارې یونان ته د هغې یوه برخه هم پرېږدي. د کشمیر پر مسلې داسې یووالي ته اړتیا ده او د پاکستان اردو یې د ازادۍ وړتیا لري. نو د سولې لپاره باید مودي ته هېڅ لاس ونه غځول شي. موږ په حقیقت کې هیله لرو چې د پاکستان پوځ به د ترکیې له پوځ سره په سوریه کې د ظلم پر ضد بغاوت کې د دوی د ورور ملاتړ وکړي او د امریکا د اجنټ بشار څخه یې خلاص کړي، ترکیه د دې پر ځای چې د ازادې شوې سیمې نور سوري رژیم ته وسپاري، چې روسیه او ایران یې د سوریې د زیانمنو خلکو پر وړاندې سره یو کړي دي. موږ واقعاً هیله لرو چې دواړه هېوادونه به په سیمه کې د یهودي دولت، امریکا او روسیې له ترهګرۍ سره په مبارزه کې همکاري وکړي. د دې پر ځای چې له دغو ناوړه ځواکونو سره یو ځای شي، ګډ دفاعي ځواک جوړ کړي، ځکه چې دا د ترکیې او یهودي دولت تر منځ مسله ده. دواړه هېوادونه د دښمنانو د کارونې لپاره پوځي اډې خلاصوي، که څه هم دا د مسلمانانو کلا ده. دوی دواړه د مجاهدینو په ځپلو کې له ناوړه ځواک سره همکاري کوي، چې خپل هېواد د غرب له اجنټانو څخه ازادوي او یا هم د امت د بقا لپاره د نبوت پر منهج د راشده خلافت د بیا تاسیس لپاره کار کوي.

الله سبحانه و تعالی پر پاکستان او ترکیې دواړو ډېر رحم کړی دی، دوی ته یې دا وړتیا ورکړې ده، چې دواړه له یو بل سره یو ځای شي او یو زبر ځواک جوړ کړي. همدا راز له شاوخوا اسلامي هېوادنو سره یو ځای شي چې د رښتیني حاکمیت تر سیوري لاندې د مسلمانانو د خلیفه له لوري د الله سبحانه و تعالی احکام پلي کړي. دا یوازې هغه وخت کېدلای شي چې امت اشغال شوې اسلامي خاورې ازادې کړي او مسلمانان له هغو نعمتونو څخه برخمن کړي چې الله سبحانه و تعالی ورکړې دي. د دې پر ځای چې په اسلامي هېوادونو کې د موجود سیکولر رژيمونو له لوري د کافرو استعمارګرو له لوري غلا شي. نو په حقیقت کې د خلافت دولت تر مشرۍ لاندې د پاکستان او ترکیې د یو ځای کولو لپاره، موږ د هوايي ځوکونو پر مشر، د پاکستان او ترکیې په پوځونو کې پر خپلو وروڼو غږ کوو چې حزب التحریر ته په نصرت ورکولو سره د نبوت پر منهج د راشده خلافت له لارې بېرته غوره حالت ته وروګرځئ. 

الله سبحانه و تعالی فرمايي:

 (يَا أَيُّهَا الَّذِينَ آمَنُوا اسْتَجِيبُوا لِلَّهِ وَلِلرَّسُولِ إِذَا دَعَاكُمْ لِمَا يُحْيِيكُمْ وَاعْلَمُوا أَنَّ اللَّهَ يَحُولُ بَيْنَ الْمَرْءِ وَقَلْبِهِ وَأَنَّهُ إِلَيْهِ تُحْشَرُونَ)

ژباړه: «اې ایمان راوړونکو! د الله سبحانه و تعالی د هغه د رسول الله صلی الله علیه وسلم بلنې ته لبیک ووایاست چې کله رسول الله صلی الله علیه وسلم تاسو ته د هغه شي په لوري بلنه درکړي، چې تاسو ته ژوند بښونکی دی. وپوهېږئ چې الله سبحانه و تعالی د انسان او د هغه د زړه تر منځ حایل دی. د هماغه لوري ته به تاسو ورغونډ کړای شئ.» [انفال: ۲۴]

د حزب التحریرـ ولایه پاکستان مطبوعاتي دفتر

 

د مطلب ادامه...

د ښځې په اړه د اسلام او کپټلېزم نظر

  • خپور شوی په سیاسي

 (ژباړه)

د سوډان د ازادې برخې حرکت رییس مني ارګو مناوي پر خپل ټوېټرپاڼه لیکلي: «په ګارد کې د مېرمنو د شتون په اړه په ټولنیزو رسنیو کې خبرې اترې، چې د ۲۰۲۰ میلادي کال د نومبر له ۲۵مې سره برابره ده؛ په حقیقت کې دا ورځ د مېرمنو پر وړاندې د تاوتریخوالي ورځ ده او بیا څه عیب لري چې په ګارد کې  ګډون وکړي؟) (سرچینه: سکار نیوز، ۲۰۲۰ م د نومبر ۲۷مه)

هغه څه چې د ازادې برخې جنبش رییس یې ترسره کوي، د معمر قذافي لاره ده چې د سوډان د خلکو له ارزښتونو او باورونو سره په ټکر ده. دغه تګلاره ښځې هغه لور ته بیایي چې د مور او د کور د مېرمنې په توګه د هغوی له طبیعت سره ټکر لري؛ ځکه دا هڅه د ټولنې د مفاهېمو د بدلون لپاره ده. نو اسلام د مېرمنې په لوړ دریځ او مقام سره چې په ټولنه کې یې لري، د شرعي احکامو اړوند یې ساتنه کوي. باید له داسې مزد اخیستونکو ځانونه لېرې وساتي او باید د امت له هغو دښمنانو سره مرسته ونه کړي چې د مېرمنو د چلند او تمدني بحران په هڅه کې دي. هغه بحران چې مېرمنې د روح، اساساتو، فرهنګ او اسلامي تمدن له پلوه منحرفوي. همدارنګه د داسې هڅو په پایله کې یوه مېرمن له فکري پلوه اندېښمنه کېږي او په چلند او واقعیت کې له ستونزو او کړکېچ سره مخ کېږي. دا هر څه د مزدورانو او غرب پلوه سیاستوالو له امله دي، هغه سیاستوال چې په مستقیم ډول یې په سوډان کې د مېرمنو په منځوي کېدو او لارورکۍ کې برخه درلوده او مېرمنې یې له لوږې او فقر څخه د خلاصون لپاره په داسې پالیسیو او تګلارو کې کار کولو ته اړې کړې.

د ښځو پر وړاندې د تاوتریخوالي  د نړيوالې  ورځې په نوم او له ښځو څخه په داسې حالت کې ګټه اخیستل د ((دارفور)) د ښځو له حالت سره همغږي نه لري؛ ځکه هغه مېرمنې تر اوسه په کمپونو کې تیت او په بد حالت کې دي. د پلازمېنې په زړه کې، لوړې بیې او د سون توکي پر هغوی ظلم دی، نیمه ورځ د ډوډۍ د وېش لپاره په کتارونو کې ولاړې وي، پرته له درملو له ناروغیو ځورېږي او داسې نور مصیبتونه او رنځونه چې اوږد لېست تر جوړېږي.

رښتیا هم  کار ښځو ته د یوه عسکر په څېر فرصت نه ورکوي چې خپل ځان او ارزښتونه ثابت کړي او خپلو موخو ته د یوه مناسب او عزتمند ژوند لپاره ورسېږي، ځکه دغه ډول کارونه د هغوی له ښځينه طبیعت سره په ټکر کې دي! هغه څوک چې د غربي ارزښتونو د تقلید هڅه کوي، ملاټر ترې کېږي؛ خو د کومو ښځو حقوق چې په خپلو اعمالو کې له غربي ارزښتونو تقلید نه کوي، هغوی به څنګه کېږي؟

د غرب په باور، د ښځو ستونزه دا ده چې د نارینه په څېر کاري فرصتونه او مطلقه ازادي نه لري؛ ځکه پانګوال نظام غواړي چې له نر څخه د خپلواکۍ فرصت واخلي او دغه کړنه هېڅ کله له طبیعت سره همغږې نه ده.

د ښځو د خپلواکۍ او ازادۍ پایله دا ده چې ټولنه د تباهۍ  پر لور بیایي او دا به داسې ټولنه وي چې خلک به يې نه راټولېږي، ښځې به پرته له سکون، د اخلاقو خلاف او نا پېژندل شویو ارزښتونو پر لور درومي.  همدارنګه ښځه په یوه ماشین بدلوي او د امنیت او خوښۍ احساس ترې اخلي. د هيلو پوره کېدل به يې ناشوني وي او سالم ژوند نه شي ورته رسېدلی. ښځې په ټولنیزو رسنیو کې ګماري، له هغوی ګټه اخلي او د نارینه وو په وسیله پرته له هېڅ احساس لارښوونه ورته کېږي. که هر څومره یوه ښځه هوښياره او پاکه وي، له هغو څخه یوازې د دنیوي او مادي موخو لپاره ګټې اخلي.

د ښځو لپاره د خپلواکۍ ګټلو هڅې او یا له هغه څخه بد حالت چې په غربي ټولنو کې دی، شتون لري او د ګڼو فشارونو وسوسو، بې اساسه باورونو پر اساس غواړي چې د ښځو خصوصي حریم ترې واخلي.  ښځو ته د حللارې په توګه غربي مفاهېم ورښيي.

په کوم واقعیت کې چې ژوند کوو، باید پوره بدل شي؛ نه دا چې موږ له ښځو څخه د ناوړه ګټې اخیستنې په وسیله بدل کړي. د ځوانو ښځو له خوا د ټولو مسوولیتونو قبلول زړه نازړه  او مخالف حالت دی چې د منلو نه دی.

اِنَّ اللّه لا یُغّیِّرُ مَا بِقَوّمٍ حَتّی یُغّیِّرُا مَا بِانّفُسهم [رعد: 11]

ژباړه: الله سبحانه و تعالی د هېڅ قوم او ملت حالت نه بدلوي (یعنې له بدبختۍ څخه نېکمرغۍ، له ناپوهۍ څخه پوهې، له بې عزتۍ څخه عزت ته نه رسوي) څو خپل ځانونه خپله بدل نه کړي.

اړتیا ده چې د اسلامي حاکمیت، چې ښځو ته ځانګړي ارزښتونه ورکوي، د بېرته راګرځولو لپاره يې پوره هڅه وکړو چې د ټولو لپاره د عزت او عظمت سرچینه ده او په پلي کېدو سره يې ښځو ته د غوره او ښکلي ژوند حق ورسېږي.

لیکونکی: استاذ غادة عبدالجبار (ام اواب) – ولایت سودان)

ژباړن: الهام «پردېس»

د مطلب ادامه...

د امریکا ډیموکراسي خپل ځان خوري Featured

امریکايي لاریون کوونکو د امریکا د تلونکي ولسمشر ډونالډ ټرمپ په پلوۍ د امریکا د کانګرس پر دفتر بريد وکړ، څو د نوي ولسمشر جو بایډن د ولسمشرۍ د پیل مراسمو مخنیوی وکړي. دوی ټاکنې له درغلیو ډکې بولي او ځانونه د ډیموکراسۍ او د امریکا د اساسي قانون مدافعین ګڼي. ټرمپ په یوه وینا کې له خپلو پلویانو وغوښتل چې لاریون وکړي او د کانګرس د ناستې پر وړاندې خنډ جوړ کړي، ځکه چې خپل ځان د ټاکنو ګټونکی بولي.

د دواړو کاندیدانو پلویان وایي، دوی ډیموکراسۍ پلوي دي او ټینګار کوي چې له راپرځېدو څخه به یې وساتي. په دې توګه ډیموکراسي دواړو خواوو ته د خرما هغه بت ګرځېدلې چې دوی ورته سجده کوي او کله چې بیا وږي شي، خوري یې.

دا څرګنده شوه چې امریکا له داسې یو کړکېچ سره لاس او ګرېوان ده چې له مادي ارزښت پرته په نورو ارزښتونو پسې نه ګرځي، غربي ډیموکراسۍ ډېر وغولول او په هغه ځای کې خوسا شول چې غوښتل یې هلته ډیموکراسي پیاوړې کړي. هر کله چې د دوی ستونزې هوارې نه کړي او د شخړو او کړکېچونو لامل یې شي، بیا یې په لغته وهي.

موږ  نه هېر وو چې غرب بیاځلي په هغو هېوادونو کې د ډیموکراسۍ په بریالي کولو کې څنګه پاتې راغلی، چې په زور یې نیولي او په ظلم یې اداره کوي. د دې مفهوم پر ځای چې دوی یې «ډموکراټیک لېږد» بولي، دغه هېوادونه یې د فساد، ظلم او بې عدالتۍ جنون ته رسولي او په ډېری مواردو کې یې کورنۍ جګړې رامنځ ته کړې دي. نن د ډیموکراسۍ ناکرارۍ او کړکېچونه دي چې امریکا پکې ډوبېږي.

دلته موږ اسلامي امت ته یادونه کوو چې دا د انساني تمدن امت دی او نن ورځ یې نه یوازې په اسلامي هېوادونو کې د خلافت د بیا تاسیس لپاره دروازې پرانیستې دي، بلکې غربیان هم اسلام د یو متمدن بدیل په توګه وړاندې کوي، دا هغه خلک دي چې د خپلو واکمنانو له مادیت مفکورې تر پوزې راغلي او نن دوی د ډیموکراسۍ پر مندر برید کوي، چې دا څه په ښکاره پر ډیموکراسۍ د دوی بې باوري ښيي.

په اسلام کې د حکومت نظام د هېوادونو او خلکو د چارو په اداره کولو کې ځانګړې بڼه لري، ځکه چې حاکمیت او واک سره بېلوي، ځکه امت منتخب خلیفه ته واک ورکوي، چې پر هغوی شریعت پلی کړي. په اسلام کې له امت پرته هېڅ ژمنتوب نشته، خو یو امت تر هغه وخت د خلیفه پیروي کوي چې د الله سبحانه و تعالی قانون پلی کوي او په دې توګه اسلامي نظام یوازینی نظام دی چې د تل پاتې ثبات ضمانت کوي. الله سبحانه وتعالی فرمايي:

[أَفَمَنْ أَسَّسَ بُنْيَانَهُ عَلَى تَقْوَى مِنَ اللَّهِ وَرِضْوَانٍ خَيْرٌ أَم مَّنْ أَسَّسَ بُنْيَانَهُ عَلَى شَفَا جُرُفٍ هَارٍ فَانْهَارَ بِهِ فِي نَارِ جَهَنَّمَ وَاللَّهُ لَا يَهْدِي الْقَوْمَ الظَّالِمِينَ]

ژباړه: «نو ستاسو څه ګومان دی، غوره انسان هغه دی چې د خپلې ودانۍ بنسټ یې له الله سبحانه و تعالی څخه په وېره او د هغه سبحانه و تعالی د رضا لپاره اېښی وي، یا هغه چې د خپلې ودانۍ بنسټ یې پر نرمې او سستې څنډې یې اېښي وي؛ چې ناڅاپه د دوزخ په اور کې وغورځېږي؟ ـ الله سبحانه و تعالی داسې ظالمانو ته هېڅکله سمه لاره نه ښيي.» [توبة: ۱۰۹]

د حزب التحریرـ مرکزي مطبوعاتي دفتر

 

د مطلب ادامه...

د یو دعوتګر مړینه! Featured

  • خپور شوی په عراق

(مِّنَ الْمُؤْمِنِينَ رِجَالٌ صَدَقُوا مَا عَاهَدُوا اللَّهَ عَلَيْهِ فَمِنْهُم مَّن قَضَى نَحْبَهُ
وَمِنْهُم مَّن يَنتَظِرُ وَمَا بَدَّلُوا تَبْدِيلاً)

ژباړه: «له مومنانو څخه ځینې داسې شخصیتونه شته چې له الله سبحانه و تعالی سره یې کړې ژمنه رښتیا کړې؛ له هغو څخه چا خپل نذر پوره کړ او څوک د وخت راتلو ته په تمه دي. هغوی خپله کړنلاره هېڅ بدله نه کړه.» [احزاب: ۲۳]

موږ د خپل ګران ورور او معزز ښوونکي حسن عبدالغني محمد الرفیعي په مړینه ډېر خواشیني یو، چې د امت د ژغورلو لپاره یې د خپل پلار پر پله پل اېښی و، تر هغه وخت یې کار وکړ چې ناروغي یې سخته شوه او وفات شو. موږ د الله سبحانه و تعالی دربار ته لاسونه لپه کوو چې زموږ پر ورور حسن عبدالغني محمد الرفیعي رحم وکړي او هغه له انبیاوو، صدیقینو، شهداوو، صالحینو او غوره ملګرو سره یې جنت ته بوځي،  موږ له الله سبحانه و تعالی څخه د هغه کورنۍ ته د صبر او زغم هیله کوو.

(إِنَّا للهِ وَإِنَّا إِلَيْهِ رَاجِعُونَ) 

ژباړه: «موږ د الله سبحانه و تعالی یو او د هغه سبحانه و تعالی لوري ته ورګرځېدونکي یو.» [بقره: ۱۵۶]

د حزب التحریرـ ولایه عراق مطبوعاتي دفتر

 

د مطلب ادامه...

د کڼو او ګونګو ملګرو ملتونو او ( OIC) استیناف ته اړتیا نشته، کله چې په راشده خلافت کې د پاکستان وسله وال ځواکونه او استخبارات له هندوستان څخه اشغال شوی کشمیر په اسانۍ ازادولی شي Featured

  • خپور شوی په پاکستان

عمران خان د ۲۰۲۱م کال، د جنوري پر ۵مه، ټوېټ وکړ، «د ۱۹۴۹م کال، د جنوري په ۵مه، ملګرو ملتونو په بې پرې توګه د جمو او کشمیر د خلکو لپاره د عامه رايي حق تضمین کړ. موږ دغه ورځ نمانځو، چې له کشمیریانو سره د ملګرو ملتونو او غړو هېوادونو د ژمنو یادونه کوي.» ولې اړتیا ده چې په پرلپسې توګه له کڼو او ړندو ملګرو ملتونو اوOIC  څخه غوښتنه وکړو، په داسې حال کې چې د پاکستان وسله وال ځواکونه هندوستان له وحشیانه دولت څخه د مقبوضه کشمیر د ازادولو لپاره چمتو او وړ وي؟ دا واکمنان ولې نه پوهېږي چې دوی خپله له ظالمانو څخه د مرستې هیله کوي؟ ملګري ملتونه یوازې د غرب استعماري قدرتونو یوه وسیله ده چې د یهودي دولت او هندو ریاست له لوري یې نېغ په نېغه ملاتړ کېږي. په( OIC) کې واکمنان هغه څوک دي چې اساس نه لري، د دوی غربي باداران له دوی څخه د اسلام او مسلمانانو پر وړاندې د خپلې جګړې د پیاوړي کولو غوښتنه کوي.

دا د ټوېټونو، استیناف او لاریون وخت نه دی، ځکه چې دا په مقبوضه کشمیر کې زموږ د مسلمانو وروڼو او خویندو په ټپونو مالګه شیندل دي. اوس د دې وخت رارسېدلی چې د کشمير د ازادولو لپاره د الله سبحانه و تعالی په لاره کې خپلو وسله والو ځواکونو ته د جهاد امر وکړو او د تکبیر نارې پورته کړو. په هغه وخت کې چې هندوان د مقبوضه کشمير پر مسلمانان فشار راولي، په داسې حال کې چې زموږ عسکر د کنټرول او کاري پولې په اوږدو کې په شهادت رسېږي، نو اوس هغه وخت رارسېدلی چې د الله سبحانه و تعالی په مرسته د پاکستان پوځ او ISI د کشمیر د ازادولو لپاره روان کړو.

اې د پاکستان مسلمانانو!

په دې وروستیو کې د اذربایجان مسلمان پوځ د ناګورنو ـ قره‌باغ نيول شوې سیمې په بریالیتوب ازادې کړې. نو موږ څه ډول د کشمیر د ازادولو لپاره د نړۍ شپږم لوی لښکر د وتلو د مخنیوي لپاره د عسکرو په ورکولو سره د شهادت یا بریا غوښتنه کوو؟ په دې وروستیو کې د الله سبحانه و تعالی په مرسته، په افغانستان کې هغو مجاهدینو چې د الله سبحانه وتعالی د رضا لپاره یې جهاد وکړ، د امریکا وسله وال ځواکونه په ګونډو کړل، اوس واشنګټن د ميز پر سر د خبرو له لارې د جګړې په ډګر کې د مرستې غوښتنه کوي. نو کله چې دوی زموږ په لوړه کچه د روزل شوو مجهزو زمریانو سره مخ شي، نو د هندوستان او وېشل شوو سرتېرو حال به څه وي؟  

اې د پاکستان مسلمانانو!

الله سبحانه و تعالی موږ ته امر کړی دی:

(وَاقْتُلُوهُمْ حَيْثُ ثَقِفْتُمُوهُمْ وَأَخْرِجُوهُمْ مِنْ حَيْثُ أَخْرَجُوكُمْ)

ژباړه: «له هغو سره هر چېرې چې مخامخ شئ، وجنګېږئ، هغوی له هغه ځایه وباسئ، چې تاسې یې ایستلي یاست؛» [بقرة: ۱۹۱۹]

نو د دغه ایت امر پوره کړئ! د مقبوضه کشمیر د خلاصون یوازنی خنډ هغه واکمنان دي چې زموږ وسله وال ځواکونه او استخبارات یې په واشنګټن کې د خپلو بادارانو په امر بند کړي دي. دا پر موږ پورې اړه لري چې د پاکستان په وسله والو ځواکونو کې زموږ له پلرونو، وروڼو او زامنو څخه غوښتنه وکړو چې دوی د نبوت پر منهج د خلافت د سملاسي بیا تاسیس لپاره خپله نصرت وکړي. یوازې هغه مهال به موږ خوښ یو چې زموږ زمریان د راشده خلافت تر چتر لاندې اسلامي امت لپاره د دوی د خولې، وینې، اور او فولادو سره بریا تر لاسه کوي. الله سبحانه و تعالی فرمايي:  

 (قَاتِلُوهُمْ يُعَذِّبْهُمُ اللَّهُ بِأَيْدِيكُمْ وَيُخْزِهِمْ وَيَنْصُرْكُمْ عَلَيْهِمْ وَيَشْفِ صُدُورَ قَوْمٍ مُؤْمِنِينَ)

ژباړه: «له هغو سره وجنګېږئ؛ الله سبحانه و تعالی به ستاسو په لاسونو هغوی ته سزا ورکړي، ذلیل او خوار به یې کړي او د هغوی پر وړاندې به ستاسو مرسته وکړي او د ډېرو مومنانو زړونه به یخ کړي.»[توبه: ۱۴]  

د حزب التحریرـ ولایه پاکستان مطبوعاتي دفتر

 

د مطلب ادامه...

د ورکو شویو کسانو په قضیو کې د دولت پر لوړپوړو چارواکو میلیونه روپۍ جریمه لګول شوې

  • خپور شوی په سیاسي

اته کلونه کېږي چې له یوې محکمې څخه بلې ته او له بلې څخه بلې ته ځو او راځو، خو هېڅوک هم نه شي کولای چې زما خاوند بېرته ما ته راولي. کله چې زما خاوند وتښتول شو، په هغه وخت کې زما زوی د دوو کلونو و. زما زوی تر اوسه خپل پلار سم نه دی لیدلی. سعدیه رهات د نوید بټ مېرمن او مدافع وکیله ده. د سعدیې خاوند د پاکستان ـ ولایه حزب التحریر ویاند و چې په ۲۰۱۲ م کال کې په لاهور کې له خپل کور څخه بهر د نامعلومو کسانو له خوا وتښتول شو.

سعدیې وویل: موږ له هغې ورځې راپدېخوا له یوې محکمې څخه بلې محکمې ته ځو او راځو، خو تر اوسه مو د محکمې کومه پرېکړه نه ده ترلاسه کړې. د ورکو خلکو کمېسیون یو  قانون جوړ کړ، خو زما خاوند نه و پکې راغلی. هغې زیاته کړه: ټولې استخباراتي ادارې زما د خاوند له نیولو څخه انکار کوي، خو زه پوره باور لرم چې زما خاوند له دوی سره دی. په دې وروستیو کې د اسلام اباد سترې محکمې د ورکو شویو کسانو د ورکېدو له امله د دولت پر لوړپوړو چارواکو د جریمو لګول په ډاګه کړل. د پاکستان یوې محکمې د دغه هېواد د یو سیاستوال غلام قدیر د ورکېدو له امله پر پولیسو، امنیتي او دفاعي ځواکونو ۱۰ میلیونه جریمه وضع کړه.

فدرالي حکومت په دې کې پاتې راغلی چې دغه قضیه محکمې ته وړاندې کړي. دې مسلې ته د رسېدنې لپاره محکمې اعلان وکړ چې جریمه د اجرا کېدو په حال کې ده، خو حقیقت دا دی چې کله یو څوک ورک شي، د هغه په اړه باید څه ډول اقدام وشي. د عطار مینالله په نوم یو قاضي وویل، محکمې ته زیان رسېږي، خو ځکه دولت د هغه په پیدا کېدو نه بریالی کېږي.

سید طیب شاه د اسلام اباد د څارنوالانو نماینده وویل چې د دا ډول قضیو په هکله باید ډېر بحث او څېړنه ونه کړو او دا کار باید محکمې ته پرېږدو. نوموړي وویل چې که حکومت د محکمې پر پرېکړه راضي نه و، نو بیا دولت خپله کولی شي چې دوسیې له سره وګوري. په پاکستان کې باید محکمه د داسې قضیو په اړه مشخص تصویر ولري، خو په دې وروستیو کې د ورکو شویو کسانو په هکله بې دريځه ده. دا لومړۍ قضیه نه ده چې دوی ۱۰ میلیونه روپۍ جریمه اېښې، تر دې وړاندې هم دولتي چارواکې په درېیو بېلابېلو قضیو کې د محکمې له خوا جریمه شوي دي. د اسلام اباد د لوی څارنوال مرستیال سید طیب شاه وویل چې په دې اړه ډېر بحث کولو ته اړتیا نشته، ځکه په وینا یې په محکمه کې په دې برخه کې د نظر تجدید روان دی. هغه وویل، د محکمې د نه رضایت په صورت کې د نظر د تجدید حق لري. په پاکستان کې باید محکمه د داسې قضیو په اړه مشخص تصویر ولري، خو په دې وروستیو کې د ورکو شویو کسانو په هکله بې دريځه ده. دا لومړۍ قضیه نه ده چې دوی ۱۰ میلیونه روپۍ جریمه اېښې ده، د دغه هېواد دولتي چارواکې مخکې هم په درېیو بېلابېلو قضیو کې د محکمې له خوا جریمه شوي دي.

د ساجد محمود په نوم د یو بل ای ټي انجینر هم ورته قضیه ده، د هغې مېرمنې ماهیرا ساجد د خپل کورنۍ لګښتونه محکمې ته وړاندې کړل. محکمې دولتي چارواکو ته د ساجد محمود د ورکېدو له امله ۴.۵ میلیونه جریمه وټاکل او  په هر میاشت کې باید د ساجد محمود کورنۍ ته ۱۵۰ زره روپۍ ورکړي.

د مهرا ساجد مدافع وکیل عمر جیلاني د دغې قضیې په اړه وویل: «هېواد د هر شخص د امنیت ساتلو مسول دی. که یو څوک ورکېږي، نو بېرته راپیدا کول او کورنۍ ته سپارل یې هم د دولت مسولیت دی. همدارنګه ما د دغې قضیې او د محکمې د پرېکړې په اړه له دولت سره خبرې وکړې، چې دولت هم ومنله. عملي کول یې پاتې دي چې هغه به هم په نېږدې راتلونکي کې ولیدل شي. زه هیله لرم چې دولت به دغه کار ترسره کړي.»

د پاکستان یو کنسل عابد ساقي په دې اړه وویل، د دغه نظام او قانون تر چتر لاندې د هر فرد ازادي او له هر نفر څخه ساتنه د دولت دنده ده. محکمې د نظام په سر کې دي، که یې امر پلی نه شي، نو له عملي کوونکو سره به قانوني چلند وشي.

عابد ساقي د ورکو شویو کسانو د قضیو په هکله وویل: »د محکمې له خوا واضح امر شوی دی، خو دوی یې نه عملي کوي. د پاکستان محکمې د هر فرد د ازادۍ او امنیت ساتلو په اړه مسولیت لري او باید چې خپله دنده سرته ورسوي.» سعدیې رهات وویل: «زه د خپل خاوند له تښتولو وروسته له ډېرو ستونزو سره مخ یم. دری زامن او لورنې لرم او ماشومان مې د خپل پلار په اړه ډېر اندېښمن دي او سخت ځورېږي.»

 سعدیې زیاته کړه، کله چې ما د پاکستان له سترې محکمې د مالي مرستو غوښتنه وکړه، له دې امله وه چې تر دې وړاندې به زموږ د کورنۍ مالي لګښتونه زما خاوند پوره کول، خو اوس چې هغه نشته، له ګڼو ستونزو سره مخ یو.

د پاکستان د ورکو شویو کسانو د کمېسیون په خبره، تر اوسه په یاد هېواد کې له دوو څخه تر دوو نیم زرو پورې کسان ورک شوي. همدارنګه په دې هکله باید د محکمو له خوا مشخص قوانین وضع شوي وای، ډېر خلک چې تراوسه ورک دې، قضایي ادارې یې یوازې مسولیت پر غاړه اخلي. په هر حال ځینې وختونه قضایې ادارې او دولت د دوی تایید هم پر غاړه نه اخلي.

امریکا غږ اردو

عاصم علي رانا

اسلام اباد

 

د مطلب ادامه...

د یو دعوتګر د مړینې خبر

(مِّنَ الْمُؤْمِنِينَ رِجَالٌ صَدَقُوا مَا عَاهَدُوا اللَّهَ عَلَيْهِ فَمِنْهُم مَّن قَضَى نَحْبَهُ
وَمِنْهُم مَّن يَنتَظِرُ وَمَا بَدَّلُوا تَبْدِيلاً)

ژباړه: «داسې مومنان شته چې له الله سبحانه و تعالی سره یې کړې ژمنه رښتیا کړې ده. له هغو څخه چا خپل نذر پوره کړ او څوک د وخت راتلو ته په تمه دي. دوی خپله کړنلاره هېڅ بدله نه کړه.»

موږ د خپل ګران ورور علییف شریف الله په مړینه ډېر خواشیني یو، چې د اسلامي امت د ژغورلو لپاره یې نه ستړې کېدونکې هڅې وکړې او خپل ژوند یې د دغه غږ په لېږدولو کې تېر کړ.

علییف شریف الله چې په ۱۹۷۸م کال، د صغد تاجک ایالت مرکز په خجند ښار کې زېږېدلی و، په ۱۹۹۸م کال کې د حزب التحریر له مفکورې سره اشنا شو او په اسلامي توګه د ژوند تر سره کولو لپاره یې د نبوت پر منهج د راشده خلافت د بیا تاسیس لپاره ډېر کار وکړ.

د حزب التحریر په لیکو کې زموږ د ورور فعالیت د امام علي الرحمن په مشرۍ د ظالمانه تاجک رژیم له سترګو لېرې پاتې نه شو. هغه په ۲۰۰۰م کال کې ونیول شو، څو له دعوتي فعالیتونو څخه لاس واخلي. شریف الله هغه مهال خپل فعالیت بند نه کړ او تر ډېر ظالمانه وضعیت لاندې په زندان کې و. هغه د ظالم د ظلم او خلکو د تورونو هېڅ پروا نه درلوده، چې غوښتل یې د هغه غږ چوپ کړي. له همدې امله، ظالم رژیم هغه دوه ځله له بند څخه تر خوشي کېدلو وروسته بیا بندي کړ. زموږ ورور د تاجک رژیم په ظالمانه زندانونو  کې د خپل ژوند ۱۳ نیم کلونه تېر کړل؛ خو مخکمې هېڅکله هم د هغه حل لاره ماته نه کړه. زموږ ورور د ۲۰۲۰م کال په پيل کې په ډېر جرأت او کلک هوډ خپلو فعالیتونو ته دوام ورکړ.

په خواشینۍ سره، د ظالم په زندانونو کې د ظالمانه شکنجو او د کافي بشري روغتیایي پاملرنې د نه درلودو له امله زموږ د ورور روغتیايي وضعیت خراب شو. شریف الله د ۲۰۲۱م کال د جنوري پر لومړۍ نېټه له دې نړۍ سترګې پټې کړې.

موږ د الله سبحانه و تعالی دربار ته لاسونه لپه کوو چې زموږ پر ورور علییف شریف الله رحم وکړي او هغه له انبیاوو، صدیقینو، شهداوو، صالحینو او غوره ملګرو سره یې جنت ته بوځي.  موږ له الله سبحانه و تعالی څخه د هغه کورنۍ ته د صبر او زغم هیله کوو.

(إِنَّا للهِ وَإِنَّا إِلَيْهِ رَاجِعُونَ) 

ژباړه: «موږ د الله سبحانه و تعالی یو او د هغه سبحانه و تعالی لوري ته ورګرځېدونکي یو.» [بقره: ۱۵۶]

د حزب التحریرـ قرغیزستان مطبوعاتي دفتر

 

د مطلب ادامه...

موږ به څنګه د الله سبحانه و تعالی رضایت او د رسول صلی الله علیه وسلم د شفاعت وړ وګرځو، که چیرې موږ له روسیې سره ګډ نظامي تمرینونه تر سره کړو، چا چې په بې رحمۍ سره د سوریې مسلمانان بمبارد کړل، پر هند یې وسلې وپلورلې او د ازربایجان د مسلمانانو پر وړاند

  • خپور شوی په پاکستان

د روسیې ځانګړو ځواکونو د ۲۰۲۰م کال، د نومبر په ۵مه، د دوو اونیو لپاره د ګډو نظامي تمرینونو “DRUZHBA 5” په خاطر پاکستان ته راغلل، تر څو په جنګ "تروریزم" کې تجربې سره شریکې کړي،  چې دا وروستي تمرینونه وروسته له یو کال څخه چې د سوریې مسلمانان د روسیې تر بمباریو لاندې ښخ شول لومړنی پیل و. که څه هم دا ګډ تمرینونه د دې لامل کیږي چې کمزوری دولت له پياوړي دولت څخه ګټه واخلي او په عملي توګه هغه مستعمره حکومت ته اجازه ورکوي چې د پیاوړي حکومت نظامي وړتیاوو ته لاسرسی پیدا کړي، د دوی د جنګي تکتیکونو په اړه پوه شي، نیمګړتیاوې، کمزورتیاوې او همدا راز د پرمختګ لامل یې وپیژني، په سیمه کی نفوذ ومومي او د خپلو وسلو او وړتیاوو څخه وېره خپره کړي. سربیره پردې، دا نظامی تمرینونه خو له کافرو روسانو سره دي، چی لاسونه یی د سوریې د مسلمانانو په وینو سره دي، هغه کفار چې نوې وسلې یې د مسلمانانو پر سرونو وازمویلې. دا خو هماغه روسیه ده چی په دې وروستیو کې یې د یوولسم ځل لپاره زموږ له دښمن هند سره ګډ نظامي تمرینونه(INDRA) وکړل او تر څنګ یې S-400 میزایل سیستم هم پر هندو حکومت خرڅ کړ. دا خو هماغه روسیه ده چی په سلګونو زره د افغانستان مسلمانان یې شهیدان کړل او همدارنګه د چیچنیا، قفقاز او خپله د روسې پر مظلومو مسلمانانو یې ډیر بې رحمه ظلمونه وکړل. دا خو هماغه روسیه ده چی د ازربایجان د مسلمانانو پر وړاندې یې د امریکا یي نظامیانو ملاتړ وکړ. نو د دغه ترهګر حکومت کومه شریکه شوې تجربه به موږ پیاوړي کړي چې د دوی ټول جنګ د مسلمانانو او اسلام پر سر دی؟!

ای د پاکستان مسلمانو نظامي ځواکونو! څنګه دغه قوانینو تاسې دې ته اړ کړلی چی په دومره نړۍ کې  له دې ظالمانو سره یو ځای ګډ نظامي تمرینونه ترسره کړئ؟ ایا د کشمیر ازادول د تاسی لپاره غوره نظامي تمرین نه و، چې تاسې به ښايي په غازي او یا هم شهید کیدلو سره خورا ډېر اجر تر لاسه کړی و؟ نو تاسي به څنګه عمل کوی کله چې د باجوه-عمران رژیم ستاسې مخه ونیسي، په داسې حال کې چې د هند حکومت اشغال شوی کشمیر خپل کړي؟ له دې چټل سیاسي او نظامي رهبرۍ څخه ځانونه ازاد کړئ چې د غربي موخو لپاره وفاداره او صادق دي، خو د اسلام د هغه قوي تصویر څخه بې خبره دي چې تل به یې غښتلي دښمنانو ته ماتې ورکوله.

څنګه هغه روسیه موږ ته شجاعت او جنګ را زده کولی شی چی د افغانستان او پاکستان د مسلمانانو په وسیله ټوټه ټوټه شوه؟ سربیره پردی چې د مرکزي اسیا او له هغه څخه د باندې حکومتونو د مسلمانانو په واسطه ځوریږی چی غواړي د هغوی په قلمرو کی خلافت جوړ کړي. چی ښايي یوه پیاوړې او اساسي برنامه وي چې روسیې ته پر مسلمانانو باندې د بې رحمه ظلمونو پر وړاندې یو غاښ ماتوونکی ځواب ورکړی، چی ان په کرملین کی یی د پوتین او د هغه د ملګرو په زړونو کی سخت ډار اچولی دی او همدا راز د سپینی ماڼی او د Ten Downing Street د اشغال د پای ته رسولو لپاره به دا یو پیل وي ، اې د خالد بن ولید زامنو، دا امت د تاسی امر ته منتظر دی، نو اوس حرکت وکړئ او د الله سبحانه وتعالی دا ژمنه تاسو ته انتظار باسي. الله سبحانه وتعالی فرمايي:  

 [ٱلَّذِينَ يَتَّخِذُونَ ٱلْكَافِرِينَ أَوْلِيَآءَ مِن دُونِ ٱلْمُؤْمِنِينَ أَيَبْتَغُونَ عِندَهُمُ ٱلْعِزَّةَ فَإِنَّ ٱلعِزَّةَ لِلَّهِ جَمِيعاً]

"هغه کسان چی مومنان پریږدي، له کافرانو سره د دوستی اړیکی ټینګوی، ایا دا خلک د عزت د لاس ته راوړلو لپاره هغوی ته ورځي؟ په داسې حال کی چی هر راز عزت یوازې د الله سبحانه و تعالی لپاره دی". [نسأ: ۱۵۹]

د حزب تحریرـ ولایه پاکستان مطبوعاتی دفتر

 

د مطلب ادامه...
Subscribe to this RSS feed

اسلامي خاورې

اسلامي خاورې

غربي هېوادونه

ټول لینکونه

د پاڼې برخې